ؤنتيبيوتيك

من ويكيپيديا
اذهب إلى التنقل اذهب إلى البحث

لونتيبيوتيك (من ليونانية؛ anti ومعنيتها ضد، و biôtikos: حاجة اللي كاتعلق بلحياة) هوما شي مادات شيمية، بيو ؤلا مصنوعة، واللي عندهوم واحد لفعلة على لميكرو-خلايق سيرتو لباكتيريات وماعندهوم والا فعلة ضد لفيروسات. فاش هاد لمادة كاتݣد تقتلوهوم و تهلكهوم، لونتيبيوتيك كايتسما باكتيرقتّال و ملّي هاد لمادة كاتحبس ولا كاتعكّل لمكاترة ديالهوم لونتيبيوتيك كايتسما باكتيرحبّاس.

كينات ديال شي ؤنتيبيوتيك

لونتيبيوتيكات اللوالا اللي تعزلو هوما لپينيسيلينات و هوما مادات بيو كاتنتجهوم واحد لخميرة من نوع ديال پينيسسيليوم. ومنبعد، لؤونتيبيوتيكات لخرين لبزاف منهوم نص-مصنوعين (يعني تعدال ديال شي پارتية من ݣزية بيو) ولا ݣاع كايتصاوبو من صنعة شيمية كاملة.[1]

تاريخ[بدل | بدل لكود]

ب لعكس د لي ضاير، لؤنتيبيوتيكات ماخرجوش غير بزهر من لابو ديال ليكصانضر فليمينݣ. ولايني كانو لحاصول ديال شلا تبقشيشات عيلمية معمقة لي مقصودها هوا تحيّد لمراضي التوسيخية وهاد التبقشيشات تݣعدو بلبيان فلقرن 20.

هادا شحال، شي توجيدات قدام كانو معروفين عند الشناوا و ليونانيين و اللي مصاوبين من شي شعريات كارمين نايض فيهوم لعفن تدارو باش يداويو الدبرات لي فيهوم توسيخة بلباكتيرية. فلقرن تسعطاش شي عولاما بحال پاستور قشعو ياد بلي كاينين شي ميكرو-خلايق قادرين باش يحبسو ميكرو-خلايق خرين ولا يحاربو شي مراضي.

حتال لمسالية دلقرن تعطاش كان الدوا ديال السيفيلس واقف على لملايح ديال زاواق حتا جا پول هيرليش و اللي لقا 1910 واحد دوا دقة بطلة سميتو "سالۋارسان"و اللي ولا هوّا الدوا لمرجيعي ضد النوّار حتال تبدال ديالو بل "پينيسيلين".

واحد لباكترايجي بريطاني ليكساندر فليمينݣ (1881–1955) كان داخل عادي من لعوطلة ديالو ف 1927 وهوا يقشع فلابو ديالو واحد اللف دشومپينيو (پينيسيليوم نوتاتوم) كبر غير بوحدو فواحد الزرع ديال الستافيلوكواكس و هاد شومپينيو ساير يبلوكي ليهوم مكاترتهوم، ليكساندر ماكانش عارف شنو هيا لمادة مولات هاد لفعلة ولايني خرج بواحد لخلاصة اللي هيا باللي هاد لپينيسيليوم كايتلق شي مادة اللي كاتحبس لمكاترة ديال ستافيلوكوكوسة. كانت هادي لواقيعة لفاعلة التاركة فالتاريخ ديال لؤنتيبيوتيكات اللي غادي يترجموها تلطاش لعام منبعد يعني ف 1940 جوج عولاما "هوارد فلوري" و "إيرنيست بوريس تشاين" ملي غايجبدو ديك لمادة -واخا بواحد لقد قليل- و اللي سماوها ب"لپينيسيلين" وغايجربوها على لپنوموكوكوسة عند لفار و اللي بصاح غاتصدق ليهوم.

ليكصانضر فليمينݣ، تصويرتو ف 1945م.

واخا النتايج ديال لپينيسيلين كانو باهرين ولايني كانت كاتخرّج بواحد لقد قليل بزاف و زيد عليه الضوروف دلحرب لعالامية التانية اللي كانو عكّالا كبار فلمناتجة ديال هاد لمادة لمزيانة، هوارد فلوري غايقلّع لميريكان تماك فاش غايلقا واحد لباكتيرية من نفس النوع ولايني مجهدة و كاتنتج ميتاين دلخطرات لپينيسين كتر من ديك اللولانية ديال فليمينݣ وهادي سميتها "پينيسيليوم كريزوجينوم". مورا هادشي لمنتاجة دلپينيسيلين غاتبدا فلّابوات لفارماسيانا لكبار و من بيناتهوم "فايزر". لپينيسيلين غايتخدم بزاف يامات لحرب و فلمداوية دلعساكريا لمجروحين.[2]

سر خدمتو[بدل | بدل لكود]

السر دلخدمة ديال لؤونتيبيوتيك هوا ئيبلوكي ؤ يحبس بمانيرة مختارة شي مرحالة ضرورية للعيشة دلباكتيرية ؤلا يسد لباب على لمكاترة ديالهوم بلا مايدير لمسايل ل بنايق ديال بنادم اللي كايتداوا. هادشي اللي غايخلي واحد تنواع كبير فلؤنتيبيوتيكات ولعدد لكبير ديالهوم اللي واصل ل عشرالاف ڭزية.

فاميلات رايجين[بدل | بدل لكود]

لؤونتيبيوتيكات اللي كايتخدمو بزاف فالضومين السبيطاري كايقدرو يتقسمو ل شلا فاميلات على حساب سر خدمتهوم، وكولا فاميلة عندها واحد ولا بزاف دلعلايف ولفاميلات اللي معروفين كتر هوما:[3]

- لؤنتيبيوتيكات اللي كايحبسو لمصاوبة دلحيط لباكتيري (كاينيشو على لپروتين لقباط دلپينيسيلين) :

•بيطا لاكطامين.

•فوصفوميسين.

•ڭليكوپيپتيد.

- لؤنتيبيوتيكات اللي كايحبسو لمناتجة دلپروتينات (كايزطمو على الريبوزوم لباكتيري):

•أمينوزيد.

•تيتراسيكلين.

•لفينيكولات.

•ماكروليد.

عيون لكلام[بدل | بدل لكود]