شيرين أبو عاقلة

من ويكيپيديا
شيرين أبو عاقلة
شيرين أبو عاقلة
معلومات عامة
زيادة 3 أبريل 1971
لقدس
لموت 11 ماي 2022 (51 عام)
جنين
طريقة دلموت قتيلة
سباب لموت ضربة ب لقرطاس
لجنسية فيليسطين
لميريكان
لحرفة صحافي و مراسلة ميدانية
لّوغات لي كيعرف لعربية، نڭليزية و العبرية
معلومات خرى
دين مسيحية
لجوايز
IMDB: nm13656978 Facebook: shireen.nasri.3 Twitter: ShireenNasri Modifica els identificadors a Wikidata


شيرين أبو عاقلة، تولدات ف 3 أبريل 1971 ف لقدس ؤ توفات ف 11 ماي 2022 ف جينين، كانت صحافية فيليسطينية. خدمات مراسلة ف لقناة د لجزيرة ل 25 عام قبل مايقتلها لجيش لإسرائيلي ف لوقت لي كانت كاتدير تغطية د لهجوم ف ف لمدينة د جينين.

حياتها[بدل | بدل لكود]

تولدات أبو عاقلة ف 1971 ف لقدس ف وسط فاميلة كاطوليكية د عرب فيليسطينيين مسيحيين أصلهم من بيت لحم.[1] دوزات وقيتة ف لميريكان، ؤ خدات لجينسية علا طريق لعائلة د مها لي عايشين ف نيوجيرسي.[1]

دوزات قرايتها د ليسي ف بيت حنينا، ؤ موراها تسجلات ف جاميعة لأردن د لعولوم ؤ طيكنولوجيا باش تقرا لهنداسة؛ ؤ تحولات ل جاميعة ليرموك فين تخرجات ب ديپلوم ف صحافة لمكتوبة. مورما تخرجات، رجعات أبو عاقلة ل فيليسطين.[2]

لكاريير[بدل | بدل لكود]

خدمات أبو عاقلة مراسلة ف لإداعة د مونطي كارلو ؤ صوت فلسطين.[3] ف 1997، بدات تخدم كا صحافية ف لجزيرة،[4] ؤ ولات مراسلة معروفة ف لقناة ب لعربية.[4][5] عاشت ؤخدمات ف لقدس شرقية، ؤ غطات ݣاع لأحدات لمهمة لمرتابطين ب فلسطين من بينهم نتيفاضة تانية، ؤ حتا سياسة لإسرائيلية.[4] كانت كاتغطي حتا لݣنايز د لفيليسطيين لي قتلهوم لجيش لإسرائيلي.[6] بقات خدامة أبو عاقلة ف لجزيرة حتا قتلها لجيش لإسرائيلي ف 2022.[4]

لموت[بدل | بدل لكود]

خاريطة د بتسيلم كاتبين فين كان لجيش لإسرائيلي كيتبادل لقرطاس معا لفيليسطينيين (B) ضد لبلاصة لي تقتلات فيها أبو عاقلة (A).[7][8][9][10]

ف 11 ماي 2022، علنات وزارة صّحة لفيليسطينية بلي أبو عاقلة تيرا عليها ؤ قتلها لجيش لإسرائيلي ف لوقت لي كانت كاتدير تغطية علا لهجوم د لجيش علا لمدينة د جينين.[11] أبو عاقلة كانت حاضرة ف لهجوم لي لجيش لإسرائيلي قال بلي كيهدف باش يشد "مشتبهين ب لإرهاب".[4] تيرا لجيش علا أبو عاقلة ف راس،[11][12] ؤ تنقلات ل سبيطار بن سينا، فين تعلن بلي توفات.[12] كان ف عمرها 51 عام.[2][13] صحافي أخور، علي سّمودي[12] د جورنال لقدس، تيراو عليه ف ضهر والاكين نجا؛ جوج فيليسطينيين خرين داوهم ل سبيطار ف حالة مستاقرة.[4]

