ربيع لأبلق

من ويكيپيديا
ربيع لأبلق
ربيع لأبلق
معلومات عامة
زيادة 1987 (34/35 عام)
لجنسية لمغريب
لحرفة سياسي، صحافي و سجين سياسي
لّوغات لي كيعرف تاريفيت، الدارجة لمغريبية و لعربية


ربيع لأبلق (بالريفية: ⵔⴰⴱⵉⵄ ⴰⴱⵍⴰⵇ)، تولد ف 1987 ف لحسيمة، هو صحافي ناشط سياسي مغريبي، و واحد من ناس د لحراك د ريف، لي هو حراك كانت فيه حتيجاجات سلمية وتاطًالب بواحد لعدد د لمطالب قتيصادية وجتيماعية لمنطقة د لحسيمة. نهار 28 ماي 2017، تعتقال ربيع وتحكم عليه ب 5 سنين د لحبس.

تعرف ربيع لأبلق بلإضرابات ديالو على لماكلة، لي كانت أطول إضرابات على لماكلة ف تاريخ د لمغريب (فاتت ف لمجموع 284 يوم).[1]

حياتو[بدل | بدل لكود]

تولد ربيع لأبلق ف لحسيمة ف 1987 وكبر فيها. خدم مراسل صحافي ف لجريدة لإلكترونية د بديل (لي أسسها الصحافي لمهداوي)، وشارك ف لحراك د ريف ملًي بدا.

تعتاقل ربيع نهار 28 ماي 2017 ف مدينتو، وعلى حساب لمنضمة د لعفو دولية، كاين اشتباه بلي يكون تعذًب هو و65 معتاقل أخور د لحراك د ريف. تحكم على ربيع ب 5 سنين د لحبس باش يدوًزها ف لحبس د "طنجة 2".

من نهار تعتاقل ربيع وهو تيدير لإضرابات على لماكلة، على بزاف د لمطالب منها يتحسًن لوضع ديالهم ف لحبس، وتكون عدالة كتر ف تعامل معاهم.[2]

فـ29 يوليوز 2020، خرج ربيع من لحبس ب عفو مالاكي مورما دوز تقريبان تلت سنين ؤ هو مشدود.[3]

لإضرابات ديالو على لماكلة[بدل | بدل لكود]

دار ربيع لأبلق بزًاف د لإضرابات على لماكلة من نهار تعتاقل. منها:

  • 28 ماي 2017 - 18 ليوم
  • 26 يوليوز 2017 - 39 يوم[4]
  • 8 سبتمبر 2017 - 48 يوم (منها 8 إيام بلا ما)[5]
  • 9 نونمبر 2017 - 12 ليوم (منها 6 إيام بلا ما)
  • 29 يونيو 2018 - 42 يوم (منها 7 إيام بلا ما)[6]
  • 30 غشت 2018 - 6 إيام
  • 10 نونبر 2018 - 5 إيام (إضراب كامل على لماكلة ولما وسكار)
  • 27 نونبر 2018 - 9 إيام
  • 2 يناير 2019 - 10 إيام
  • 20 مارس 2019 - 46 يوم (منها 11 ليوم بلا ما)[7]
  • 6 شتنبر 2019 - 54 يوم

عيون لكلام[بدل | بدل لكود]

  1. ^ "ربيع الأبلق يواصل إضرابه بإصرار وشقيقه: حياته في خطر". ناظورسيتي (بلعربية).
  2. ^ "الأبلق وبوحدو يدعوان إلى مخاطبة المسؤولين لإنهاء معاناتهما بدل مطالبتهما بوقف الإضراب". ناظورسيتي (بلعربية).
  3. ^ "العاهل المغربي يصدر عفواً عن 1446 سجيناً بمناسبة عيد العرش". القدس العربي (بلعربية). 30 يوليوز 2020.
  4. ^ "حراك الريف بالمغرب.. ربيع الأبلق يوقف إضرابه عن الطعام". cnn.com (بلعربية). 3 غشت 2017.
  5. ^ محمود معروف (11 أكتوبر 2017). "تدهور الحالة الصحية للمعتقلين المغربيين محمد جلول ومحمد ربيع الأبلق ونقلهما إلى المستشفى". القدس العربي (بلعربية).
  6. ^ شيماء بخساس (28 يونيو 2018). "ربيع الأبلق مصر على الإضراب عن الطعام وشقيقه: "حياته في خطر"". alyaoum24.com (بلعربية).
  7. ^ المختار عماري (19 أبريل 2019). "AMDH تراسل الرميد لإنقاذ ربيع الأبلق". طيل كيل عربي (بلعربية).
Wikimedia Commons تقدر تزيد شوف بزاف د صور و معلومات ديال Rabie Ablak ف ويكيميديا كومنز.