رشيدة الحراق
رشيدة الحراق
| ||
| ||
| معلومات عامة | ||
| زيادة | 1948 الرباط | |
| لموت | 15 أبريل 2022 (73/74 عام) | |
| لجنسية | لمغريب | |
| لحرفة | مومتيلة | |
| لّوغات لي كيعرف | الداريجة لمغريبية | |
رشيدة الحراق (مزيودة ف 1948، توفّات ف 15 أبريل 2022) ممثلة مغريبية ديال لمسرح و تّلفازة.[1] كانت من لمغاربا لّولين لي دخلو ل مجال لمسرح و دّراما ف تّلفازة و لإداعة، لي لعبو دور رايد ف تّطوير هاد لفن ف لمغريب.[2]
رشيدة لحراق تولدات ف رّباط ؤ بدات لكاريير ديالها مابين 1968 و 1969 ف لفرقة د لإداعة لوطنية، معا مومتيلين خرين و موخريجين و كتّاب بحال محمد أحمد البصري، عبد الرزاق حكم، العربي الدغمي، حمادي عمور، حبيبة المذكوري، محمد حسن الجندي و أمينة رشيد. بانت تامعلّميت ديالها ف مسلسل "الأزلية" لي داز ف رّاديو. موراها شاركات ف أول عامال تيليڤيزيوني ف فيلم "ذئاب لا تموت"، ؤ ف مسلسل "الشرع عطانا ربعة"، معا عزيز سعد الله و خديجة أسد و تورية جبران.
أسّسات لحراق فرقة "لمسرح ضّاحك" معا راجلها محمد أحمد لبصري، لي قدّمات عاداد د لمسراحيات بحال "نتا و زهرك"، "دموع إبليس" و "إصابة ف الشبكة". شاركات ف ملاحم فنية، ؤ لمئات د لأعمال على رّاديو، من بينها أعمال كتبها أحمد الطيب العلج. ف لمسلسلات د تّلفازة شاركات ف أعمال بحال "الطريق المجهول" و "بنات لالة منانة".[3]
توفّات ف رّباط ب مرض لكونصير ف أبريل 2022 و تدفنات ف مقبرة الشهداء.[2]
- نتا و زهرك
- دموع إبليس
- إصابة ف الشبكة
- الأزلية
- ذئاب لا تموت
- المفتش ماجي
- رياض المعطي
- أصدقاء الأمس
- أبو أمل
- حصاد الخطيئة
- الفرح الصغير
- سر الانتقام[4]
- الطريق المجهول
- بنات لالة منانة
- راضية
- علاش أ ولدي
- غضبة
- ^ "الفنانة المغربية رشيدة الحراق في ذمة الله". 15 أبريل 2022. مأرشيڤي من لأصل ف 2022-10-01. تطّالع عليه ب تاريخ 2022-10-01.
- ^ a b "وفاة الممثلة رشيدة الحراق عن 74 سنة". 15 أبريل 2022. مأرشيڤي من لأصل ف 2022-10-07. تطّالع عليه ب تاريخ 2022-10-01.
- ^ "الفنانة المغربية رشيدة الحراق ترقد في الإنعاش بسبب مرض السرطان". 13 أبريل 2022. مأرشيڤي من لأصل ف 2022-10-09. تطّالع عليه ب تاريخ 2022-10-01.
- ^ "الفنانة رشيدة الحراق في ذمة الله". 15 أبريل 2022. مأرشيڤي من لأصل ف 2022-10-01. تطّالع عليه ب تاريخ 2022-10-01.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |