شووييشا
شووييشا
| ||
 | ||
| معلومات أساسية | ||
| نوع د لمؤسسة | دار نشر، شركة لنشر الكتب و شركة إنتاج | |
| لبلاد | الجاپون | |
| لموضع | Hitotsubashi | |
| لمؤسس | شوݣاكوكان | |
| تاريخ د تّأسيس | 1925 | |
| عاداد لموضّافين | 812 | |
| سّيت رّسمي | shueisha.co.jp… | |
| معلومات إضافية | ||
| عضو ف | AJPEA (The All Japan Magazine and Book Publisher's and Editor's Association) و Hitotsubashi Group | |
| فروع | ||
| أملاك | ||
 | ||
شووييْشا (ب جاپونية: 株式会社集英社، كابوشكي ݣايشا شووييْ-شا) هي شاريكة نشر جاپونية السييج ديالها كاين ف تشييوضا، طوكيو، الجاپون. شووييشا هي أكبر شركة د النشر ف الجاپون.[1] تصاوبات ف 1925 ب صيفتها ديڤيزيو ديال لمنشورات لي عندها عالاقة معا الترفيه ديال دار النشر الشووݣاكوكان. ف لعام لي موراه، شووييشا تفرقات، و ولات شاريكة مستاقلة.
لمجلات د لمانݣا لي كاتنشرهوم شووييشا، منهوم لخط د مجلة دجامپ Jump، لي كايشمل مجلات د الشوونين بحال، شوونين دجامپ الأسبوعية، دجامپ إس كيو، و ڤي دجامپ، و مجلات د السيينين بحال، يونك دجامپ الأسبوعية، ݣراند دجامپ، و أولطرا دجامپ+. زيد كاينشرو مجلات خرين بحال، نون-نو Non-no. شووييشا، هي و شوݣاكوكان، كايملكو ڤيز ميديا، لي كاتنشر لمانݣا د الشاريكات ب جوج ف أمريكا الشمالية.[2]
ف 1925، الشاريكة د النشر لكبيرة الشووݣاكان (تأسسات ف 1922) أسسات شووييشا. و جينجوو شووݣاكو إيتشينين جوسييْ (尋常小學一年女生) ولات أول ريواية تنشرات من شوويشا ب معاونة معا الشووݣاكان. ف 1927، تصاوبو جوج ريوايات معنونين ضانشي إيهون، و جوشي إيهون. ف 1928، شووييشا تخدّمات باش تحرر ݣينضاي يووموا زينشوو (現代ユーモア全集) لي هي كومپيلاسيو (مجموعات قصصية). هاد لعمل وصل ل 12 موجلاد. ف عوام ل 1930 ريواية وحدة خرى سميتها طانطييْ-كي ضان تطلقات و ݣينضاي يووموا زينشوو تكمّل ل 24 موجلاد. ف 1931 جوج ريوايات خرين تطلقو، ضانشي يووتشييِن و جوشي يووتشييِن.
من مورا لحرب لعالمية الجاوجة، شووييشا بدات كاتنشر واحد لخط د لمانݣا سميتو أوموشيرو بوك. هاد لخط نشر واحد لكتاب د التصاور سميتو شوونين أووجا، لي دار بووم عند لولاد و لبنات. أول موجلاد كامل د شوونين أووجا تطلق ب سمية شوونين أووجا أويْطاتشي هين، لي ولا أكتر موجلاد تباع ف لبلاصة.