جّورنال لإسرائيلي هارتس دكر بلي فيليسطينيين تيراو علا عساكريا د لجيش لإسرائيلي ؤ مورها ردو عليهم؛[4] لجزيرة دكرات بلي علا حساب لمودير د لمكتب ديالهم ف رام الله، وليد لعمري، بلي ماكانش حتا طليق د لقرطاس من لفيليسطينيين.[11] قال لعمري بلي أبو عاقلة كانت لابسة كاصك ؤ تضربات ف بلاصة مامحمياش تحت لودن شي لي كيبين بلي كانت "مستهدفة عمدا".[2] بين ڤيديو د هاد لحادتة بلي أبو عاقلة كانت لابسة جيلي زرق باين مكتوب عليه "صحافة".[4]

عيون لكلام[بدل | بدل لكود]

  1. ^ a b Abdulrahim, Raja; Hubbard, Ben (2022-05-11). "Trailblazing Palestinian Journalist Killed in West Bank". The New York Times (ب نڭليزية). ISSN 0362-4331.
  2. ^ a b c عرب ٤٨ (2022-05-11). "استشهاد الصحافية شيرين أبو عاقلة برصاص الاحتلال في جنين". موقع عرب 48 (ب نڭليزية). تطّالع عليه ب تاريخ 2022-05-11.
  3. ^ "AQB Honors College hosts Al Jazeera Reporter Shireen Abu Akleh". www.honaalquds.net. تطّالع عليه ب تاريخ 2022-05-11.
  4. ^ a b c d e f g h Khoury, Jack (11 ماي 2022). "Al Jazeera Reporter Killed in Israeli Army Raid in Jenin". Haaretz (ب نڭليزية).
  5. ^ "Al Jazeera reporter killed during Israeli raid in West Bank". AP NEWS (ب نڭليزية). 2022-05-11. تطّالع عليه ب تاريخ 2022-05-11.
  6. ^ عربيات, مجلة (2002-01-05). "شرين أبو عاقلة مراسلة الجزيرة الفضائية". مجلة عربيات | Arabiyat Magazine (ب لعربية). تطّالع عليه ب تاريخ 2022-05-11.
  7. ^ "המיקום ממנו יורה החמוש הפלסטיני בסרטון שמפיץ הצבא:". Twitter (ب نڭليزية). تطّالع عليه ب تاريخ 2022-05-12.
  8. ^ "استشهاد شيرين أبو عاقلة.. منظمة إسرائيلية تكشف زيف الفيديو الذي نشرته قوات الاحتلال عن الجريمة". B'Tselem (ب لعربية). Al Jazeera. 11 May 2022. مأرشيڤي من لأصل ف 12 May 2022. تطّالع عليه ب تاريخ 12 May 2022.
  9. ^ "Location Where journalist Shireen Abu Akleh was killed". Twitter (ب نڭليزية). تطّالع عليه ب تاريخ 2022-05-12.
  10. ^ "تحقيق "عرب 48": استشهاد شيرين أبو عاقلة.. استهداف مباشر بنيران الاحتلال" (ب لعربية). arab48. 11 May 2022. مأرشيڤي من لأصل ف 12 May 2022. تطّالع عليه ب تاريخ 12 May 2022.
  11. ^ a b c "Veteran Al Jazeera reporter killed by Israeli fire in West Bank". www.aljazeera.com (ب نڭليزية). تطّالع عليه ب تاريخ 2022-05-11.
  12. ^ a b c "Al Jazeera journalist Shireen Abu Akleh shot dead by Israeli troops in West Bank". Middle East Eye (ب نڭليزية). تطّالع عليه ب تاريخ 2022-05-11.
  13. ^ Abdulrahim, Raja (2022-05-11). "Al Jazeera Journalist Is Killed During Clashes in West Bank". The New York Times (ب نڭليزية). ISSN 0362-4331.