ضوضان
الضوضان (جاية من الفرانساوية: Dos-d'Âne) هو واحد التويشية كاتكون مبنية ؤلا محطوطة فوق من الشانطي ؤ اللي الهدف منها هو تنقص من الزربة ديال الطوموبيلات ؤ المراكب اللي غاديين بالزربة.
الركيزة الفيزيكية[بدل | بدل لكود]
الضوضان كايدير خدمتو ف نقيص الزربة د الطوموبيلات ؤ المراكب على طريق أنه كايحوّل طرف من ديك الزربة ؤلا المومانتوم الأفقي ل زربة ؤلا مومانتوم عمودي. هاد التحويل من زربة أفقية ل زربة عمودية كايخلّي الطوموبيلة تنقّز واحد التنقيزة على غفلة اللي ما كاتعجبش مول الطوموبيل ؤ بالتالي كاتخدم كا رادع نفسي ليه باش ما يزربش بزاف فالموستقبال.