أونو
أونو هيا لعبة د لكارطات مشهورة ف لعالم كايلعبوها جوج د ناس و لا كتر. أونو (UNO) الأصل ديالها من لميريكان و لكن كلمة أونو كاتعني "واحد" بلوغة صبليونية و طاليانية.[1]
شركة ماتيل هيا لي تاتصوب لكارطات د لأونو بدات فعام 1992. و لقوانين د للعبة ماصعيباش دغيا كايتعلمو ليها ناس.
لكارطات[بدل | بدل لكود]
- من 0 تال 9
- ݣاع لكارطات معاودين جوج دلمرات من غير 0
- هز 2
- هز 4 و نبدل لون لي بغيت
- نبدل لون
- قلب ضورا
- وقف
ألوان[بدل | بدل لكود]
لخضر، لحمر، صّفر، زّرق
هز 2[بدل | بدل لكود]
إلا لاح لاعب كارطا د "هز 2" كايهز لي نوبتو جايا 2 كارطات ولكن إلا كان تا لي نوبتو جايا عندو كارطا "هز 2" كايقدر يحطها و غايهز لي نوبتو جايا 4 د لكارطات و كاتبقا غاديا هاكا.
هز 4 (و نبدل لون)[بدل | بدل لكود]
إلا لاح لاعب كارطا د "هز 4" كايهز لي نوبتو جايا 4 لكارطات ولكن إلا كان تا لي نوبتو جايا عندو "هز 4" كايقدر يحطها و يبدل لون و غايهز لي نوبتو جايا 8 و كاتبقا غاديا هاكا.
يمكن تحط كارطا "هز 4" فوق من كارطا "هز 2" و يعتق لاعب راسو و لكن مايمكنش تحط كارطا "هز 2" فوق من "هز 4" حيتاش 4 صحح من 2.
بدل لون[بدل | بدل لكود]
كايحط لاعب لكارطا "بدل لون" و يبدل ل لّون لي بغا.
قلب ضور[بدل | بدل لكود]
إلا حط لاعب لكارطا قلب ضورا ( كايكونو جوج حالات).
إلا كانو كتر من جوج د لعابا و كان نوبا لي جايا من ليمن كاتقلب و كاتولي من ليسر (يعني لي حط لكارطا قبل من تحط لكارطا قلب ضورا) و هيا غاديا بحال هاكا.
إلا كانو غي جوج لعابا و حط لاعب لكارطا د قلب ضورا كايعاود يلعب حيتاش كاترجع لي نوبا.
وقف[بدل | بدل لكود]
إلا حط لاعب كارطا وقف خاص لي نوبتو جايا يوقف و ما يدير والو و ماعندوش لحق يحط فوق من كارطا وقف ب كارطة وقف آخرا ( يعني كايتبنج أنهو يدير آيا حاجة) و حتى الا كانو غي جوج لعابا كايوقف و كايعاود يلعب لي حط كارطا وقف.
طريقة كفاش كاتلعب[بدل | بدل لكود]
كايفرقو لݣاع لعابا 7 د لكارطات و كاتحط ف وسط لقاعة كارطا وحدا و باينا للعابة و خاص يتحط نفس لون ؤ لا نفس رقم د لكارطا وإلا مالقا مايحط كايهز كارطا وحدا من كارطات دسوكور و يقدر يحطها الا كانت مناسبة و خاص تقول أونو قبل ماتحط لكارطا قبل لخرا و إلا حصلوك أنك حطيتي لكارطا قبل لخرا بلا ماتقول أونو كاتهز بزز 2 كارطات و الا بغيتي تربح خاص تخوي لكارطات كاملين من إيديك نتا لول .
عيون لكلام[بدل | بدل لكود]
|
تقدر تزيد شوف بزاف د تّصاور و لمعلومات ديال UNO ف ويكيميديا كومنز. |
- ^ "UNO | BoardGameGeek". web.archive.org. 2009-02-09. مأرشيڤي من لأصل ف 9 فبراير 2009. تطّالع عليه ب تاريخ 2022-08-13.
 هادي زريعة ديال مقالة خاصها تّوسع. تقدر تشارك ف لكتبة ديالها. |