أول مجلة نشراتها الشوييشا كانت آكاروكو طانوشيي شوونين-شووجو زاشّي. ف شتنبر 1949، أوموشيرو بوك ولا كايتصايب ف مجلة ب ݣاع لمحتاوايات لي كانو ف لخط لفايت. ف 1950، واحد لإيديسيو سپيسيال د لمجلة تنشرات تحت لعنوان هينومارو. زيد على أوموشيرو بوك، واحد لڤيرسيو د النتوات تنشرات ف 1951: شووجو بوك لي ورى مانݣا كاتڤيزي لبنات لموراهقات. لبناية د هيطوتسوباشي ديال شووييشا ولات مستاقلة ب شكل كامل ف 1952. ف هاد لعام، أوموشيرو بوك وقفات النشر و ميووجوو بدات ف النشر كا مجلة شهرية. السيريات د أوموشيرو بوك تنشرو ف إيديسيوات بونكوبان تابع ل خط د أوموشيرو مانݣا بونكو.[3] واحد الريواية سميتها يويكو يووتشييِن تنشرات و جا ف بلاصة أوموشيرو بوك، مجلة خرى ديال مانݣا الدراري الصغار سميتها يوونين بوك.
ف 1955، النجاح ديال شووجو بوك ودى ل نشر د مجلة ريبون لي باقية ل دابا. الريواية جوشي يووتشييِن كوباطو بدات ف النشر ف 1958. ف نونبر 23، واحد الطلقة (Issue) خاصة د ميووجوو معنونة ميووجوو الأسبوعية خرجات، شوونين بوك تصاوبات، و السيريات ديال شووجو بوك تطلقو ف إيديسيوات د بونكوبان (نوع من الطانكووبون) تابعين ل مطباعة د الشووجو مانݣا بوك. ف عوام ل 1960، واحد الطلقة-سپينؤوف خرة د ميووجوو خرجات سميتها بيصّاتسو ميووجوو الأسبوعية.
شووييشا كملات ف نشير شلا ريوايات. واحد لكومپيلاسيو ديال بزاف د السيريات من أوموشيرو بوك خرجات ب سمية شوونين-شووجو نيپّون ريكشي زينشوو تسالات ف 12 لموجلاد. بزاف د لكتوبا خرين تنشرو منهوم هيروسكي يوونين ضووا بونݣاكو زينشوو، هاطاتشي نو سيكّييْ، ضووضوو طارو جينسييْ، شينجين ناما ݣيكيجو، و ݣايكوكو كارا كطا شينݣو جيطين. ف 1962، شوييشا نشرات واحد لڤيرسيو د النتوات ديال ميووجوو معنونة جوسيي ميووجوو و بزاف د الريوايات خرين. ف 1963، شووييشا بدات ف نشير لمجلة لي خدات نجاح كبير مارݣاريط معا لمجلة ديالها لفرعية بيصّاتسو مارݣاريط. الريواية أوكييو-ي هانݣا تطلقات كاملة ف سبعة د لموجلادات، و لكتاب د التصاور سيكاي 100 نين نو مونوݣاطاري زينشوو تطلق ف ذا يوجوال 12. ف 1964، كانشي طايكييْ تطلق ف 24 موجلاد معا معاودة ف الطبيع. ف نفس لعام واحد لخط د الريوايات سميتو كومپاكط بوكس، تصاوب و واحد لخط د لمانݣا سميتو طيليبي بوكس تطلق حتى هو. ف 1965، جوج مجلات خرين تصاوبو: كوبالت و لمجلة لفرعية ديال ذا شوونين بوك، بيصّاتسو شوونين بوك.[4]
ف 1966، شووييشا بدات تنشر مجلات پلاي بوي الأسبوعية، سييْشون طو ضوكشو و شووسيتسو جونيور. ريواية سميتها نيهونبون ݣاكو سينشو شملات 88 موجلاد. واحد لمجلة ديال لمانݣا خرى تصاوبات، سميتها يونݣ ميوزيك. مجلة ديلاكس مارݣاريط بدات كاتنشر ف 1967 هي و لخطوط مارݣاريط كوميكس و ريبون كوميكس. ف 1968 مجلة هوشي يونݣ سينس بدات ف النشر كا سپينؤوف ل مجلة يونݣ سينس صغيرة لعمر. ف اللاحق ف نفس لعام مارݣاريط طلقات مجلة السيڤنتين كا ڤيرسيو جاپونية ل لإيديسيو النݣليزية.
