عسو أوباسلام
عسو أوباسلام
| ||
 | ||
| معلومات عامة | ||
| زيادة | 1890 دوار آيت سليمان | |
| لموت | 1960 (69/70 عام) تينغير | |
| لجنسية | لمغريب | |
| لحرفة | قايد عسكري، سياسي، مقاوم و independence fighter | |
| لّوغات لي كيعرف | عربية و لوغات أمازيغية | |
عسو أوباسلام (ⵄⵙⵓ ⵓⴱⴰⵙⵍⴰⵎ)، هو واحد لمقاوم مغريبي أمازيغي من لقبايل د آيت عطا، تولد ف 1890 ف قصر "تاغيا" ف لجنوب د تينغير. عسو أوباسلام كان متصوف و زعيم دكي بزاف و هادشي راجع للدور لقيادي ديال باه لي تاتر بيه بزاف.[1]
ف 1919 تعين و هو مزال صغير (29 سنة) شيخ د قبيلة " إيلم شان"، كان معروف على عسو أوباسلام لمحاربة ديالو للإستعمار الفرانساوي و كان الزعيم و القائد ديال المقاومة المغربية ف الجنوب الشرقي. عسو دخل ف بزاف ديال المعارك مع القوات ديال فرانسا. أشهر وحدة فيهم هيا لمعراكة د بوڭافر لي كانت ف 1933. ف ديك لمعراكة ربحو لمغاربا ب نتصار ساحق على لفرانساويين و خلات أوباسلام يتعرف ف لعالم كلو. [مصدر؟]
توفى لمقاوم لمغريبي عسو أوباسلام نهار 16 غشت 1960 من بعد واحد الصراع طويل معا لمرض ديال السكار، و تدفن ف لمقبرة لي تدفنو فيها ݣاع جدودو ف دوار تاغيا نيلمشان.[2][3]
تولد عسو أوبسلام ف قبيلة آيت عطا. عاش طفولتو ف بيئة قاسية ف طقسها. بّاه كان زعيم محلي و شيخ معروف ف المجال الديني، و هو اللي أثر فيه بزاف و رباه على المبادئ الإسلامية والروح الوطنية.[4]
من صغرو، تعلم القرآن و حفظو ف كتّاب القبيلة، وتعلم الفروسية واستعمال السلاح التقليدي.
ف عام 1919، تعين عسو أوبسلام شيخ على قبيلة إيلمشان، و هو ف سن صغير ما زال ما كملش ثلاثين عام.[5]
ف ذيك المرحلة، كانت فرانسا كاتحاول تبسط سيطرتها على الجنوب الشرقي، خصوصاً بعد حتلالها ل مراكش و وارزازات. ولكن عسو أوبسلام رفض بشكل قاطع التعاون مع سلطات الحماية، و بدا كايجمع القبائل و يحضّر ل مواجهة مباشرة. كان كيعتامد على نظام تحالفات قبلية صارم، كيجمع فيه آيت عطا و آيت مرغاد و آيت حديدو ضد أي توغل أجنبي.[6]
مقالة متعمقة: معركة بوڭافر
فـ شهر فبراير 1933، دخل عسو أوبسلام التاريخ بعدما قاد معركة بوڭافر، وحدة من أقوى معارك المقاومة ف المغرب. فرانسا كانت مجهزة ب آلاف لعساكريا و ب المدافع و الطيّارات، ف حين ما كان عند عسو غير جوايه 1200 مقاوم أغلبهم فلاحين و كسّابا. ولايني بفضل معرفتو ب التضاريس و قدرتو على التخطيط العسكري، قدر يغفل لفرانسيس و يكبّدهم خسائر كبيرة.[7]
لمعراكة دامت كثر من ربعين يوم، تحت ظروف مناخية صعيبة بزاف ف جبال صاغرو. لفرانسيس ستعملو الڭاز و القرطاس الحي، ولكن آيت عطا بقاو تابتين ف مواقعهم. تسالات المعركة ب هدنة ماشي رسمية، بعد ما عتارفات فرانسا ب شجاعة المقاومين المغاربة و طلبات التفاوض.[5]
- ↑ "عسو أوبسلام - خيمة". Archived from the original on 2016-09-17. Retrieved 2020-01-10.
- ↑ "عسو أوبسلام القائد العسكري والسياسي المفاوض - صفحة خالدة من تاريخ المقاومة. - ملفات تادلة (2014)". Archived from the original on 20 يوليوز 2014.
- ↑ وزارة الثقافة المغربية، "المقاومة في الجنوب الشرقي: سيرة عسو أوبسلام"، أرشيف 2019.
- ↑ جريدة العلم، عدد خاص بالمقاومة المغربية، 17 يناير 2020.
- 1 2 موقع هسبريس، "عسو أوبسلام: الشيخ المقاوم الذي تحدى فرنسا"، 2021.
- ↑ المعهد الملكي للثقافة الأمازيغية، مجلة تامازيغت، عدد 12، 2017.
- ↑ وكالة المغرب العربي للأنباء، "إحياء ذكرى معركة بوكافر"، 2022.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |