زيڭموند فرويد
زيڭموند فرويد
| ||
.jpg) | ||
| معلومات عامة | ||
| زيادة | 6 ماي 1856 بريبور | |
| لموت | 23 شتنبر 1939 (83 عام) لونضون | |
| طريقة دلموت | موت رحيم | |
| سباب لموت | كونصير د لقرجوطة | |
| لجنسية | ألمانيا النازية (1938–) لوطريش (1918–) سيسليثانيا (–1918) الإمبراطورية النمساوية | |
| لحرفة | محلل نفسي، طبيب أعصاب و كاتب مقالات | |
| لّوغات لي كيعرف | لألمانية | |
| لفاميلة | ||
| لواليد | Pepe Freud | |
| لواليدة | Amalia Freud | |
| خوت | Alexander Freud، Anna Freud Bernays، Pauline Regine Freud، Adolfine Freud، Maria Freud، Regina Debora Freud و Julian Freud | |
| شريك | Martha Bernays (1886–1939) | |
| لولاد | آنا فرويد Oliver Freud Sophie Freud Martin Freud Ernst L. Freud Mathilde Freud | |
| لمحيط | إدورد بيرنيز (ولد الخوت) لوسيان فرويد (حفيد) | |
| معلومات خرى | ||
| دين | إلحاد | |
| لأعمال |
| |
| لجوايز |
| |
 | ||
       | ||
زيݣموند فرويْد[1] (مزيود ف 6 ماي 1856، توفى 23 شتنبر 1939) هوّ نيورولوݣ (عالم د لأعصاب) نمساوي و لمؤسس ديال لپسيكولوجيا التحليلية، لي هيّ طريقة كلينيكية ف التقييم و لمعالجة د لأمراض النفسية كاتعتامد على لمداكرة بين لمريض و الطبيب، زيادة على نضرية د لعقل و السولوك.[2]
لواليدين د فرويد كانو يهود من مملكة ݣاليسيا و لونضوميريا (جوايه پولونيا)، و تّولد ف فرايبيرݣ (دابا پريبور ف التشيك). خدا ديپلوم ف الطب من جامعة ڤيينا ف 1881، و ف 1902 خدا منصب ديال ؤستاد.[3] فرويد عاش و خدم ف ڤيينا لي حل فيها كلينيك ديالو ف 1886. ملي لالمان خداو لوطريش ف 1938، هرب فرويد من لحݣرة ديال النازيين، و توفى ف لمنفى ف لمملكة لمتحدة.
وخا التخدام ديال الطريقة ديالو دابا غادي و كينقص، لپسيكولوجيا التحليلية باقي عندها تأتير كبير ف لپسيكولوجيا، و لعولوم د بنادم بشكل عام.[4][5]
تزاد سيغموند شلومو فرويد فـ 6 مايو 1856 فواحد العائلة يهودية فبلدة "بريبور" (Příbor) اللي كانت تابعة للإمبراطورية النمساوية ديك الساعة (ودابا هي جزء من جمهورية التشيك). باباه جاكوب كان تاجر ديال الصوف، وتزاد فرويد فاش كان باباه فالعمر ديال 41 عام. فرويد كان هو اللول من بين 8 ديال الخوت، وخا العائلة كانت كتعاني من الفقر بسباب الأزمة الاقتصادية، والديه ضحاو بكلشي باش يوفروا ليه تعليم مزيان حيت كان باين عليه الذكاء من الصغر.
فـ 1865، دخل لواحد المدرسة معروفة فـ فيينا سميتها "كومونال ريل جيمنازيوم"، وكان ديما هو التلميذ المتفوق وتخرج بمرتبة الشرف فـ 1873. فالبداية كان باغي يقرأ القانون، ولكن فالتالي قرر يدخل لكلية الطب فـ جامعة فيينا باش يخدم مع البروفيسور كارل كلاوس.
فرويد كان تلميذ مجتهد لدرجة أن خوتو ما كانوش كيخليوهم يعزفوا الموسيقى فالدار باش ما يصدعوهش وهو كيقرا. دخل لـ "مدرسة الطب" فاش كان عندو 17 عام، ولكن تعطل فيها 8 سنين (العادي هو 4 سنين) حيت كان مهتم بحاجات خرين خارج الطب. فالحقيقة، ما كانش باغي يولي طبيب بالمعنى التقليدي، ولكن كان كيشوف فدراسة الطب طريق باش يولي باحث علمي.
