عالم ݣامبول لواعر

من ويكيپيديا
Ambox important.svg مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة.
Ambox important.svg مقالة ؤلا فقرة ناقصينها عيون لكلام.
لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها عيون لكلام باش تكون موتوقة. شوف هنا كيفاش تزيد لعيون.
عالم غامبول لواعر
النوع مسلسل انميشن, لكوميديا, مغامرة
لمدة د لعرض 11 دقيقة
التأليف بن بوكليت
التطوير بن بوكليت
لموسيقى بن لوكيت و باتريك كيرد
لبلاد مريكان - بريطانيا
اللوغة نڭليزية
لينتاج
الشركة د لينتاج أستديوهات هانا-باربيرا أوروبا
التوزيع وارنر براذرز: توزيع التلفزيون المحلي، نتفليكس و هولو
لبت ولعرض
لبدية ف مريكان نهار
النيهاية 2020
شحال د لحلقات 240
شحال د لمواسيم 6
لقنوات اللي داز منها كرتون نتورك
IMDB: tt1942683 Filmaffinity: 253987 Allocine: 11582 TV.com: shows/the-amazing-world-of-gumball
Facebook: TheAmazingWorldofGumball Twitter: Gumball_ES Youtube: UCoBpC9J2EcbAMprw7YjC93A Musicbrainz: 32839568-ebaf-46fa-a605-146cde6257d4 Modifica els identificadors a Wikidata


عالم ݣامبول لواعر (بلفرونسي: Le Monde Incroyable de Gumball) هو روسوم مريكاني بريطاني من تأليف بن بوكيليت. داز أول مرة ف قناة كرتون نتورك ديال مريكان نهار 2 ماي 2011. و داز أول مرةبلعربية نهار 6 أكتوبر 2011. تصنف هاد البرنامج ب TV - Y7 (موجه للي عندو كثر من 7 سنين حيت فيه عنف خيالي).و تصنف PG - TV (ما مناسبش لقل من 10 سنين بلا توجيه من والديه) .

لانتاج[بدل | بدل لكود]

بعدما تنشأ ستوديو كرتون نتورك ف ؤروپا عام 2007، توظف بن بوكيليت باش يعاون الناس ف انتاج المشاريع ديالهم ف الشبكة. ولكن، قرر الأستوديو يجعل غاع لمواظفين عندهم لأفكار ديالهم لخاصة، و يخد الشخصيات و يجمعهم ف سلسلة وحدا. دانيال لينارد، نائب ديال رئيس تنمية ف ميريكان تيرنر لبث، عجباتو الفكرة و عطاهم الضو الخضر لهاد السلسلة. و كان قدامو 20 ساعة و نص باش يكتب لحلقة للّولا من لموسم للّول، ولكن دار غير 18 حلقة، عاد دار الموسم الثاني ف 17 مارس 2011، و قرر يدير 20 حلقة فكل حلقة نص ساعة.

شخصيات[بدل | بدل لكود]

عائلة واترسون[بدل | بدل لكود]

  • غامبول : هو دري مكيفكرش مزيان بغا يوري لناس بلي هو ذكي ولكن هو ماذكيش سميتو لحقيقة هي "زاك" ولكن تغيرات سميتو فلمحكمة و كيطيح فزباف د لمشاكل و عائلتو هي لكتعاونو ولكن كيدير فراسو بطل، عزيز عليه لانترنت، و بغا يعجب بيني.
  • داروين : هو سمكة رباتو لعائلة وهو عزيز على لعائلة كلها، قبل ما يكون خو غامبول. واخا كيبان ضرييف ولكن هو عامر بلمفاجآت. فلول كان سمكة عادية ولكن بلحب ولا سمكة برجلين.
  • أناييس : خت غامبول صغيرا ولكن هي الذكية لوحيدا فدار. واخا هي ضريفا و زوينا،ولكن هي ذكية و داسرة! لأفكار ديالها كتسبق لعصر فاش عايشين ... ولكن ماعندهاش كرامة بين عائلتها!
  • نيكول : الا كانت الأم هي لمدرسة راه نيكول ماشي غير مدرسة هي جامعة! هي أم حنينة و قادة على شغلها. عزيزين عليها ولادها بزاف و كادير أي حاجة ليهم، ولكن لمشكلة ديالها كتعصب دغيا!
  • ريتشرد : أرنب كبير و غوزي. ما خدام ما ردام. عائلتو هي أغلى حاجة عندو ... ولكن ماشي قبل لماكلة. هو مامستاعدش باش يقلب على خدمة و كيبغي لماكلة بزاف.

شخصيات خرا[بدل | بدل لكود]

  • لاري : هو أهم واحد فلمدينة هو (طباخ،حلاق،مول حانوت،مدير...)

لاري هو لي خدام فكولشي. واخا هكاك حتا واحد ماعطاه أهمية و ذكرت لأهمية ديالو فبزاف د لحلقات.

  • روب : شخصية ثانوية ديما غامبول و داروين كيصدعوه ولكن بعدما لاحوه ف عالم نسيان نسا على كلشي و تشوه شكل ديالو ولكن رجع ف حلقة "نكرة" أ ولا أول شرير فالمور بعد شفار.
  • شفار : شخصية شريرة بان اول مرة فحلقة "لمعلقة" ملي مشا يسر لحوانت ولكن ديما كيشدوه لبوليس.
  • لمقدم : أكثر حاجة كتهمو هو لفلوس و ديما كيسغل ناس لي عايشين فالمور لمصالح ديالو.
  • لمحل لواعر : بياع غريب كيسوغ كاميو و كيبيع فيه شي حوايج غريبة و سحرية لناس لي عايشين فالمور و هو لي باع (داروين، سلحفة شريرة، تيليكوموند، ثلاجة، لعبة) حتا واحد معارف اش بغا فهادشي كاملو.

عيون لكلام[بدل | بدل لكود]

Wikimedia Commons تقدر تزيد شوف بزاف د تّصاور و لمعلومات ديال The Amazing World of Gumball ف ويكيميديا كومنز.