سيسطيم تاع سميات الضومينات
| سيسطيم تاع سميات الضومينات | |
|---|---|
| معيار الإنترنت، hierarchical namespace، بروتوكول شبكة حاسوب | |
| طرف من | حزمة بروتوكولات الإنترنت، ويب  |
| تخدام | name resolution |
| نوع الوسائط | application/dns، text/dns |
| الموقع في نموذج الربط البيني للأنظمة المفتوحة | طبقة التطبيق |
| طاڭ ديال سطاك إكستشينج | https://stackoverflow.com/tags/dns |
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
السيسطيم تاع سميات الضومينات (بالنڭليزية: Domain Name System اللي كايتختاصر ل DNS) هو واحد السيسطيم د السميات هيرارشي ؤ موزع موجّه ل لورديناطورات، السرابس ؤ موارد ؤخرين ف لانطيرنيط ؤ الريزويات اللي خدامين ب پروطوكول د لانطيرنيط Internet Protocol (IP). هاد السيسطيم كايربط بزاف د المعلومات ب سميات الضومينات (عبارة على شرتلة د الحروف تاع التعريف). أهم تخديمة لهاد السيسطيم هو أنه كايطرجم سميات الضومينات اللي ساهلين فالحفيظ، للنماري د لادريسات د ليپي IP addresses اللي كايحتاجهم الناڤيڭاطور باش يلوكاليزي ؤ يتعرّف على السرابيس ؤ الپيسيات ؤ لاپارايات المربوطين ليهم فالريزو أنفورماتيك.[1] السيسطيم تاع سميات الضومينات كان ضروري للخدمة تاع لانطيرنيط من عام 1985 ؤ جبد.
السيسطيم تاع سميات الضومينات كايفوّض المسؤولية ديال تفراق سميات الضومينات ؤ الماپاج ديالهم مع الموارد تاع لانطيرنيط ل سرابس تاع السميات سيّاديين authoritative name servers على حسب كلا ضومين. لادمينات د الريزو يقدو يفوّضو السيادة على التحت-ضومينات sub-domains ديال سمية الضومين المريزيڤي ليهم ل سربايا (سيرڤورات) ؤخرين. هاد الميكانيزم كايخليهم يقدو يصاوب سرابس اللي موزعين ؤ عصبات ضد الخسران fault-tolerant ؤ كان ف لاصل مديور على ود باش يتفاداو ضاطابيز مسونطراليزية ؤ مفرڭعة بالضاطا. فوق هادشي، الDNS كايوضّح الخدمة التقنية ديال السربيس د الداطابيز اللي وسطو. كايوضّخ الپروطوكول د DNS ؤ كايعطي الوصف المفصّل ديال القلدة د الضاطا ؤ الطريقة د المصيفطة ديالها كا طرف من الرزمة د الپروطوكول د لانطيرنيط Internet protocol suite.
لانطيرنيط كايسيّر جوج النواع د بلايص-السميات namespaces جوهريين، الهيراركية تاع سميات الضومينات ؤ البلاصة تاع لادريسات د ليپي IP.[2] السيسطيم تاع سميات الضومينات DNS ف نفس الوقت كايسيّر الهيرارشية د سمية الضومينات ؤ كايوفّر السربيس ديال الطرجمة بينات سمية الضومينات ؤ لادريسات د ليپي IP. السربايا (السيرڤورات) د السميات د لانطيرنيط مع پروطوكول ديال الكومينيكاصيو كاينضّيو السيسطيم د سميات الضومينات DNS. السرباي د السميات د DNS هو واحد السرباي اللي كايخزّن التسجيلات د DNS ؤ كايجاوب على الروكيطات د للضاطابيز ديالو.
أكثر نوع شايع د التسجيلات اللي كايكونو مقيدين فالضاطابيز د DNS كايمشيو للتسجيلات د بداية السيادة start of authority (SOA)، لادريسات د IP (A ؤAAAA)، السرباي د تصيفيط البريات SMTP mail exchangers (MX)، السربايا د السميات name servers (NS)، النعّاتات ديال التقلاب المقلوب ف DNS ـ pointers for reverse DNS lookups (PTR)، ؤ لاياس د سميات الضومينات domain name aliases (CNAME).
- ↑ Wu, Hao; Dang, Xianglei; Wang, Lidong; He, Longtao (2016). "Information fusion‐based method for distributed domain name system cache poisoning attack detection and identification". IET Information Security (ب الإنجليزية). 10 (1): 37–44. doi:10.1049/iet-ifs.2014.0386. ISSN 1751-8717. S2CID 45091791.
- ↑ RFC 781, Internet Protocol - DARPA Internet Program Protocol Specification, Information Sciences Institute, J. Postel (Ed.), The Internet Society (September 1981)