مجلة شوونين دجامپ تصاوبات ف نفس لعام كا مجلة نص شهرية. واحد لمجلة خرى د الطفال تصاوبات ف هاد لعام سميتها جونيور كوميك و واحد السپينؤوف وحد آخر د مجلة ريبون سميتو ريبون كوميك. ف 1969، مجلة جوكر بدات ف النشر هي و مجلة ݣاتس. بزاف د الريوايات خرين حتى هوما تنشرو. مجلة بيصّاتسو سيڤنتين بدات ف النشر. ف هاد لعام شوونين دجامپ ولات آنطولوجيا أسبوعية و بدلات سميتها شوونين دجامپ الأسبوعية. من مور لمسالية د شوونين بوك، واحد السپينؤوف ديال شوونين دجامپ الأسبوعية بدا ف نفس لوقيتة من لي ولات لمجلة أسبوعية، ف لبدية تسمى بيصّاتسو شوونين دجامپ. تبدلات سميتو ل شوونين دجامپ الشهرية معا الطلقة التانية.
عوام ل 1970 بداو ب الطليق د مجلة الريوايات سوبارو و ف 1971 مجلات نون-نو و أوشن لايف بداو ف النشر. السيرية د الريوايات ݣينضاي نيپون بيجوتسو زينشوو شملات 18 لموجلاد و تباعت ب شكل كبير. ف 1972 مجلة روضشوو بدات كاتنشر و لمانݣا وردة ڤيرساي (ليدي أوسكار) بدات ف لخط د مارݣاريط كوميكس و خدات شعبية كبيرة. ف 1973 مجلة پلايݣورل بدات ف النشر و السيرية د الريوايات زينشاكو كانبون طايكييْ جمعات 33 موجلاد. ف 1974 شوونين دجامپ الأسبوعية طلقات آكامارو دجامپ.[4]
شووييشا علنات بلي ف الصيف ديال 2011، غاتطلق واحد لمجلة جديدة د لمانݣا معنونة ميراكل دجامپ.[5]
ف أكتوبر 2016، شووييشا علنات بلي راهوم ديجا صايبو قسم جديد ف 21 يونيو سميتو بيت كورة الضراݣو (ドラゴンボール室، ضوراݣون بوورو شيتسو). على راسها الشاف د لكتاتبيا (المحررين) د ڤي دجامپ، آكييو إييوكو، هاد لقسم تديديكا ب شكل كامل ل لمول الضراݣون بول، آكيرا طورياما و باش ينشط و يوسع هاد لماركة.[6]
شووييشا طلقات ف 28 يناير 2019 واحد لڤيرسيو عالمية ب اللوغة النݣليزية ف لمجلة لأونلاين شوونين دجامپ+، معنونة مانݣا پلاس. موفرة فابور ل كل بلاد من غير الشينوا و كوريا الجنوبية، لي عندهوم سيرڤيسات دياولهوم بوحدهوم. ڤيرسيو ب اللوغة الصبليونية غاتطلق ف فبراير/مارس 2019، و يقدر يكون عندها مكتابة محتاوايات مبدلة. بحال التطبيق الجاپوني، عندها عيينات كبار من لمانݣا لي تقدر تتقرى فابور معا لمانݣات لي باقيين كايتسلسلو ف شوونين دجامپ الأسبوعية، واحد لعدد معبور د لعناون من شوونين دجامپ+ و شي عناوين من دجامپ سكوير.
ف 31 مارس، 2022، شووييشا علنات بلي صاوبات واحد لمقر فرعي مملوك ل الشاريكة ب لكامل سميتو شووييشا ݣايمس ف 16 فبراير. الشاريكة غادي تدعم الديڤلوپرز ف خمسة د لمشاريع لباقيين ف لخدمة، و باش تطوور اللوعاب لپورطابل ب ديزاينات د الشخصيات مصاوبين من لفنانا د شوونين دجامپ.[7][8][9]
ف 30 ماي، 2023، واحد السيرڤيس د لمانݣا عمودي سميتو دجامپ توون علنو عليه و كايتسناوه يتطلق ف شي وقيتة ف 2024.[10]
هادي ليستة ديال أبرز لمجلات لآكتيڤ د لمانݣا معا الديموغرافيات لي مڤيزية و أبرز لمانݣات لي دازو فيهم.
