عمر الراضي
عمر الراضي
| ||
 | ||
| معلومات عامة | ||
| زيادة | 18 يوليوز 1986 (39 عام) قنيطرة | |
| لجنسية | لمغريب | |
| لحرفة | صحافي د التحقيق، مناضل و ناشط حقوقي | |
| لّوغات لي كيعرف | عربية و لفرانساوية | |
  | ||
عمر الراضي (تولد ف 18 يوليوز 1986 ف قنيطرة) هو صحافي و مناضل د حقوق لإنسان مغريبي. الراضي متخصص ف الصحافة د التحقيق خاصة ف لمواضيع ديال حقوق لإنسان و الرشوة و لحركات لإجتماعية. خدم ف بزاف د لمواقع لمعروفة بحال لكم.كوم، راديو أطلانتيك، ميديا 24، طيل كيل، لوديسك، و كان من الناشطين ديال مامفاكينش و لحركة د 20 فبراير. عمر الراضي كان هو لي جبد لقضية ديال خدام الدولة.[1]
نهار 26 دجنبر 2019، تقبط عمر الراضي ف الدار لبيضا وتحكم عليه ب 4 شهور د لحبس علاود تغريدة ف تويتر نتاقد فيها واحد لقاضي.
ف 5 يوليوز 2020 تعتاقل عاوتاني. ف لول كانت لقضية لي تعتاقل عليها هي "سّكرة ؤ لعنف ف بلاصة عمومية"، موراها ولاّت هي "تّجسس ؤ بلي خدا فلوس من لخاريج"، و من بعد تزادت تهمة لغتيصابولاّت التهمة هي "لإغتصاب". من مورا عام د لمحاكمة، تحكم على عمر الراضي ب 6 سنين د لحبس، بجوج تهم هوما "التخابر و لإغتصاب".[2] بزاف د الناس و لمناضلين شككو ف هاد التهم وتيقولو بلي عمر الراضي تحاكم على لآراء ديالو.[3]
ف مارس 2022، أكدات محكمة د ستيناف د دارلبيضا لقرار د لمحكامة لبتيدائية ؤ تحكم عليه ب ست سنين د لحبس ف جوج د لقضيات، ب تهمة لغتيصاب ؤ بلي "قاس سلامة داخيلية د دولة ؤ خدا تمويل من منضمات برانية".[4]
ف 29 يوليوز 2024، خرج من حبس تيفلت فين كان مشدود، بعدما جاه عفو ملكي.[5]
- ↑ "بروفيل- محاكمة الصحافي عمر الراضي.. من اختراق مربع "خدام الدولة" إلى "الموت ولا المذلة"". اليوم 24 (ب العربية). Archived from the original on 2021-11-08. Retrieved 2022-02-15.
- ↑ "المحكمة تدين الصحافي الراضي بـ6 سنوات سجنا". هيسپريس (ب العربية). 2021-07-19. Archived from the original on 2022-12-07. Retrieved 2022-02-15.
- ↑ "منظمات المجتمع المدني تطالب السلطات المغربية بالإفراج عن عمر الراضي وضمان محاكمة عادلة لجميع أطراف القضية". هيومن رايتس ووتش (ب العربية). 2021-04-06. Archived from the original on 2023-06-10. Retrieved 2022-02-15.
- ↑ "Maroc : le journaliste Omar Radi condamné en appel à six ans de prison". لوموند (ب الفرنسية). 2022-03-04. Archived from the original on 2023-05-08. Retrieved 2022-03-04.
- ↑ "بفرح وشارات النصر.. الصحافيون بوعشرين والريسوني والراضي يعانقون الحرية بعفو ملكي". 2024-07-29. Retrieved 2024-07-30.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |