زون د شينڭين
بلدان ف لازون د شينڭين
بلدان داخلين پارديفو
أعضاء ف ليتيحاد لؤروپي ملزّمين قانونيا باش يدخلو ل شينڭين ف لموستقبال
لازون د شينڭين (ب نّݣليزية: Schengen Area) هيّا واحد لازون كاتشمل 27 دولة ؤروپية لي تّافقات بشكل رسمي باش تحيد لڤيزا و لكونطرول د لپاصپور على لحدود بيناتها. السمية د هاد لمنطقة جات من مدينة شينڭين ف لوكسومبورڭ فين تّسناو الجوج معاهدات د شينڭين ف 1985[1] و 1990. لعضو اللخر لي نضم ل لازون د شينڭين هيّا كرواتيا ف 1 يناير 2023.[2]
ماخاصش نخلطو مابين لازون شينڭين و ليتيحاد لؤروپي. هاد اللخر فيه تا هوّا 27 دولة عضو، ولاكين بعض الدولات ف شينڭين بحال سويسرا ماكاينينش ف ليتيحاد لؤروپي، و تا لعكس، بحال رومانيا و بلغاريا لي كاينين ف ليتيحاد لؤروپي، ولاكين ماداخلينش حالياً ف شينڭين.