سليمان بن حيون
سليمان بن حيون
| ||
| معلومات عامة | ||
| زيادة | 30 يوليوز 1867 وهران | |
| لموت | 22 مارس 1921 (53 عام) طانجا | |
| لحرفة | طباع و ناشر | |
| لّوغات لي كيعرف | عربية، عربية يهودية، لفرانساوية و صبليونية | |
سليمان بن حيون (ب لعبرية שלמה ן' חייון)، تولد ف 30 يوليوز 1867 ف وهران ؤ مات ف 22 مارس 1921 ف طانجا[1]، هوّا طبايعي ؤ صحافي يهودي مغريبي أصلو من تطوان.[2] كان نتاقل ل طانجا ملي عرض عليه لبزناس ليهودي لمغريبي حاييم بنشيمول لي كان متعاون معا سّلطات لفرانساوية. بن حيون كان كيهضر ب لعربية، دّاريجة ليهودية، لفرانساوية، سّپنيولية، ؤ ماشي متوكد ولاكين غالبان كان كيهضر حتا لعبرية.[3]
بن حيّون درس تاطباعت ف پاري، ؤ أنڤيستا ف دوزان متطور ف زمانو ديال طّباعة لي سيفط ل طانجا، ؤ أسس دار د طّباعة (مطباعة د سليمان بن حيون) ف شارع لقاضي. ؤ كان عندو حتا ستوديو ديال لفوطوݣرافي.[3]
أسّس مجموعة ديال جّورنالات، من بينهوم: كول إسرائيل (ف 1891)، ميباصير طوڤ (من 1894 تال 1895)، ؤ موغرابي (ف 1904) ب دّاريجة ليهودية لي ماستامروش بزاف،[4] ؤ جورنال لحرية لي كان كيصدر ب دّاريجة ليهودية ؤ ب لفرانساوية (من 1915 تال 1922)، ؤ لي كان مهتم ب شؤون ليهود ف لمغريب.[5]
هاد دّار كانت عندها إصدارات لي أسّسها بن حيون، ؤ إصدارات خرين بحال جورنال الصباح لي أسسو صّحافي لّبناني وديع كرم.[6] مي كانت كاتطبع حتا حوايج خرين بحال لوراق د لعراضات ل لحتيفالات لعائلية.[3]
- الحسن بن محمد الغسال الطنجي (1907). هذا مختصر إيضاح البرهان والحجة في تفضيل ثغر طنجة الدرة الثمينة البهية صانها الله رب البرية من كل سوء وبلية (ب لعربية). مطبعة سليمان بن حيون.[7]
- 1891، 1891. "كول إسرائيل" (ب دّاريجة لمغريبية ليهودية).
- 1895، 1894. "ميباصير طوڤ" (ب دّاريجة لمغريبية ليهودية).
- 1904، 1904. "موغرابي" (ب دّاريجة لمغريبية ليهودية).
- وديع كرم. "الصباح" (ب لعربية).
- 1922، 1915. "لحرية" (ب دّاريجة لمغريبية ليهودية ولفرانساوية).
سليمان بن حيون كان صهيوني ؤ إنساني، ؤ كان منتامي ل لحاراكة لماسونية.[3]
- ^ "Salomon Benhayoun". geni.com (ب نڭليزية). 16 أبريل 2021. مأرشيڤي من لأصل ف 2021-12-09. تطّالع عليه ب تاريخ 2021-12-09.
- ^ Une certaine histoire des Juifs du Maroc: 1860-1999 (ب لفرانساوية). 2005.
- ^ a b c d "صنع تّاريخ، حجّايات من طانجا". هاأريتس (ب نڭليزية). 5 غشت 2011. مأرشيڤي من لأصل ف 9 مارس 2021.
- ^ بنسوسان، داڤيد (May 2012). Il était Une Fois Le Maroc: Témoignages Du Passé Judéo-marocain [حاجيتك ماجيتك لمغريب: شهادات ديال لماضي ليهودي لمغريبي] (ب نڭليزية). iUniverse. ردمك 978-1-4759-2608-8.
- ^ "جورنال لحرية" (ب نڭليزية والعبرية). مأرشيڤي من لأصل ف 2023-02-06. تطّالع عليه ب تاريخ 2021-12-09.
- ^ العفاقي، رشيد. "الصحافة اللبنانية الهاجرة إلى طنجة (1889-1911م)" (PDF). مدن وثقافات (ب لعربية). مأرشيڤي من لأصل (PDF) ف 9 دجنبر 2021.
- ^ "مشروع تّرات لإسلامي، طانجا" (ب نڭليزية ولعربية). مأرشيڤي من لأصل ف 2023-03-02. تطّالع عليه ب تاريخ 2021-12-09.
 هادي زريعة ديال مقالة خاصها تّوسع. تقدر تشارك ف لكتبة ديالها. |