سان مارينو
سان مارينو، رسميا لجمهورية د سان مارينو (بالطاليانية: Repubblica di San Marino) هي دولة جات ف لجنوب د أوروپا، و تادور بيها الطاليان من ݣاع الجوايه (جات داخلة فيها). سان مارينو وحدا من أصغر لبلدان ف أوروپا و تا ف لعالم من ناحية لمساحة. لمساحة ديالها ما كاتفوتش 61 كم مربع.
سان مارينو هي أقدم بلاد ف لبلدان اللي كاينين دابا ف لعالم، و أقدم جمهورية. تأسسات نهار 3 شتنبر 301، من سانت مارينوس، اللي خرج من لإمبراطورية الرومانية، و أسس دولة تسمّات على سميتو. سان مارينو هي الدولة اللي عندها تا أقدم دستور ف لعالم، تكتب ف عام 1600، و هو اللي باقي مخدّم تال دابا.[1]
تيسكنو ف سان مارينو تقريبا 30.000 د الناس، و لعاصمة ديالها هي لمدينة د سان مارينو. اللغة الرسمية د لبلاد هي الطاليانية، و عاد تاتهضر فيها بزاف اللغة الرومانيولية. لفلوس اللي كاتخدّم ف لبلاد هي لأورو. سان مارينو وحدة من أغنى لبلدان ف لعالم، و هي من لبلدان لقلال ف لعالم اللي ما عندها تا كريدي.
التاريخ[بدل | بدل لكود]
التاريخ الجديد[بدل | بدل لكود]
هاذه الجمهورية الصغيرة سان مارينو شعار ديالها هي الحرية ديماً و دات استقلالها بعد تهديدات على مر تاريخها.خضعت سان مارينو لثلث غزوات عسكرية،اللولا عام 1503م احتلها سيزار بورجيا و ضمها لجمهوريته شهر حتى مات.طاح عليها احتلال آخر عام 1944م بالقوات الالمانية و من ثم الحلفاء اللي احتلوها سيمانات.في 8 اكتوبر 1600 دارو اول دستور مكتوب.فيه تشريعات قانونية نستعملو اليوم مع انها فاتت بتقلبات سياسية.كانت فرانسا في وقت نابليون ندافع عن الجمهورية من وقت طويل.
لجغرافيا[بدل | بدل لكود]
لمناخ[بدل | بدل لكود]
بما انها دولة صغيرة قريبة من الطاليان ف راه لمناخ ديالها هو بحال لمناخ ديال ايطاليا النيت (مناخ متوسطي، جبلي).
الرياضة[بدل | بدل لكود]
سان مارينو عندها غي دوري د لكورة وصافي .ماعندهاش حاجة وحداخرة، تا تشارك في السباقات د فورمولا وان ولكن السباق كيديروه في ڤيلاج طلياني قريب منها.
لعيون[بدل | بدل لكود]
|
تقدر تزيد شوف بزاف د صور و معلومات ديال San Marino ف ويكيميديا كومنز. |