شوونين دجامپ الأسبوعية (آكتيڤ من 1968):
- كاپتن ماجد
- سلام دانك
- وان پيس
- هانتر إكس هانتر
- يوو ݣي يوو!
- قبضة نجم الشمال
دجامپ سكوير الشهرية (آكتيڤ من 2007):
- بلوو إيكزورسيست
- دي ݣراي مان
- تو لاڤ رو ضاركنيس
- وورلد تريݣر
- شوو-ها شووطين
سايكيوو دجامپ الشهرية (آكتيڤ من 2010):
- يوو ݣي يوو! آرك ڤي
- أوجورامارو
ڤي دجامپ الشهرية (آكتيڤ من 1993):
- بوروطو: ناروطو الجيل الجاي
- يوو ݣي يوو دجي إكس
- شادوو لايدي
دجامپ ݣيݣا الربع موسمية (آكتيڤ من 2016):
ريبون الشهرية (آكتيڤ من 1955):
- آنيمال يوكوشوو
- تشيبي ماروكو تشان (ماروكو الصغيرة)
- آكرو تريپ
- تشوكوميمي
- هييوكويْ
مارݣاريط الشهرية (آكتيڤ من 1963):
- وردة ڤيرساي (لايدي أوسكار)
- آيم فور ذا آيس
- پينك & هابانيرو
- أوونيساما هيي (خويا لعزيز)
بيصّاتسو مارݣاريط الشهرية (آكتيڤ من 1964):
- إيطازورا نا كيس
- آووزورا يِل
- سطيكي نا كاريشي
كوبالط النص شهرية (آكتيڤ من 1976):
- ميراج أوف بلايز
- كيمي ني طوضوكي
يونݣ دجامپ الأسبوعية (آكتيڤ من 1979)
- كيرارا
- طوكيو غول
- ناينتيين 19
- كينݣدوم
- طيرّا فورمارز
أولطرا دجامپ الشهرية (آكتيڤ من 1999):
- باسطرد!!
- ليدجند أوف ذا ݣالاكتيك هيرووز
- بلاك نايت پارايد
ݣراند دجامپ النص شهرية (آكتيڤ من 2011)
- درافت كينݣ
- هاوس أوف رايديايشن
كووكي النص شهرية (آكتيڤ من 1999 - كانت ف السابق د الشووجو):
- عسل مر
- تشيير بويز!
- نانا
- كلوڤر
كوكوهانا الشهرية (آكتيڤ من 1994):
- پاپا طولد مي
- هوني و كلوڤر
- پرايد
- ↑ "【2023年最新】出版社 売上ランキングTOP40 1位は集英社、2位は講談社、3位は？ - ネリマーケ". nerimarketing.net (in Japanese).
- ↑ "会社案内".
- ↑ "集英社 小史｜草創期". Shueisha. Archived from the original
- 1 2 "集英社 小史｜成長期". Shueisha. Archived from the original
- ↑ "Manga powerhouse Shueisha announces new magazine". Asia Pacific Arts
- ↑ "Shueisha Establishes New Department Focused on Dragon Ball". Anime News Network
- ↑ 10]Pineda, Rafael Antonio (March 31, 2022). "Shueisha Establishes 'Shueisha Games' Company". Anime News Network.
- ↑ "Manga Publisher Shueisha launches Shueisha Games Subsidiary"
- ↑ 12]Agossah, Iyane (March 31, 2022). "Dragon Ball Publisher Shueisha Reveals Game Studio And Over 5 Projects". DualShockers.
- ↑ Dempsey, Liam (May 30, 2023). "Shueisha Announces New JUMP TOON Service for Vertical Manga". Crunchyroll.
