شنتي
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
شنتي
| ||
 | ||
| معلومات عامة | ||
| سمية لعيلمية | Secale cereale (كارولوس لينيوس، 1753) | |
| لخاصية د ترتاب | نوع | |
| تابع ل | شيلم | |
| لعيشة | ||
| داخل على | شينوا | |
| لمناسلة | ||
| نوع لفاكية | برة | |
| معلومات خرين | ||
| لكائن مصدر ديال | شيلم *rye bran | |
| ستيعمالات | محصول حبوب *عشوب طبية *علف | |
الشنتي[1][2] (ب نّݣليزية: rye، ب لعربية: شيلم، السمية لعلمية Secale cereale) نوع ديال لعشوب كيتّزرع على ود لحبوب ديالو، و كيتّعتابر محصول ديال التغطية و ديال لعلف. الشنتي كيتّزرع سيرتو ف لمناطق ديال شرق و شمال ؤروپا و روسيا. هاد لعشبة كاتقاوم لبرد و التربة لفقيرة كتر من لحبوب لخرين. النمو لقوي ديالها كيقضي على النبتات الطفيلية، و كاتعطي بزاف د لعلف ل لبهايم ف لبدية د لعام. كيتّعتابر الشنتي قريب ف لقبيلة ديال لڭمايح لي منها لڭمح و الشعير.[3]
كيتخدّم الشنتي ف لمصاوبة ديال لخبز، لبيرة، لويسكي د الشنتي و لعلف د لبهايم. ف لقرون لوسطانية، الشنتي كان منتاشر بزاف ف لكوزينة ديال سكانديناڤيا، و لخبز الناشف ديال الشنتي باقي عندو شعبية تماك.
ؤروپا كاتنتج النص د لمحصول ديال الشنتي ف لعالم، ولايني قليل منو لي كيدوز ف التجارة لبرّانية، حيت كيتخدّم سيرتو ف لإستهلاك لمحلي. كاينة عشبة هجينة مابين الشنتي و لڭمح لي كاتسمّى ب لعربية "شيقم" و ب النڭليزية triticale، لي كاتدمج لخصايل ديال لمزروعات بجوج، و كاتّنتج ب كميات كبيرة ف لعالم كامل.
ف لفولكلور لؤروپي، "ديب الشنتي" (ب لألمانية: Roggenwolf) هوّ شيطان كيخطف الدراري الصغار و كياكلهم.
- ↑ محمد بوسلام (2018). معجم الدارجة المغربية (الجذور والاختلافات الجهوية)، الجزء 2 (خ-ع). Vol. 2. p. 458.
- ↑ محمد شفيق (1999). الدارجة المغربية مجال توارد بين الأمازيغية والعربية. مطبعة المعارف الجديدة. p. 134.
- ↑ Soreng, Robert J.; Peterson, Paul M.; Romaschenko, Konstantin; et al. (2017). "A worldwide phylogenetic classification of the Poaceae (Gramineae) II: An update and a comparison of two 2015 classifications". Journal of Systematics and Evolution. 55 (4): 259–290. doi:10.1111/jse.12262. hdl:10261/240149. ISSN 1674-4918.
