سلام أمزيان
 مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل.ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
سلام أمزيان
| ||
| معلومات عامة | ||
| زيادة | 1925 بني بوخلف | |
| لموت | 9 شتنبر 1995 (69/70 عام) بيرخن أوب زووم | |
| لجنسية | لمغريب (1956–) سپانيا (1927–1956) جمهورية الساحل (بالامازيغية : الريف) (1925–1927) | |
| لحرفة | سياسي | |
| لّوغات لي كيعرف | عربية، لوغات أمازيغية و صبليونية | |
محمد لحاج سلام أمزيان (تولد ف 1925 فآيت بوخلف نواحي لحسيمة - مات ف 9 شتنبر 1995 فهولاندا) كان مناضل مغريبي من الريف واتًعرف حيث هو اللي كان الشاف ديال لينتيفاضة د الريف ف 1958-1959.[1]
تولد سلًام أمزيان ف 1925 فدوار بني بوخلف اللي تابع للقبيلة د بني ورياغل ف الريف. قرا فاللول فلمسيد ومن بعد كمًل فلمعهد لأصيل (ثانوية الإمام مالك) د لحسيمة. رحل من بعد لفاس وقرا فلجامعة د لقرويين، وخدا شهادة العالمية. ملًي تخرًج ولاً موعلًيم وقرا فبزاف د لبلايص منها قرية بامحمد، طنجة وتطوان.
ملًي كان سلاًم أمزيان تيقرا فلقرويين, ولاً متبع السياسة ودخل مع لمناضلين اللي طالبو بليستيقلال د لمغريب. دخل من ديك الساعة لحزب الشورى و الإستقلال. ف 1955، دخل مع جيش التحرير، وكان تينسًق مابين الخطابي ولعسكر ديالو اللي بقاو فالرًيف. ف 1956، ملًي استاقل لمغريب، مابغاوش الناس دجيش التحرير يحطًو السلاح حيث ماكانش لمغريب كلو مستاقل وبغاو يحرروه كلًو. الدولة ماكانتش متافقة معاهم وتقبطو بزاف د ناس جيش التحرير فلحبس, منهم سلام أمزيان، اللي دوز عاماين د لحبس مابين لحسيمة والرباط وقنيطرة.
ف 1958, غادي تبدا لينتيفاضة ديال الريف, اللي وقعات حيث الناس سخطو على التهميش اللي كان فلمنطقة ديالهم، وبداو تيظاهرو. الدولة ماتجاوباتش مع هاد لمطالب وبقات لحݣرة والتهميش، وهوما يهزو لمحتجين السلاح. سلام أمزيان كان هو الشاف ديالهم وكان تيعطيهم التعليمات ديال كيفاش يحاربو حرب لعصابات. تحامات الدولة مع حزب لاستقلال وهرًسو هاد لحركة وتقتلو بزاف د الناس.[2] فمارس 1959 هرب أمزيان لمليلية وموراها مشا عاش فمصر والجزائر ولعراق. ف 1994 مشا لهولندا باش يتداوا وبقا تما تا مات ف 1995. تدفن سلًام أمزيان نهار 16 شتنبر 1995 فالدوار ديالو، آيت بوخالف.
- ^ "بحثا عن الأب - في ذكرى انتفاضة الريف". مأرشيڤي من لأصل ف 2020-03-26. تطّالع عليه ب تاريخ 2020-04-02.
- ^ "كيف أخمد الحسن الثاني ثورة الرئيس أمزيان؟". مأرشيڤي من لأصل ف 2021-09-23. تطّالع عليه ب تاريخ 2020-04-02.
|
تقدر تزيد شوف بزاف د تّصاور و لمعلومات ديال Mohammed Lhaj Slam Amzian ف ويكيميديا كومنز. |