دونكي كونݣ (سلسلة د ألعاب)
دونكي كونݣ (نّݣليزية: Donkey Kong) هي سلسلة د ألعاب ڤيديو ديال نينتاندو فيها لمغامرات ديال لپيرسوناج دونكي كونݣ، اللي هو كرياسون ديال شيݣيرو مياموتو. لألعاب ف هاد السلسلة كتكون على شكل پلاتفورم، بحق كاين تا لألعاب د لپازل، الرايسين و لإديكاسيون. اللعبة اللولة فيها خرجات ف 1981.[1] ف 1994، الشركة لبريطانية رايروار عدلت اللعبة دونكي كونݣ كونتري (Donkey Kong Country) و من بعد بدات سلسلة جديدة ديال ألعاب لپلاتفورم ب نفس لإسم.
دونكي كونݣ كان ف اللعبة اللولة ف 1981 فحال لأنتاݣونيست، و لپيرسوناج ديال اللعّاب كان سميتو دجامپمان (Jumpman)، دابا ماريو، اللي خاصو يصوڤي صاحبو، پولين (Pauline). دونكي كونݣ جونيور كان لبطل ديال اللعبة الثانية ف 1982، فين كان خاصو يصوڤي باباه، من دجامپمان ، دابا لأنتاݣونيست. من لألعاب ديال راير تال دابا، كرانكي كونݣ هو دونكي كونݣ اللول، جد ديال دونكي كونݣ الجديد. ف ألعاب دونكي كونݣ كونتري كاين تا ديدي كونݣ (Diddy Kong)، ديكسي كونݣ (Dixie Kong)، فونكي كونݣ (Funky Kong)، و بزاف ديال الشخصيات لاخرين. كاين تا بزاف ديال لأنتاݣونيستات، فحال لكرَملينݣس (Kremlings)، مجموعة د التماسيح، و الرئيس ديالوم الي هو سميتو لملك ك. رُول (King K. Rool)، بحق كاين تا التيكي تاك ترايب (Tiki Tak Tribe)، ف لعبة دونكي كونݣ كونتري ريتورنس (2010)، و لمجموعة ديال لڤايكينݣس سميتهم السنَومادس (Snowmads)، ف لعبة دونكي كونݣ كونتري: تروپيكال فريز (2014).
| لإسم | لإسم ب لينݣليزيا | لعام |
|---|---|---|
| دونكي كونݣ | Donkey Kong | 1981 |
| دونكي كونݣ جونيور | .Donkey Kong Jr | 1982 |
| دونكي كونݣ 3 | Donkey Kong 3 | 1983 |
| دونكي كونݣ (ݣايم بوي) | Donkey Kong (Game Boy) | 1994 |
| دونكي كونݣ كونتري | Donkey Kong Country | |
| دونكي كونݣ كونتري 2:
ديديس كونݣ كويست |
Donkey Kong Country 2: Diddy's
Kong Quest |
1995 |
| دونكي كونݣ كونتري 3:
ديكسي كونݣس دابل ترابل |
Donkey Kong Country 3: Dixie
!Kong's Double Trouble |
1996 |
| دونكي كونݣ 64 | Donkey Kong 64 | 1999 |
| دونكي كونݣ جانݣل بِيت | Donkey Kong Jungle Beat | 2004 |
| د.ك.: كينݣ أوف سوينݣ | DK: King of Swing | 2005 |
| د.ك.: جانݣل كلايمبار | DK: Jungle Climber | 2007 |
| دونكي كونݣ باريل بلاست | Donkey Kong Barrel Blast | |
| دونكي كونݣ كونتري ريتورنس | Donkey Kong Country Returns | 2010 |
| دونكي كونݣ كونتري:
تروبيكال فريز |
Donkey Kong Country: Tropical
Freeze |
2014 |
| دونكي كونݣ بانانزا | Donkey Kong Bananza | 2025 |
- ↑ ""The Ultimate History of Video Games: Volume Two: from Pong to Pokemon and beyond...the story behind the craze that touched our li ves and changed the world"". مأرشيڤي من لأصل ف 2023-05-24. تطّالع عليه ب تاريخ 2020-09-18.
 |
ويكيميديا كومنز عندا تصاور و معلومات على دونكي كونݣ (سلسلة د ألعاب). |