سلوى رشدان
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
سلوى رشدان
| ||
 | ||
| معلومات عامة | ||
| زيادة | 1986 (39/40 عام) مراكش | |
| لجنسية | لمغريب | |
| لحرفة | عالمة | |
سلوى رُشدان (مزيودة ف 1986 ف مراكش) عالمة و باحتة مغريبية ف مجال لبيئة و الديناميكية ديال التنوع لبيولوجي، خدّامة دابا ف وكالة لفضاء لميريكانية نازا.[1][2]
دوّزات رُشدان قرايتها كاملة ف مراكش، و خدات لباك من ليسي قاضي عياض ف 2003. ف 2006، خدات ليصونص ف لبيئة من جامعة لقاضي عياض. جات اللولة ف ماسطر ديال "لبيئة و ديناميكية التنوع لبيولوجي". كملات قرايتها ب الدوكتورا ب "أبحات على إمكانية تأقلم لقيطاع لفيلاحي و لأنضمة لبيئية معا التبدال د لمناخ، ف إطار تشخيص لمخاطر ديالو و تحديد طرقان التعامل معاه،[3] على ود لوصول ل إستراتيجية متكاملة، و برامج تنفيذية كاتسمح ب لحد من لأتار السلبية ديالها، و إعداد بدائل ممكنة على ود حماية الطاقات لإنتاجية و لإستفادة من لعوام لي كاطيح فيهم الشتا".[4]
ولّات سلوى رشدان مركّزة بشكل كامل على لأبحات، و قدرات باش تشارك ف بزاف د لمؤتمرات عالمية ديال الصيونص، و ستافدات من بورس ديال عدد د لمنضمات بحال لأمم لمتحدة، لمنضمة لإسلامية ديال التربية و لعولوم و التقافة، و لهيئة لألمانية ديال التبادل التقافي. دارت مشروع ديال بحت علمي على ربط لعوامل لمناخية و لإجتماعية و لإقتصادية، على ود تعزيز لأمن د لماكلة ف لمغريب ف 20 عام الجاية. هاد لمشروع ختارتو لمنضمة الدولية ديال لبحت والتحليل و التدريب حول التغيرات المناخية، لي لمقر ديالها ف واشينطون، باش يكون من بين 24 مشروع (من أصل 220) لي تعطات ليهم منحة.[5]
ف 2013، ملي كان ف عمرها 27 عام، بدات كاتخدم ف وكالة نازا لميريكانية.[6]
رشدان عضوة ف نادي الصحافة لعلمية ف مراكش من 2003، و لإتحاد الدولي ديال الدراسات لعلمية د السكان. و هيّ متطوعة متخصصة ف لمنتزه لوطني ديال توبقال.[4]
- ↑ "بعيدا عن التفاهات. ثلاثة مغاربة ضمن وكالة "ناسا" الأمريكية لأبحاث الفضاء". 2019-02-26. Retrieved 2024-10-21.
- ↑ "سلوى رشدان عالمةَ فَضَاءٍ مِنْ جُذُورِ مَغْرَبِيَّةٍ". Retrieved 2024-10-21.
- ↑ Rochdane, Saloua; Reichert, Barbara; Messouli, Mohammed; Babqiqi, Abdelaziz; Khebiza, Mohammed Yacoubi (2012-01-09). "Climate Change Impacts on Water Supply and Demand in Rheraya Watershed (Morocco), with Potential Adaptation Strategies". Water. 4 (1): 28–44. doi:10.3390/w4010028. ISSN 2073-4441.
{{cite journal}}: CS1 maint: unflagged free DOI (link) - 1 2 "Saloua Rochdane". Retrieved 2024-10-21.
- ↑ "من مدرجات "القاضي عياض" .. إلى مختبرات وكالة الفضاء NASA". 2013-03-21. Retrieved 2024-10-21.
- ↑ "هل نشهد قريباً أول وكالة فضاء عربية؟". 2020-09-09. Retrieved 2024-10-21.