عبدلطيف ميراوي

	عبدلطيف ميراوي
	معلومات عامة
زيادة	13 يناير 1962 (62 عام); لفقيه بنصالح
لجنسية	فرانصا (1993–); لمغريب
لحرفة	ؤستاد جاميعي، سياسي و وزير
لّوغات لي كيعرف	لفرانساوية و عربية
	معلومات خرى
لحيزب	حيزب لأصالة ؤلمعاصرة
لجوايز	(2024) doctor honoris causa from the University of Haute-Alsace; وسام السعفات الأكاديمية من رتبة فارس;

عبدلطيف ميراوي (مزيود ف 13 يناير 1962 ف لفقيه بنصالح) هوّا ؤستاد جاميعي ؤ باحيت، ؤ سياسي ؤ عضو د حيزب لأصالة ؤ لمعاصرة. خدا لمنصب ديال وزير تّعليم لعالي، لبحت لعيلمي ؤ لبتيكار ف 7 أكتوبر 2021 ف لحوكومة د أخنوش.^[1]

حياتو ؤ لكاريير ديالو

ميراوي دار لقراية لجاميعية ديالو كاملها ف فرانسا. ف 1992 شد دوكتورا ف صّيونص د لهنداسة من جاميعة فرانش كونطي ف بوزونسون. خدا موراها لجنسية لفرانصاوية ف 13 يوليوز 1993.^[2] من 2001 تال 2009، كان مودير ديال لفيليير د جيني إيليكتريك ف جاميعة د طيكنولوجيا د بيلفور مونبيليار. ؤ بقا نايب د رّائيس ديال لمجلس لعيلمي ف نفس لجاميعة تال 2011. ميراوي كان رائيس ديال جاميعة لقاضي عياض ف مراكش من 2011 تال 2019.^[3] ف ماي 2013، تّنتاخب رائيس ديال لاجونس لجاميعية د لفرانكوفونية ف ساو پاولو. من دجنبر 2019 تال دجنبر 2020، كان مودير ديال تّدريس ؤ لبحت (ف لمجالات د طّاقة ؤ لانفورماتيك) ف جاميعة د طيكنولوجيا د بيلفور مونبيليار. من دجنبر 2020 ولا مودير ديال لمعهد لوطني ديال صّيونص تّطبيقية د رين.

لأبحات ديالو كاتركّز سيرتو علا سّيستيمات د لݣيداج لي كاتّستعمل ف طونوبيلات د تّريسينتي، ؤ طونوبيلات لهيبريدية، لخلايا د لفيول، ؤ زيد ؤ زيد. ؤ عندو كتر من 230 بحت منشور ف جورنالات عيلمية.

^ "حكومة أخنوش بـ24 وزيراً ضمنهم 7 نساء" (ب لعربية). 7 أكتوبر 2021. مأرشيڤي من لأصل ف 8 أبريل 2023.
^ "JORF n° 170 du 25 juillet 1993" (pdf). legifrance.gouv.fr (ب لفرانساوية). 1993-07-25. ص. 10515. تطّالع عليه ب تاريخ 2024-06-01.
^ "عبد اللطيف ميراوي .. وزير التعليم العالي الجديد" (ب لعربية). مأرشيڤي من لأصل ف 2021-10-09. تطّالع عليه ب تاريخ 2021-10-09.

هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.