عمرو وردة
عمرو وردة
| |||
| |||
| معلومات عامة | |||
| زيادة | 17 شتنبر 1993 (31 عام) لإسكندرية | ||
| لجنسية | مصر | ||
| لحرفة | كوايري | ||
| لّوغات لي كيعرف | عربية و لهجة مصرية | ||
| لكاريير ديال الشخص | |||
| شارك ف | |||
| رياضة | |||
| رياضة | كورة | ||
| پوسط | وسايطي | ||
| لجنسية رّياضية | مصر | ||
| لفراقي | |||
|---|---|---|---|
| أعوام | فرقة | ماتشات | بيوتا |
| 2017–2020 |  نادي باوك
| 19 | (2) |
| 2019–2020 | ← نادي لاريسا
(إعارة ) | 22 | (6) |
| 2021– | نادي باوك
| 21 | (3) |
| لفراقي | |||
| 2014–2015 |  النادي الأهلي
| 1 | (0) |
| 2015–2017 | نادي بانيتوليكوس
| 39 | (9) |
| 2015–2015 | ← نادي الاتحاد السكندري
(إعارة ) | 16 | (1) |
| 2017–2018 | ← نادي أتروميتوس
(إعارة ) | 23 | (8) |
| 2019–2019 | ← نادي أتروميتوس
(إعارة ) | 12 | (2) |
| 2020–2021 | نادي فولوس
| 10 | (2) |
| 2023–2023 |  راجا لبيضاوي
| 0 | (0) |
| لمونتخاب لوطني | |||
| 2010–2013 | منتخب مصر تحت 20 سنة
| 4 | (0) |
| 2014–2017 | Egypt Olympic football team
| 5 | (0) |
| 2015– | لمنتخب لوطني لمصري د لكورة
| 30 | (1) |
  
| |||
عمرو مدحت محسن وردة، تزاد ف 17 شتنبر 1993 ف الإسكندرية، هو كوايري مصري. كيلعب دابا ف الراجا.
بدا وردة المسار الإحترافي ديالو ف الأهلي المصري، لي كان مشى ليه فاش كانت عندو 18 العام من مور ما تكوّن ف سبورتينڭ الإسكندرية. أول ماتش رسمي ديالو مع الأهلي كان ضد مصر المقاصة ف الدورة 22 د موسم 2013/2014 د البطولة د مصر؛ كان دخل ف 25 دقيقة اللخرة د الماتش بلاصة بامبو.[1] من بعد، ف 10 يوليوز 2014، كان عاود لعب 32 دقيقة ف الماتش د الربع د الكاس د مصر لي كان ربح فيه الأهلي الرجاء المصري بواحد لزيرو و تأهل لنصف النهاية.[2] كان هاداك آخر ماتش ديالو مع الأهلي قبل ما يسلفوه ف 21 يناير 2015 لإتحاد الإسكندرية.[3]
من مور ما سالا العقد ديالو ف اللخر د موسم 2014/2015 مع الأهلي، سنا وردة فابور مع پانيطوليكوص، ف البطولة د اليونان.[3] لعب مع پانيطوليكوص 45 ماتش ماركا فيها 10 د البيوت وعطى فيها 6 د التمريرات الحاسمة[4]، و ف 24 يناير 2017 شراتو پاوك ب 350 ألف ؤرو.[3] مع پاوك، جا الثاني ف الترتيب ف اللخر د الموسم د 2016/2017، وواخا النادي كان ربح النهاية د الكاس د اليونان ف يونيو 2017 ضد أيك أتينا، وردة ما محسوباش ليه ف الألقاب حيث ما كانش ف المجموعة لي كان عيط ليها ديك الساع المدرب ڤلاديمير إڤيتش.[5]
ف 9 غشت 2017، تعلن بلي وردة غادي يمشي مسلف ل لفرقة لبرطقيزية فيرينسي.[6] ف لخر سنا معا لفرقة كونطرة د عام ب قيمة 1.25 مليون ؤرو. واخا هكاك، ف 12 غشت 2017، قالت صحافة لبرطقيزية بلي وردة غادي يمشي من فيرينسي تلتيام مورما سنا. دكر جورنال ريكورد بلي وردة تحرش ب عيالات جوج من لعابا معاه ف لفرقة. ب زيادة على داكشي لي قالو لعابا، لفرقة كانت مستاعدة باش تقطع لكونطرة معاه.[7]
ف 29 غشت 2017، مشا وردة مسلف لأطروميطوص. بقا معاهوم موسم ونص قبل ما يرجع لپاوك[3]، و ف هاد الفترة لعب مع أطروميطوص 42 ماتش ماركا فيها 13 بيت وعطى 9 د التمريرات الحاسمة.[4] مور نص موسم خور مع باوك، مشى وردة عاود مسلف لكن هاد المرة لنادي لاريسا، فين لعب موسم 2019/2020 كامل، شارك فيه ف 23 ماتش فين ماركا 7 د البيوت وعطى فيها 6 د التمريرات الحاسمة.[4]
