غتيال ديال شينزو أبي
.jpg)
ف 8 يوليوز 2022، شينزو أبي، رئيس لوزارا لفايت د جّاپون، ؤ عضو ف لبرلمان، تعرض ل عملية غتيال فاش كان كيخطب حدا لݣار د تّران د ياماطو سايداجي ف مدينة نارا ف غرب جّاپون. معا جوايه سّاعة 11:30 ب تّوقيت د جّاپون (ݣرينيتش+9)، ف خطبة ديال لحملة نّتيخابية ديال لحيزب لّيبيرالي دّيموقراطي، تيرا عسكري جاپوني سابق على أبي من لّور ب كابوس مصاوب ب ليد. شينزو أبي تّنقل فيساع ف هيليكوپطير طبية ل سبيطار نارا لجامعي، ؤ معا 5:03 د لعشية تّعلن على لوفاة ديالو.
لمتّاهم، طيتسويا ياماݣامي، ساكن ف نارا، ف عمرو 41 عام، ؤ كان خدم 3 سنين ف لبحرية د جّاپون من 2002 تال 2005. لبوليس، لي شدّوه ف لحين، ݣالو بلي ياماݣامي عتارف ب لجريمة ديالو.[1] فاش قلّبو ف دارو، لقاو سلاحي خرين ؤ مواد تفرݣيعية.
مجموعة د لقيّاد ؤ سّياسيين ف لعالم نعاو شينزو أبي ؤ تأسّفو على لغتيال ديالو.[2] هادي أول عملية د غتيال ديال رئيس وزارا جاپوني من 1936 فاش طرا نقيلاب عسكاري ف جّاپون لي فشل ف لّخر.
- ^ "Was zum Attentat auf Abe bekannt ist" (ب لالمانية).
- ^ "Reactions to Shinzo Abe shooting". 8 يوليوز 2022. مأرشيڤي من لأصل ف 8 يوليوز 2022. تطّالع عليه ب تاريخ 9 يوليوز 2022.
 هادي زريعة ديال مقالة خاصها تّوسع. تقدر تشارك ف لكتبة ديالها. |