كان كيحلم يولي عالم فالتشريح ونشر بزاف ديال البحوث فهاد المجال، ولكن فاش عرف باللي الترقي فالعلم غيكون صعيب بسباب الأصل العرقي ديالو (كيهودي)، وقرر يبدأ يخدم كطبيب أعصاب (Praticien) فـ 1881 باش يصور الفلوس.
- 1880: تعرف على الدكتور "جوزيف بروير"، اللي كان صديق ديالو وعاونو بزاف بالفلوس والنصائح. تأثر فرويد بطريقة بروير الجديدة فـ "تفريغ الهستيريا" اللي كتعتمد على التنويم المغناطيسي باش يخلي المرضى يتفكروا أحداث قديمة مكبوتة.
- 1881: خدا الدكتوراه وخدم فالمختبر ديال إرنست بروك.
- 1885: سافر لباريس بمنحة صغيرة باش يقرا فـ "جامعة سالبتريير" مع الطبيب الفرنسي المشهور جان مارتان شاركو. تما تعلم باللي الهستيريا هي اضطراب "نفسي" ماشي "عضوي"، وبدأ كيفكر باللي المشاكل الجنسية تقدر تكون هي السبب فبزاف ديال الاضطرابات النفسية.
- 1886: رجع لـ فيينا وبدا كيخدم كطبيب خاص، وبدأ كيحاول يقنع الزملاء ديالو بهاد النتائج الجديدة ولكن بزاف منهم عارضوه.
1889: سافر لفرنسا باش يطور التقنيات ديالو فالتنويم المغناطيسي، وتلاقى مع الأطباء "ليبولت" (Liebault) و"برنهايم" (Bernheim).
بداو بجوج كيدرسوا مرض الهستيريا، شنو الأسباب ديالو وكيفاش كيتعالج.
- 1893: نشرو بحث على العوامل النفسية اللي كتدير الهستيريا.
- 1895: نشرو كتابهم الشهير "دراسات في الهستيريا"، اللي كان نقطة تحول كبيرة فالتاريخ ديال علاج الأمراض العقلية، وحجر الأساس لنظرية التحليل النفسي. الكتاب هضر على أهمية الحياة العاطفية فـ "اللاشعور"، وقتارحوا باللي كبت الرغبات كيرجعها أعراض مرضية.
- 1896 - 1906: من بعد وقع خلاف بيناتهم؛ بروير كان كيشوف الهستيريا مجرد "حالة شبه تنويمية"، ولكن فرويد كان كيرجعها لصراع بين الرغبات. الخلاف كبر فاش أكد فرويد باللي "الغريزة الجنسية" هي السبب اللول للهستيريا، هادشي اللي خلى بروير والأطباء ديال داك الزمان يعارضوه ويقطعوا معاه العلاقة.
بقى فرويد خدام بوحدو لـ 10 سنين ضد المجتمع الطبي، حتى لـ 1902 فاش بداو أطباء شباب ومثقفين كيهتموا بنظرياتو.
فرويد لقى باللي التنويم المغناطيسي فيه عيوب، فابتكر طريقة "التداعي الحر" (Free association). كان كيطلب من المريض يخلي أفكارو تسرسل بوحدها بلا قيد، ويعاود أي حاجة طاحت ليه فالبال وخا تكون تافهة أو✗ محشومة. هاد الطريقة كشفات ليه باللي "النسيان" كيكون بسباب "المقاومة" ديال النفس لشي ذكريات مؤلمة، ومن هنا بنا نظرية "الكبت".
توصل فرويد باللي الكبت هو صراع بين رغبات متضادة. كاين صراع "عادي" فدائرة الشعور كيحلو بنادم بعقلو، وكاين صراع "مرضي" فين النفس كتكبت الرغبة فـ "اللاشعور". دور الطبيب هنا هو يجبد هاد الرغبات المخبية للشعور باش يواجهها المريض ويحلها، وهادشي هو اللي سماه "التحليل النفسي".
