كلمة تنغير عندها أصل أمازيغي دورجين او هي مركبة من تين لهي بالدرجة مولات او إيغير ليهو الكتف أو التحت ديال الجبل هاد السمية كتوصف الموقع ديال لمدينة القديمة لي كانت مبنية فوق جبل إيغير ن تيزي باش تحمي راسها من الفيضانات ديال واد تودغي او باش تراقب الواحة من الفوق، لمدينة معروفة تاريخياً بسميت باب الأطلس نظراً للموقع ديالها لي كيربط الجبل بالصحرا.
تنغير عندها تاريخ ضارب ف ل كدم او هي أرض المقاومة او لمعيشة:
لمقاومة وجيش دالتحرير: تنغير كانت لاصل ديال قبائل أيت عطا لي قاومو استعمار الفرنسيس ديال بصح ف معركة بوكافر ف عام 1933 فين واجهو عسكر الفرنسيس بترجليت كبيرة.[2]
الدين او العرف ديال ناسها: لمدينة كانت بلاصة ديال التعايش الى جينا نشوفو بحال حي لمحلاح ف تنغير كان شاهد على ديور او لمحلات لمشروكين فين كانو اليهود المغاربة كيديرو التجارة او كيصوبو النقرة مع خوتهم الأمازيغ المسلمين.
طريق الكوافل: كانت تنغير محطة لمهمة ف طريق الكوافل ديال التجارة لي كتربط بين سجلماسةومراكشوتمبوكتو.
تنغير جات ف وسط طبيعية بين جبال لأطلس لكبيرة ف الشمال وجبل صاغرو ف لجنوب، هاد الموقع كيعطيها بلايص او جو متنوعة:
واحة تودغي: كتوصل هاد الواحة على طول 30 كيلومتر وكتغطي آلاف الهكتار هي رية ديال لمدينة وعامرة ب نخل، اللوز او الزيتون او كتعتمد ف السكي ديالها على السكيات القدام
لجو: جو صحراوي ناشف الصيف كيكون سخون بزاف والشتا كيكون بارد او قاسح
مضايق تودغيليكورج تودغي: كتعتبر حيوطا ديال الصخر كبيرة كتوصل لارتفاع 300 متر كيكولو بلي واد تودغي هو لي حفر هاد ليكورج او هدشي ف سنين كتيرة او هي لبلاصة نوميرو 1 ف لمغريب للناس لي عزيز عليهم إتسلقو جبال
لقصبات او القصور: تنغير فيها كتر من 50 قصر اوقصبة مبنية ب لطوب، بحال قصر أيت لعاطي هاد البني كيبين لهندسة لغريبة حيتاش كتحافظ على البرودة ف الصيف والسخونية ف الشتا.[3]
لمناجم: المنطقة فيها بزاف ديال لمناجم بحال منجم إيميضر لي كيتعتبر منبين أكبر مناجم دالفضة ف إفريقيا هاد شي كيعون ف لقتيصاد ديال البلاصة او ديال البلاد حتهوا
السياحة دالجبال او دالواحات: لمدينة فيها بزاف دالفنادق او ديور الضيافة لي كترحب ب سياح من كاع لعالم
ناس دبرا: بزاف من ولاد تنغير مستقرين ف فرانسااوبلجيكااوهولندا، او دكشي لي كيصيفتو ديال لفلوس هي لكتعون رويدة ديال هاد لمدينة متوقفش
لميدنة بحال هدي لأسف مفيها حتى كلية او هدشي كيعنيو منو ولاد الإقليم كولو حيتاش الى بغو إكملو قريتهم خصهم إمشيو لأقليم خرين او هدشي فيه بزاف ديال لمشكيل
لمدينة فيها مركز ديال التكوين المهني لي لبلايص فيها قليلة او مكتقدش تحتضن ولاد الإقليم
نسبة د سّكان لّي قاريين فوق الليسي غادي فوحد الارتفاع برغم من المشاكل لكتوجه هذ المدينة او هاد الإقليم
