فضيلة بن موسى
فضيلة بن موسى
| ||
 | ||
| معلومات عامة | ||
| زيادة | 16 ماي 1959 (66 عام) مراكش | |
| لجنسية | لمغريب | |
| لحرفة | مومتيلة، ممتيل د لأفلام، ممتيلة د التلفازة و مومتيلة مسراحية | |
| لّوغات لي كيعرف | الداريجة لمغريبية و عربية | |
   | ||
فضيلة بن موسى ممثلة مغريبية خلاقت فمدينة مراكش عام 16 ماي 1959، بدات مسيرتها الفنية مع مسرح لهواة ف 1977. ؤ ما حتارفات التمثيل حتى ل1981، من تما ولات واحد لوجه معروف بزاف عند لمغاربة ؤ شي لي كيميزها هي الهضرة المراكشية ديالها ؤ لي كتميزها على لممثلين لمغاربة لخرين. فضيلة بنموسى خدمات كثر من سبع سنين مع لفرقة د الوفا لمراكشية ؤ لي شاركت معاها فشحال من مسرحية لي ألف أغلبها لمرحوم عبد السلام الشرايبي، بحال مثلا مسرحية الحراز، طمو والذهب، مكسور الجناح،الزواج بالحيلة. ؤ ݣاع فهاد لمسرحيات خدات دور لبطولة.[1][2]
فضيلة بنموسى، لممثلة لمراكشية معروفة، منين دخلات لعالم المسرح ولى وجهها باين عند المغاربة، خصوصاً بطريقتها المراكشية اللي كتخليها باينة بزاف. خدمات مع فرقة الوفاء المراكشية لكتر من سبع سنين، وشاركات معاهم فبزاف ديال المسرحيات، أكتريتها من تأليف المرحوم عبد السلام الشرايبي.وقدرات فضيلة بنموسى تاخد بلاصتها بين البهجاويين، وكما قال الممتل الشوبي: "فضيلة بنموسى هي العجينة اللي إلا طحنتيها كتطلع بنينة وطيّابة. كنهدَر عليك بالدارجة اختي فضيلة، حيت هي اللي تقدر توصل مشاعري ليك كأخت، وكزميلة فالميدان، وكبنت مراكش من القاع الحضري بحالي. سعدات مراكش بيك، وسعدات المغرب بيك، وسعدات كل من خدم معاك يا گميحة الفن. كون كنت منتج، ندير بزاف ديال الأفلام وانتي بطلتها، وندير منك إسعاد يونس ولا سهير البابلي ديال المغرب. الله أنعم عليا نخدم معاك فحلقة من دار الورثة مع المخرج الزوين."والجمهور المغربي تعرف على فضيلة بنموسى فعدد كبير من المسلسلات والمسرحيات، اللي كانت كتطل فيها بضحكتها لي كلشي كيعرفها وحسها الفكاهي الكبير.[3]
منين بدات فضيلة بنموسى فالمسرح فمراكش، كانت الظروف صعيبة بزاف، خصوصاً أن ل فن فهاديك لفترة ماكانش كيعطي مردود مادي كبير، وكانت الفرق كتسافر من مدينة لمدينة باش تعرض المسرحيات ديالها بوسائل بسيطة. ولكن فضيلة كانت كتقول أن “الخشبة كانت هي البيت، والمسرح هو المدرسة اللي ربّاتني.”دوزات كثر من سبع سنين مع فرقة الوفاء المراكشية، وشاركت فمسرحيات شهيرة اللي داروها فجولات ف مدن المغرب، وهاد التجربة زادت ف موهبتها، وخلاتها تتعلم كيفاش تتعامل مع الجمهور مباشرة، وتكوّن علاقة إنسانية مع الناس اللي كيتفرجو فيها.
سرّ نجاح الفنانة القديرة فضيلة بنموسى كيرجع فالأصل للمسرح، حيت هو المدرسة اللي خرجات منها، واللي علماتها بزاف. هي ديما كتقول: “اللي تعلم فالمسرح، يقدر يبدع فأي مجال فني آخر، حيث المسرح هو أصعب الفنون، وأقربها للناس ولردود أفعالهم، سواء كانت زوينة ولا لا.”
كتقول فضيلة: “مني كنغيب على المسرح حتى غير مدة قصيرة، كنحس راسي فقدت شي حاجة، داك الشي علاش ديما كنرجع للأصل اللي هو الخشبة. اللي يتقن الوقوف على الخشبة، غادي يبدع قدّام الكاميرا، فالفيلم ولا فالتلفزة. أنا ما عنديش نوع معين ديال الأدوار اللي كيعجبوني، كنحبهم كاملين. لعبت دور الأم والجدة وأنا باقي صغيرة، ولكن ما كان كيهمنيش السن، اللي كيهمني هو يكون النص مكتوب مزيان، والمخرج يعرف كيفاش يخرج مني أحسن أداء. منين كنمثّل من قلبي، كنكون متأكدة أن الدور غادي يخرج مزيان، وهاد الشي كينطبق على أي مجال فالحياة، ماشي غير على الفن.”
فضيلة كتكول بيلا مسرح الهواة فمراكش كان وبافي جزء كبير من الحركة المسرحية فالمغرب، ووجهها الحقيقي، حيت كان دايماً مرتبط بالقضايا الوطنية والإنسانية، وكيعالج مواضيع المواطن البسيط، من الستينات لهنا.
وكتأكد باللي المسرح المراكشي تميز بتعامله مع الكلمة الجادة، وبالالتزام ديالو بالقيم والمبادئ، وزاد عليه لمسة مغربية تقليدية بحال الفرجات الشعبية، والحلقة، والغنا الجماعي، وحتى الألعاب الشعبية اللي كانت معروفة فمراكش.[4]
من الأدوار اللي ما تنساتش ف ل مسلسلات:
- شخصية الأم الطيبة والساخرة فـ “الزواج بالحيلة”
- دور المرأة القوية اللي كتحارب الظلم فـ “مكسور الجناح”
- الشخصية الشعبية المرحة فـ “الحراز”
- والأدوار اللي كتمتل فيها المرأة المغربية البسيطة فـ “دار الورثة”.
- ولاد الحلال
- موعد مع المجهول
- الدار الكبيرة
- الطاكسي
- جنان الكرمة
- دار الورثة
- العوني
- هنية مبارك ومسعود
- عش البنات
- ولاد الناس
- أنا ومنى ومنير
- حديدان في كليز
- حاولوا على مستور
- مومو عينيا
- حي البهجة
- ولاد علي
- مرضي ميمتو
- نعام ألالة (ضيفة شرف)
- حي البهجة
- دواير زمان
- البرتقالة المرة
- زمان كنزة
- ولد مو
- المكروم
- الراحة و السياحة
- عبدو في عهد الموحدين
- الخطاف
- الفروج
- مسك الليل
- عائشة
- عرس الذيب
- R+4
- الفروج
- كبرو و مابغاوش يخويو الدار
- ↑ "ImDB, Fadila Benmoussa" (ب الإنجليزية). Archived from the original on 2023-02-06. Retrieved 2023-02-05.
- ↑ "Allociné, Fadila Benmoussa" (ب الفرنسية).
- ↑ سارة, بوحافة (2020-07-24). "فضيلة بنموسى .. شمعة المسرح وبسمة السينما المغربية". فبراير.كوم | موقع مغربي إخباري شامل يتجدد على مدار الساعة (ب العربية). Retrieved 2025-10-18.
- ↑ "فضيلة بنموسى ممثلة مراكشية ـ 2 ـ". www.marrakechalyaoum.com. Retrieved 2025-10-18.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |