فيليكس مورا

من ويكيپيديا
فيليكس مورا
معلومات عامة
زيادة 28 غشت 1926
كروا (نورد)
لموت 31 يوليوز 1995 (68 عام)
لنس
لجنسية فرانصا
لحرفة عسكري و مُشغِّل
لّوغات لي كيعرف لفرانساوية
لعسكر
لڭراد رقيب


فيليكس مورا هو واحد لوفيسير فرانساوي لي خدم ف بزاف ديال لمناطق ف لأطلس لكبير ؤ سوس ؤ حتا لأطلس صّغير ف لمغريب ف لوقيتة لي كان فيها لمغريب مستعمر. من بعد ما تقاعد ؤ خدا لمغريب ليستيقلال ديالو، تّختار مورا باش يتوسط ل لوزينات ؤ لمناجم ديال فرانسا ؤ يجيب ليهم لي بغا يخدم من الناس ديال هاد لبلايص حيت كانت عندو تجرية كبيرة فيها.[1]

حياتو[بدل | بدل لكود]

تولد ف1926 ف فرانسا و تما كبر و قرا حتا تخرج من لمعهد لحربي. من بعد لتاحق ب لجيش لفرانساوي و بقا تيترقا حتى ولا ؤفيسير على بزاف ديال مناطق لمغريب (لأطلس لكبير ؤ سوس و لأطلس صّغير ؤ حتا واد نون).

مورا مشهور بزاف عند لمغاربا خصوصا لأمازيغ حيت هو اللي كان كيدي ناس للخاريج باش يخدمو. الطريقة لي تيدير هي بلي كيمشي معا مراتو ؤ الناس لي كيعاونوه ؤ كيقصدو شي قرية من القرى ديال لمغريب من بعد ما كيعلم الشيخ ديال لقبيلة ؤ السلطة. الشيخ كيعلم ناس لقبيلة ؤ كيتافقو على شي نهار. ملي كيجي مورا كيلقى الناس شادين الصف ؤ معريين على الصدر ديالهم. كيبدا مورا يقلبهم واحد واحد. لي طبع ليه على صدرو ب لخضر راه كيدوز للمرحلة لي من بعدها, ؤ لي طبع ليه ب لحمر كيرجع ل دارو. الناس لي عندهوم لكاشي لخضر كيمشيو عند الطبيب باش يدوز ليهم ؤ يشوف واش نيت يقدرو يخدمو أولا لا. اللي نجح فيهم كياخذ لپاسپور ديالو ؤ كيمشي يخدم، يا إما ف لمناجم أولا لوزينات ديال فرانسا على حساب فين كاين النقص .

توفا فيليكس مورا ف عام 1995 ف بلادو فرانسا.

عيون لكلام[بدل | بدل لكود]

  1. ^ أم العيد، ميمون (10 غشت 2017). "عندما أفرغ "موغا" قرى مغربية من الرجال للعمل في مناجم فرنسية". هيسپريس (ب لعربية). مأرشيڤي من لأصل ف 2020-08-13. تطّالع عليه ب تاريخ 2020-01-12.