زكير ضد لؤونتيبيوتيك
الزكير ضد لؤنتيبيوتيك (ب نݣليزية: Antimicrobial Resistance، ب لفرانساوية: Résistance aux Antibiotiques) و لي يقدر يتنقّب غير ب AMR كاتݣال فاش واحد طاسيلة ميكروبية كاتكبر واخا كاين واحد لقد طالع د لؤنتيبيوتيك، يعني ملّخر مابقا كايسوݣر ليها والو باقي. فاش لميكروب كايشد زكير لمعاملة معاه كاتولي صعيبة كتر منين كانت عليه قبل و كايبزز ضوازي طالعين ولا كايفرض ݣاع تبدال د لؤنتيبيوتيك بشي واحد أخور مجهد عليه و لّي ئقدر يكون سوا غالي سوا مسموم للدات ؤلا بجوج.
فاݣد بلّي سبايب د زكير لميكروبي هوما معدودين ولايني لمشهودين كتر بيها هوما تخدام لفايت قياسو د لؤونتيبيوتيك ولا تخدام لمرݣّع ديالهوم.
- ف ليسر لباكتيرية حساسة لݣاع لؤنتيبيوتيكات.
- ف ليمن لباكتيرية شدات زكير ضد ربعة من سبعة د لؤنتيبيوتيكات.
لقضية و مافيها هيا هاد لمسالة ولّات خالقة واحد لموشكيل مفلّس عند مالين لعرف ب ضومين ديال صحة لعمومية ف لعالام كاملو و حتا د لمغريب مازهقوش منها. هادشي لي خلّا لويزارة د صحة لمغريبية و لمكتب لوطني د سلامة صحية د منتجات لغذائية و بشراكة معا لمنضامة د صحة لعالامية باش تصاوب واحد لبلان ستراتيجي كايهم لوقاية و لكونطرول د زكير ؤ لمقصود ديالو هيا تنقاص من لخطورة د هاد ضاهرة.[1]
زكير لباكتيري يقدر يكون طبيعي، "زكير طبيعي" داخل ف لكروموزوم د لباكتيرية و كاين عند ݣاع الطواسل من نفس النوع بحال الزكير ديال شيريشية كولي ضد لݣليكوپيپتيد، بمعنى خور ماعمّر غاتكون شي شيريشية كولي كايفاري معاها لݣليكوپيپتيد. عاد كاين لباكتيرية اللي كادير لقوالب باش تفلت من لمفعول د لؤونتيبيوتيك ؤلا كاتجيبهوم من شي وحدة خرا و هاد لقوالب كادخلهوم ف لپلاسميد ديالها؛ "زكير مجيوب"، لمتال لباين هنايا هوا الستافيلوكوكوسة لمدهبة فاش كاتبدل ل PLP2 ل PLP2a صافي لميتيسيلين اللي هوا لؤونتيبيوتيك اللي مولف كايفاري معاها ماكايبقاش قاضي لغرض حيت ماكايعرفش باقي شناهوا هاد ل PLP2a و فاش كايكونو عندها هاد التناوي كاتصدق مسمية ب "ستافيلوكوكوسة مدهبة مزكرة معا لميتيسيلين" (ب لونݣلي Methicillin Resistant Staphylococcus Aureus) ؤ اللي كاتنقبّ "MRSA". عطالاه طرقان باش تفلت لباكتيرية من لمفعول د لؤونتيبيوتيك و هادشي علاش خاص يتخدم ل ؤنتيبيوݣرام.[ماواضحش]
- ↑ "Plan stratégique national de prévention et de contrôle de la résistance aux antimicrobiens" (PDF). who.int (ب الفرنسية). Archived (PDF) from the original on 2021-07-26. Retrieved 2021-07-26.
 هادي زريعة ديال مقالة خاصها تّوسع. تقدر تشارك ف لكتبة ديالها. |
 |
ويكيميديا كومنز عندا تصاور و معلومات على زكير ضد لؤونتيبيوتيك. |