ديمقراطية لإلكترونية تّعاونية

من ويكيپيديا
اذهب إلى التنقل اذهب إلى البحث
ݣاع لمواطنين يمكن ليهم يشاركو ف لعملية ديمقراطية لإلكترونية تعاونية. إما بطريقة غير مباشرة عن طريق واحد لممتل عليهم، أولا بطريقة مباشرة، لي فيها لمواطن هو لي كيصوت براسو.

ديمقراطية لإلكترونية تعاونية هي واحد لكونصيپط لي كيجمع بين ديمقراطية لمباشرة، ديمقراطية تمتيلية، و ديمقراطية لإلكترونية (يعني فاش كاتستعمل تكنلوجيا ف لعملية ديمقراطية).

ديمقراطية لإلكترونية تعاونية هي واحد سيستيم ف سياسة، لي تايخلي لمسؤولين سياسيين ديال لحكومة، بحال لووزارا، لبرلمانيين، و لأحزاب، من جهة، و لمنضمات لغير حكومية من جهة خرا، يتعاونو ف طريقة ديال تطوير لقوانين و تشريعات. هاد لعملية كاتكون ف واحد سيت حكومي ديال تواصل لإجتماعي، لي ݣاع لمواطنين أعضاء فيه.

واخا لممتلين ديال شعب هوما لي كايديرو تقريبا ݣاع لخدمة لي متعلقة ب لقوانين وتشريعات (ديمقراطية تمتيلية)، ولكن راه لمواطنين هوما لي ب يدهم لقرار لخّر (ديمقراطية مباشرة). ب لإضافة لأن أي مواطن يقدر يقتارح قوانين جديدة.