حميد المهداوي

من ويكيپيديا
اذهب إلى التنقل اذهب إلى البحث
حميد المهداوي
حميد المهداوي
معلومات عامة
زيادة 1 يناير 1979 (42 عام)
الخنيشات
لجنسية لمغريب
لحرفة صحفي



حميد المهداوي (تولد ف1 يناير 1979 ف لخنيشات) هو صحافي مغريبي معروف ب لفيديويات لي تيدير ف ليوتوب، وبلهضرة ديالو اللي تاتكون نيشان فلمواضيع اللي تيهضر عليها. المهداوي كان عندو سيت ديالو سميتو "بديل"، اللي تسد ف 2017.[1]

المهداوي تعرف بواحد الستيل متميز من بين الصحفيين دلجرائد الالكترونية سوا من الفيديوهات الاسبوعية اللي عبارة عن افتتاحيات ،او الحوارات اللي كان كايدير مع فاعلين سياسيين و حقوقيين من دارو.

حميد المهداوي كان من الصحافيين لقلال اللي غطُاو حراك الريف بحيادية، وكان تيمشي بزاف للحسيمة باش يتبع لخبار. نهار 20 يوليوز 2017، قبل من واحد لمظاهرة د حراك الريف، قبطوه لبوليس، واتًحكم عليه ب 3 شهور د لحبس بتهمة "تحراش الناس باش يديرو مظاهرة، والغوات فمكان عمومي". هاد لحكم ديال تلت شهور بدلاتو لمحكمة مبعد لعام. من بعد، وبيدمان المهداوي فلحبس، اتاهماتو محكمة خرا فالدر لبيضا بتهمة خرا هي أنه "ماعلمش الدولة بجريمة تاتمس لأمن"، هاد الجريمة هي واحد عيطلو من هولاندا (اللي أصلا قال باللي ماعيطلوش[2]) وقالو باللي باغي يدخًل السلاح والدبابات من روسيا للمغريب. مورا هاد التهمة تحكم عليه ب 3 سنين د لحبس.[3]

من مورا ما تعتاقل المهداوي ومشا للحبس، دافعو عليه بزاف د لمنظمات ولهيئات، وطالبو باش يتطلق السراح ديالو، بحال منظمة مراسلون بلا حدود، هيومان رايتس ووتش وآمنيستي إنطرناشيونل.[4]

ف صباح د 20 يوليوز 2020، خرج لمهداوي من لحبس د تيفلت 2 مورما دوز تلت سنين ؤ هو مشدود.[5]

عيون لكلام[بدل | بدل لكود]

  1. "موقع بديل يعلن توقفه بعد ثلاثة أشهر من إعتقال الصحفي المهداوي". hakaik24.com (بلعربية). 22 أكتوبر 2017.
  2. "الريفي إبراهيم البوعزاتي المتهم بتوريط الصحفي حميد المهداوي في "إعلان الحرب على المغرب" في تصريح جديد". nadorcity.com (بلعربية).
  3. "الحكم على صحافي مغربي بالسجن ثلاث سنوات". alhurra.com (بلعربية). 29 يونيو 2018.
  4. سارة الطالبي (18 يوليوز 2018). "هيومن رايس: الحكم على المهداوي رسالة تخويف للصحافيين مفادها "قد نستخدم أي عذر لمحاكمتكم"". alyaoum24.com (بلعربية).
  5. "Libération du journaliste Hamid El Mahdaoui après trois ans de prison - Le Desk". ledesk.ma (بلفرانساوية). 20 يوليوز 2020.
Wikimedia Commons تقدر تزيد شوف بزاف د صور و معلومات ديال Hamid El Mahdaoui ف ويكيميديا كومنز.