فـ 1933، سيطر الحزب النازي على ألمانيا وحرقوا كتب فرويد. فـ 1938، مورا ما دخلات ألمانيا للنمسا، تعرضات بنتو "آنا" للاعتقال من طرف "الغيستابو"، تما فهم فرويد باللي خاصو يهرب. بمساعدة أصدقاء بحال "إرنست جونز" والأميرة "ماري بونابرت"، قدر ياخد تأشيرة لبريطانيا. غادر فيينا فـ "قطار الشرق السريع" ووصل للندن فـ 6 يونيو 1938. للأسف، خواتاتو الربعة بقاو تما وماتوا فمعسكرات الاعتقال النازية.
مرحلة فاش كيكون الدري عندو بين 3 و6 سنين، كيبغي يستأثر بماما لراسو، وكيحس بالغيرة من باباه. فالتالي، الدري كيقلد باباه وكيمتص القوانين ديالو، وهادي هي الطريق باش كيخرج من "طور الطبيعة" لـ "طور الثقافة".
هو مخزن ديال التجارب والرغبات المكبوتة من الصغر. وخا مابانش، كياثر على السلوك ديالنا وكيخرج فـ "زلاّت اللسان" أو✗ الأحلام.
- الهو (Le Ça): هو الرغبات البدائية والغرائز اللي كتبغي الإشباع فوراً (مبدأ اللذة).
- الأنا الأعلى (Le Surmoi): هو الضمير والقيم اللي كنتعلموها من المجتمع (المثالية).
- الأنا (Le Moi): هو اللي كيدير التوازن بيناتهم وكيواجه الواقع بعقلانية.
فرويد كيوصف المكونات ديال الشخصية باللي هي "ديناميكية" (يعني كتحرك وكتاثر فبعضياتها). إلا كان هاد التحرك غادي فـ طريق مستقرة والتفاعل بيناتهم عادي، كيكون بنادم متوازن. ولكن فاش كيوقع صراع وقوة متبادلة بين هاد المكونات، هادشي هو اللي كيدي لـ "الاضطراب النفسي" على حساب النظرة ديال فرويد.
[attachment_0](attachment)
فـ عام 1886 تزوج مارتا برزنيز وولد معاها 6 ديال الدراري؛ تلاتة د الولاد وتلاتة د البنات. وحدة من بناتو، "آنا"، مشات فـ نفس الطريق ديالو ورجعات طبيبة نفسية مشهورة فـ لندن، وتخصصات فـ علاج الدراري الصغار.
مات فرويد بسباب مرض السرطان اللي حاول يخبيه بزاف ديال المرات ولكن ما قدرش. وفـ آخر عمرو، عانى بزاف من الندم والحسرة، وحاول ينهي حياتو كتر من مرة بسباب الحريق ديال المرض.
فرويد تعرض لبزاف ديال الانتقادات من طرف العلماء اللي جاو موراها. الدراسات الحديثة بينات باللي النظرة ديالو كانت "جامدة" بخصوص الجنس، حيت رجع ݣاع الاضطرابات لأسباب جنسية وفقط، وتجاهل الجانب الاجتماعي وتأثير المجتمع على الشخصية. ولكن وخا هاد الانتقادات، كيبقى فرويد هو صاحب الفضل الكبير فـ تطور علم النفس، وبزاف من القواعد اللي حط هي اللي خدامين بها الأطباء النفسيين حتى لدابا.
- ↑ "Freud". Random House Webster's Unabridged Dictionary. Archived from the original on 23 December 2014.
- ↑ Ford & Urban 1965, p. 109
- ↑ Gay 2006, pp. 136–37.
- ↑ Robert Michels (1999) and Tom Burns (2013). "Chapter 9, Psychoanalysis and Psychiatry: A Changing Relationship - Our Necessary Shadow: The Nature and Meaning of Psychiatry". pp. 96–97. Archived from the original on 6 June 2009.
For its efficacy and the influence of psychoanalysis on psychiatry and psychotherapy, see The Challenge to Psychoanalysis and Psychotherapy
{{cite web}}: CS1 maint: numeric names: authors list (link) - ↑ "In Memory of Sigmund Freud".
| عالمي | |
|---|---|
| وطني | |
| أكاديميا | |
| فنانين | |
| ناس | |
| غيرهم | |
