عمر بلافريج
عمر بلافريج
| ||
| ||
| معلومات عامة | ||
| زيادة | 26 أكتوبر 1973 (50 عام) الرباط | |
| لجنسية | لمغريب | |
| لحرفة | موهنديس و سياسي | |
| لّوغات لي كيعرف | عربية، لفرانساوية، نڭليزية و الداريجة لمغريبية | |
| لفاميلة | ||
| لمحيط | حمد بلافريج (خو لجدّ) محمد ليازغي (راجل خالتو/عمتو) عبد الرحيم بوعبيد (راجل خالتو/عمتو) | |
| معلومات خرى | ||
| لحيزب | حيزب شتيراكي موحد (2015–) تيحاد شتيراكي د لقوات شعبية (–2010) | |
    
| ||
عمر بلافريج، تولد نهار 26 أكتوبر 1973 ف الرباط، هو سياسي و مهندس مغريبي كان مع لفيدرالية د ليسر ديمقراطي. من 2016 ل 2021، كان عضو ف لبرلمان د لمغريب، من الدائرة د الرباط لمحيط. ف يونيو 2021، من مورا ما سالا أول تجربة ديالو ف لإنتخابات، ما عاودش ترشح بلافريح، و قال باللي أيعتازل السياسة و غادي يخدم ف لقطاع لخاص.[1]
حياتو[بدل | بدل لكود]
تولد عمر بلافريج و كبر ف الرباط، اللي سكن فيها تا خدا لباك. من موراها مشا لفرانسا فين قرا لأقسام التحضيرية، و موراها دخل لمدراسة د لمهندسين (صونطرال ليون). من مورا ما تخرّج دخل للمغريب و خدم ف لونا. موراها ولاّ مدير تقني ف لجامعة د لأخوين، و ف 2008 ولاّ هو لمدير ديال طيكنوبارك. ف نفس لوقت، كان داخل ف السياسة. من 1997 ل 2010 كان مع الشبيبة د لإتحاد لإشتراكي، و من 2009 ل 2012 كان هو الرئيس ديال لمؤسسة د عبد الرحيم بوعبيد.
ف 2009 بدا بلافريج مبادرة ديالو لي سماها كاك (وضوح، طموح و شجاعة)، اللي كانت ضد الطران د الطي جي ڤي ف لمغريب، و شجعات من بعد لحركة د 20 فبراير. ف 2015، دخلات لحركة د كاك مع لحيزب شتيراكي لموحد، و ترشح بلافريج للبرلمان فين ربح بلاصة ف 2016.
ف 2021، من مورا ما تدابز مع نبيلة منيب، خرج بلافريح من لحزب لإشتراكي لموحد و ستاقل من السياسة.[2] بلافريج نفا باللي ستاقل بسباب لمشاكل مع منيب، و قال باللي ستاقل حيت "مات لمشروع ديال لفيديرالية د ليسار".[3]
عيون لكلام[بدل | بدل لكود]
- ^ "عمر بلافريج يعتزل العمل السياسي وبرلمانيون يستدعون وزير الشباب والرياضة - القدس العربي (2021)". مأرشيڤي من لأصل ف 2021-11-11. تطّالع عليه ب تاريخ 2021-11-11.
- ^ "الشناوي هاجمها بعد الخروج من الفيدرالية وبلافريج استقال بسببها - هل تقود منيب الاشتراكي الموحد إلى حتفه؟ - الصحيفة (2021)". مأرشيڤي من لأصل ف 2021-11-11. تطّالع عليه ب تاريخ 2021-11-11.
- ^ ""رفاق منيب" يتجاوزون "استقالة بلافريج" ويستعدون للانتخابات المحلية - هسبريس (2021)". مأرشيڤي من لأصل ف 2021-11-11. تطّالع عليه ب تاريخ 2021-11-11.