عوام 1770

هادا مقال بوتي، عاون ف لمراجعة و التطوير ديالو.

من لفوق علّيسر ف تيجاه لموارى د الساعة:لبحّار النڭليزي دجيمس كوك سالا الرحلة اللّولة ديالو و بدا التانية، و ف طريقو دار كتيشافات كبار، بحال كاليضونيا الجديدة، ؤسطراليا، و طاهيتي، و وصل حتال الدوارة لقطبية الجنوبية، و هو من أوّل ناس شافو لمحيط لمتجمد الجنوبي ب عينيهم، كيما كيبان ف الرسمة؛ إعلان لإستقلال د لميريكان تّسنى و تّقبل ب لإجماع من عند لمؤتمر لقاري التاني، و علن بلي لمستعمرات ناويين يتفارقو على بريطانيا لعضيمة؛ حكم الشركات ف لهند بدا ف كالكوتا، و من تما تحلّ لباب قدّام لإستعمار لبريطاني ف لهند، لي مهّد لطريق ل لإمپريالية لغربية ف آسيا؛ لعاليم السكوطلاندي دانييل روذرفورد قدر يعزل ڭاز لأزوط من لهوا، و كان هادا واحد لإنجاز كبير ف الصيونص; ترنيمة نعمة واعرة Amazing Grace تغنات لمرة اللولة كـ ترنيمة كنايسية ف باكينڭهامشير، النڭليز ف 1773؛ الشيميست كارل ويلهيلم شيلي دار بزاف ديال لإنجازات ف الشيمي، و كتاشف خمسة ديال لعناصر لكيماوية هوما: لأوكسيجين ف 1771، لباريوم ف 1772، لكلور ف 1774، لمانݣانيز ف 1774، و لموليبدينوم ف 1778؛ لإحتجاج ديال حفلة أتاي د بوسطون زاد ف لكراهية ضد لبريطانيين ف لمستعمرات التلطاش، و من بعد كان سباب ف نديلاع لحرب التورية لميريكانية؛ لحرب الروسية العتمانية كانت سباب ف أول حتيلال ديال روسيا ل قريميا، و من تما بدا النفوذ ديالها على قريميا لي باقي مستامر حتال دابا.

عوام 1770 ؤلا عقد 1770 هوّ عقد ديال الزمان بدا ف 1 يناير 1770 و سالا ف 31 دجنبر 1779. كانت واحد لفترة عامرة ب لإكتشافات و لإنجازات، و وقعو فيها تطوّرات ف جميع لمجالات، حيت لحوايج لي خرجو ف داك لوقت، عطاو لحياة ل بزاف ديال لإبتكارات لي كنستعملوهم دابا.

من دول بحال ميريكان، لي تزادت وسط لمعاناة ديال لحرب لتورية لميريكانية، التوسعات ديال لإمبراطورية الروسية لي ربحات ف لحرب ديالها ضد لعثمانيين ف قريميا. ف نفس لعقد، بدات الثورة الصناعية و بانت الشعباوية، لي تأثيرهم باقي تال دابا.

لؤروپيين، بحال دجيمس كوك، كتاشفو أراضي جداد لتحت خط لإستواء، و بداو كيسكنو فيهم، و وسّعو لآفاق ديال لعالم الجديد ل بلايص جداد بحال ؤسطراليا و پولينيزيا لفرانساوية. و خرجو دراسات فلسفية معمقة، و كتوبا بحال "الثروة د لأمم" ديال آدام سميث، لي كيتّعتابر "بّات الرأسمالية"، و لي لأفكار ديالو مازالين كاينين ف بزاف ديال النظريات لإقتصادية و لإجتماعية ديال دابا، و زرعو الساس ديال النظام لعالمي لعصري لي كانعيشو فيه. و حتى لفهم ديال الشيمي و السياسة تعمق، باش يبني لأساس ديال عصر لعقل لي غادي يبقى ل قرون.

ف هاد لعقد حاول السلطان محمد التالت بن عبد الله باش يردّ مليلية من عند الصبليون، ولايني لحصار د مليلية لي دام تال مارس 1775 فشل. علاين تلت سنين موراها، ف دجنبر 1777، ولّا لمغريب أول دولة ف لعالم كاتعتارف ب لإستقلال ديال لميريكان.

شوف تا

• ليستة د لعقود، لقرون، و لألفيات

كرونولوجيا

مقالات د لعقد د 1770:

• 1770
• 1771
• 1772
• 1773
• 1774
• 1775
• 1776
• 1777
• 1778
• 1779

مصادر

هادي زريعة ديال مقالة خاصها تّوسع. تقدر تشارك ف لكتبة ديالها.