من مور ما سالا العقد ديالو مع پاوك ف اللخر د موسم 2019/2020، سنا وردة فابور ف 28 شتنبر 2020 مع ڤولوص؛ ما فاتش معاهوم ربع شهر ورجع للمرة الثانية ف المسار ديالو لپاوك، وف هاد المرة كان قريب يدي أول لقب ديالو لي كان غيكون هو الكاس د اليونان، لكن پاوك خسرات جوج لواحد مع أولامپياكوص ف فينال لعب فيها وردة 80 دقيقة قبل ما يدخل بلاصتو ثيوتشاريس تسينڭاراس.[8]
ف 2021 بدا وردة فصل جديد ف المسار ديالو و نتاقل لقبرص. لعب ف اللول مع أنورثوسيس، ومن مور 42 ماتش ماركا فيها 13 لبيت وعطى فيها 9 د التمريرات الحاسمة[4]، مشى ف البدية د عام 2023 لأپول ليماصول.[3] مع أپول ليماصول، لعب وردة 19 لماتش ماركا فيها 4 د البيوت وعطى فيها 4 د التمريرات الحاسمة.[4]
ف 12 غشت 2023، علن الراجا بلي وردة سنا معاه و ولا لعاب ديالو.[9]
بدا وردة كيلعب ف المنتخب د مصر ف 2015. مع الفراعنة لعب وردة كاس إفريقيا د 2017 و 2019 و ف كاس لعالم د 2018.[10]
ف 26 يونيو 2019، تحيد وردة من لموعسكار د لمونتخاب بسباب تيهامات ب تحرش جنسي.[11] والاكين تيحاد لمصري عاود عيطلو موراها ب يوماين مورما نشر لعاب ڤيديو كيعتادر فيه ف لكونط ديالو ف فيسبوك.[12]
عمرو هو ولد لعاب د لباسكيط لمصري محسن مدحت وردة.[13]
- ^ https://www.transfermarkt.fr/masr-el-makasa_el-ahly-le-caire/index/spielbericht/2453558
- ^ https://www.transfermarkt.fr/el-ahly-le-caire_el-raja-marsa-matruh/index/spielbericht/2762752
- ^ a b c d e https://www.transfermarkt.fr/amr-warda/profil/spieler/237641
- ^ a b c d e "Amr Warda". www.transfermarkt.fr (ب لفرانساوية). مأرشيڤي من لأصل ف 2023-08-13. تطّالع عليه ب تاريخ 2023-08-13.
- ^ https://www.transfermarkt.fr/paok-thessaloniki_aek-athenes/index/spielbericht/2851105
- ^ "Στην Φεϊρένσε ο Ουάρντα". PAOKFC (ب نڭليزية). 2017-08-09. مأرشيڤي من لأصل ف 2023-08-13. تطّالع عليه ب تاريخ 2023-08-13.
- ^ "Warda chegou há três dias, importunou mulheres dos colegas e pode ser despedido". www.record.pt (ب لبرتغالية). مأرشيڤي من لأصل ف 2023-09-21. تطّالع عليه ب تاريخ 2023-08-13.
- ^ https://www.transfermarkt.fr/olympiakos-le-piree_paok-thessaloniki/index/spielbericht/3560075
- ^ "أنا عمرو وردة🇪🇬، وأنا هنا للدفاع عن أغلى تيشرت في العالم🦅". www.facebook.com (ب نڭليزية). مأرشيڤي من لأصل ف 2023-08-13. تطّالع عليه ب تاريخ 2023-08-13.
- ^ "Amr Warda". www.transfermarkt.fr (ب لفرانساوية). مأرشيڤي من لأصل ف 2023-08-13. تطّالع عليه ب تاريخ 2023-08-13.
- ^ "Warda excluded from Egypt national team over disciplinary reasons". EgyptToday. 2019-06-26. مأرشيڤي من لأصل ف 2023-08-13. تطّالع عليه ب تاريخ 2023-08-13.
- ^ Team، KingFut (2019-06-28). "EFA: Amr Warda recalled to Pharaohs Africa Cup of Nations camp". KingFut (ب نڭليزية). مأرشيڤي من لأصل ف 2020-11-08. تطّالع عليه ب تاريخ 2023-08-13.
- ^ أبو النور، محمد (2019-06-26). "من "عمرو" للأب وأسطورة كرة السلّة «مدحت وردة»: غلطة وندمان عليها". صوت الأمة (ب لعربية). مأرشيڤي من لأصل ف 2023-08-13. تطّالع عليه ب تاريخ 2023-08-13.