دوريس ليسينݣ
دوريس ماي ليسينݣ Doris May Lessing (خلاقت ف 22 أكتوبر 1919 ف قرمانشه ف إيران و توفات ف 17 نونبر 2013 ف لندن) كاتيبة روائية نݣليزية كانت ربحات جايزة نوبل د لأداب ف 2007، و لّي خلداتها، على حساب هدرة أكاديمية نوبل، ب صّفة ديال "راوية ملحمية ديال لحياة د نّسا لّي عندها روح نقدية و شوفة د لموستقبال على كيفاش لحضارة ديال ليوم مقسومة".
دوريس واليديها بجوج نݣليزيين و خلاقت ف إيران ب سباب لخدمة د باها، ف سن صغيرة تحولو ل روديزيا (زيمبابوي ديال دابا) و تما دوزات صغرها و داكشي لّي كايفسر علاش لموضوع د لعونصورية كان حاضر بزاف ف لكتابة ديالها. دوريس مشات أول مرة ل نݣليز حتال فاش دارت 31 عام.
دوريس ليسينݣ تشهرات ب رّواية لّولة ديالها "لعشب كيغني" (The Grass is singing) لّي نشراتها ف 1950 و لّي كان لموضوع ديالها لعنصرية.
دوريس ليسينݣ كانت مرا أديبة و مناضلة ماركسية و كانت كاتعارض ليستيعمار و سّياسة لميز لعونصوري (لأپارطايد).[1]
|
تقدر تزيد شوف بزاف د تّصاور و لمعلومات ديال Doris Lessing ف ويكيميديا كومنز. |
عيون لكلام[بدل | بدل لكود]
 هادي زريعة ديال مقالة خاصها تّوسع. تقدر تشارك ف لكتبة ديالها. |