عامال أدبي مفقود

لعامال لأدبي لمفقود هوّا واحد لوتيقة مكتوبة، عامال أدابي ؤلا وتيقة إليكطرونية لي نتجها شي واحد ف لماضي، و لّي على حساب لمعرفة لحالية، تا شي نسخة منها مابقات تال ليوم لحاضر. فا مايمكن نعرفو لوجود ديالها غير يلا دكراتها شي وتيقة ؤلا عامال أخور. لموصطلح ديال لعامال لأدابي لمفقود كيتخدّم سيرتو ف إطار لأداب لكلاسيكي، ولاكين ولّا بشكل متزايد كيتخدم تا ف على أعمال تدارو ف لفترة لعصرية. أي عامال يقدر يولي مفقود يلا تم تّدمير نّسخة لأصلية ديالو، ؤ جميع نّوساخ لي تدارو عليها.

تمتال د لماليك يوبا تّاني لي كان عالم ؤ كاتب ولاكين تفقدو جميع لأعمال ديالو من غير مقتطفات

بعض لأعمال وخا كيكونو مفقودين ل واحد لفترة، كيعاودو يتّكتاشفو، وخا غي جزئياً، على طريق لأركيولوجيا، ؤلا يلا تّلقات شي نسخة قديمة ديالها ب زّهر (بحال مكتابة ناڭ حمادي ف مصر لي تّلقات ف 1945)، ؤلا تعاود سّتيعمال ديال وراق تكتبو عليها. كيتسماو ف هاد لحالة پاليمپسيست، لي هيّا وتيقة تّمحات ؤ عاود تّكتب فوق منها، ولاكين نّص تّحتاني كيقدر يتّقرا ب طّيكنولوجيا لعصرية. أهم ميتال ديال هاد لمعاودة د لكتيشاف د عامال مفقود هوّا كتاب ديال سّياسي رّوماني كيكيرو Cicero ب عنوان "على لجمهورية" De re publica. ميتال أخور هوّا لپاليمپسيست د أرخميديس لي كان عاود تّستعمل كا كتاب ديال صّلوات، ولاكين قدرو لعولاما يجبدو تّيكست تّحتاني ديالو لي جامع كتابات د أرخميديس ؤ مؤلفين خرين. كاينين كتوبا لي معروفين ب سميتهوم، ولاكين ماكاين تا شي نسخة ديالهوم، بحال كتاب ليبيكا ديال لماليك يوبا، ؤ لأعمال لخرين ديالو، لي دكرهوم عندو پلينيوس لقديم ف كتابو تّاريخ طّبيعي.

شي مرات لكتّاب براسهوم كيدمّرو لعامال ديالهوم، ؤلا كيطلبو ف وصية باش يتدمّر لعامال ديالهوم مورما يموتو. هاد لبلان كان قريب يطرا ف لحالة ديال ڤيرجيل ؤ لقصيدة لملحامية لي كتب ب عنوان أينييد، ؤ معا فرانتس كافكا لي كان طلب من صاحبو ماكس بروض باش يحرق جميع أعمالو، ولاكين هاد لّخر تراجع على لوصية.

ف لقديم، قبل ماتّختارع لمطباعة، كانو نوساخ محدودين د لأعمال لي مكتوبين ب ليد، لي يقدرو يضيعو ب سوهولة يلا تحرقات ؤلا تدمّرات مكتابة، سوا بلعاني، ؤلا ب لغالاط ؤلا ب لإهمال. لأعمال لي ماتدكراتش ف شي عامال أخور ماعندنا تا طريقة باش نعرفوها ؤ لوجود ديالها تّمحا من تّاريخ بشكل كامل. تّدمير لمتعمد د لأعمال لأدابية نقدرو نعتابروه جريمة أدابية ؤلا تخريب أدابي.

ليستة د لأعمال لمفقودة

لقرن 1

• ليبيكا ديال لماليك يوبا تّاني
• لحروب لجرمانية ديال پلينيوس لقديم

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.