حميد المهداوي

	حميد المهداوي
	معلومات عامة
زيادة	1 يناير 1979 (47 عام); خنيشات
لجنسية	لمغريب
لحرفة	صحافي و مدير د النشر
لّوغات لي كيعرف	عربية
سّيت رّسمي	https://www.hamidelmahdaouy.com

حميد المهداوي (تولد ف 1 يناير 1979 ف لخنيشات) هو صحافي مغريبي معروف ب لڤيديويات لي تيدير ف ليوتوب، وبلهضرة ديالو اللي تاتكون نيشان فلمواضيع اللي تيهضر عليها. المهداوي كان عندو سيت ديالو سميتو "بديل"، اللي تسد ف 2017.^[1]

المهداوي تعرف بواحد الستيل متميز من بين الصحفيين د الجورنالات الالكترونية سوا من الڤيديوهات الأسبوعية اللي عبارة على فتتاحيات، ولّا الحوارات اللي كان كايدير مع فاعلين سياسيين و حقوقيين من دارو.

حميد المهداوي كان من الصحافيين لقلال اللي غطاو حراك الريف بحيادية، وكان تيمشي بزاف للحسيمة باش يتبع لخبار. نهار 20 يوليوز 2017، قبل من واحد لمظاهرة د حراك الريف، قبطوه لبوليس، و تًحكم عليه ب 3 شهور د لحبس بتهمة "تحراش الناس باش يديرو مظاهرة، والغوات فمكان عمومي". هاد لحكم ديال تلت شهور بدلاتو لمحكمة مبعد لعام. من بعد، و بيدمان المهداوي فلحبس، تاهماتو محكمة خرة فالدر لبيضا بتهمة خرة هي بلي "ماعلمش الدولة بجريمة تاتمس لأمن"، هاد الجريمة هي واحد عيطلو من هولاندا (اللي أصلا قال باللي ماعيطلوش)^[2] و قالّو باللي باغي يدخل السلاح و الدبابات من روسيا للمغريب. مورا هاد التهمة تحكم عليه ب 3 سنين د لحبس.^[3]

من مورا ما تعتاقل المهداوي ومشا للحبس، دافعو عليه بزاف د لمنظمات و لهيئات، و طالبو باش يتطلق السراح ديالو، بحال منظمة مراسلون بلا حدود، هيومان رايتس ووتش و آمنيستي إنطرناشيونل.^[4]

ف صباح د 20 يوليوز 2020، خرج لمهداوي من لحبس د تيفلت 2 مورما دوز تلت سنين و هو مشدود.^[5]

مصادر

↑ "موقع بديل يعلن توقفه بعد ثلاثة أشهر من إعتقال الصحفي المهداوي". hakaik24.com (ب العربية). 22 أكتوبر 2017. Archived from the original on 2020-07-20. Retrieved 2020-09-07.
↑ "الريفي إبراهيم البوعزاتي المتهم بتوريط الصحفي حميد المهداوي في "إعلان الحرب على المغرب" في تصريح جديد". nadorcity.com (ب العربية). Archived from the original on 2020-07-20. Retrieved 2020-03-18.
↑ "الحكم على صحافي مغربي بالسجن ثلاث سنوات". alhurra.com (ب العربية). 29 يونيو 2018. Archived from the original on 2023-10-11. Retrieved 2020-09-07.
↑ سارة الطالبي (18 يوليوز 2018). "هيومن رايس: الحكم على المهداوي رسالة تخويف للصحافيين مفادها "قد نستخدم أي عذر لمحاكمتكم"". alyaoum24.com (ب العربية). Archived from the original on 2020-07-20. Retrieved 2020-03-18.
↑ "Libération du journaliste Hamid El Mahdaoui après trois ans de prison". لوديسك (ب الفرنسية). 20 يوليوز 2020. Archived from the original on 2021-09-18. Retrieved 2020-09-07.

ويكيميديا كومنز عندا تصاور و معلومات على حميد المهداوي.

[1] "موقع بديل يعلن توقفه بعد ثلاثة أشهر من إعتقال الصحفي المهداوي". hakaik24.com (ب العربية). 22 أكتوبر 2017. Archived from the original on 2020-07-20. Retrieved 2020-09-07.

[2] "الريفي إبراهيم البوعزاتي المتهم بتوريط الصحفي حميد المهداوي في "إعلان الحرب على المغرب" في تصريح جديد". nadorcity.com (ب العربية). Archived from the original on 2020-07-20. Retrieved 2020-03-18.

[3] "الحكم على صحافي مغربي بالسجن ثلاث سنوات". alhurra.com (ب العربية). 29 يونيو 2018. Archived from the original on 2023-10-11. Retrieved 2020-09-07.

[4] سارة الطالبي (18 يوليوز 2018). "هيومن رايس: الحكم على المهداوي رسالة تخويف للصحافيين مفادها "قد نستخدم أي عذر لمحاكمتكم"". alyaoum24.com (ب العربية). Archived from the original on 2020-07-20. Retrieved 2020-03-18.

[5] "Libération du journaliste Hamid El Mahdaoui après trois ans de prison". لوديسك (ب الفرنسية). 20 يوليوز 2020. Archived from the original on 2021-09-18. Retrieved 2020-09-07.

[1]

[2]

[3]

[4]

[5]