دجون ميينارد كيينز
دجون ميينارد كيينز
| ||
 | ||
| معلومات عامة | ||
| زيادة | 5 يونيو 1883 كامبريدج | |
| لموت | 21 أبريل 1946 (62 عام) فيرل | |
| طريقة دلموت | موتة طبيعية | |
| سباب لموت | نوبة قلبية | |
| لجنسية | لمملكة لمتاحدة لمملكة لمتاحدة د بريطانيا لكبيرة و إيرلاندا (–1927) | |
| لحرفة | إيكونوميست، ماطيماتيسيان، سياسي، فيلسوف، ؤستاد جاميعي، ديپلوماسي، كاتب لاتعاويدي، بيزنيسمان و مؤليف | |
| لّوغات لي كيعرف | نڭليزية | |
| لفاميلة | ||
| لواليد | جون نيفيل كينز | |
| لواليدة | Florence Ada Keynes | |
| خوت | مارغريت هيل (مصلحة اجتماعية) و Geoffrey Keynes | |
| شريك | ليديا لوبوكوفا (1921, 1921–1946) | |
| معلومات خرى | ||
| لحيزب | الحزب الليبرالي | |
| لأعمال | ||
| لجوايز | ||
 | ||
   | ||
دجون مييْنارد كييْنز (مزيود ف 5 يونيو 1883، توفى ف 21 أبريل 1946) إكونوميست و فيلسوف نڭليزي، لي لأفكار ديالو بدّلات النضرية و لممارسات ديال لماكروإكونومي و السياسات لقتيصادية د لحوكومات من الجدر. كيينز ف لأصل كان ماطيماتيسيان، و خدم ف لبدية على الدورات د لبيزنيس business cycles.[1] كيتّعتابر كيينز من أكتر لحرايفيا د ليكونومي لي عندهوم تأتير ف لقرن 20،[2][2][1] و لمجموع د لأعمال ديالو كاتمتّل النضرية د ليكونومي لي كاتسمى "إكونومي د كيينز" Keynesian economics و التفرعات ديالها.[3] كيتّعتابر كيينز هوّ "لأب ديال لماكروإكونومي"، و لأفكار ديالو هوما الساس ديال هاد لمجال لفرعي د ليكونومي.[4]
ف لوقت د لكساد لكبير ف التلاتينات د لقرن 20، كيينز كان على راس تورة ف ليكونومي، ملي تحدّى لأفكار لقديمة ديال النضريات لكلاسيكية لي كيڭولو بلي السوق لحرة على لمدى لقصير و لمتوسط ديما كاتوفّر لمناصب د لخدمة، طالمّا لخدّاما ماكيتشرّطوش ف الصالير. على حساب كيينز، الطلب لإجمالي aggregate demand كيحدد النيڤو لعام ديال النشاط لإقتصادي، و بسبابو يقدر الشوماج يبقى منتاشر ل مدة طويلة يلا كان الطلب لإجمالي ناقص، حيت الصالير و لخلصة و لمصاريف د لخدّاما كيتّعتابرو جوامد ف النزول rigid downwards (يعني بلي لخدّاما بشكل عام ماكيقبلوش باش مول الشي ينقص ليهوم ف لخلصة)، و هادشي كيخلي لمناصب د لخدمة مايبانوش بزّربة من مور شي أزمة.[5] كيينز دعا لحوكومات ل تطبيق سياسات د لفينونص و لفلوس، ل تقليل التوابع ديال لفترات د الركود و لكساد، و شرح هادشي ف أهم عامال ديالو لي هوّ النضرية لعامة ديال لخدمة، لفايدة و لفلوس لي تّنشر ف 1936. ف اللخر د التلاتينات كانو لإقتصادات لغربيين لكبار كيطبّقو لأفكار ديالو. 20 عام مور ما مات كيينز كانو جميع لإقتصادات الراسماليين بداو كيطبقو النصايح ديالو.
ف السبعينات، كان التأتير ديالو بدا كيضعاف، جزئيا بسباب لإنتقادات ديال ميلطون فريدمان و فلوسيين خرين.[6] لأفكار ديالو رجعو ل لواجهة من مور لأزمة لقتيصادية د 2007 و 2008، و تطبقو من عند الرايس د ميريكان باراك ؤباما، و لوزير اللول د بريطانيا ڭوردن براون و رؤاسا خرين د لحوكومات.[7]
ف 1999، عتابراتو مجلة تايم من أهم الشخصيات ديال لقرن 20.[8] ذ إكونوميست عتابراتو أهم إكونوميست بريطاني ف لقرن 20.[9] كييز كان شد منصب ديال مدير لبانكة د النڭليز، و كان عضو ف لڭروپ د بلومزبيري ديال لموتقّافين.[10]
- 1 2 Yergin & Stanislaw 2002, pp. 39–42.
- 1 2 Sloman, John (22 أكتوبر 2008). "How to kick-start a faltering economy the Keynes way". BBC. Archived from the original on 4 أبريل 2009. Retrieved 13 نونبر 2008.
- ↑ Skidelsky, Robert (26 أكتوبر 2010). Keynes: The Return of the Master. Cambridge: Public affairs. ISBN 978-1-58648-897-0.
- ↑ Wolf, Martin (23 دجنبر 2008). "Keynes offers us the best way to think about the financial crisis". Financial Times.
- ↑ "The General Theory of Employment, Interest, and Money" (PDF). Archived from the original (PDF) on 26 نونبر 2019. Retrieved 7 ماي 2021.
- ↑ Krugman, Paul (1995). Peddling Prosperity: Economic Sense and Nonsense in the Age of Diminished Expectations. W.W. Norton. p. 43. ISBN 978-0-393-31292-8.
In 1968 in one of the decisive intellectual achievements of postwar economics, Friedman not only showed why the apparent tradeoff embodied in the idea of the Phillips curve was wrong; he also predicted the emergence of combined inflation and high unemployment ... dubbed 'stagflation.
- ↑ Chris Giles; Ralph Atkins; Krishna Guha. "The undeniable shift to Keynes". Financial Times. Archived from the original on 20 أكتوبر 2020. Retrieved 23 يناير 2009.
- ↑ Reich, Robert (29 مارس 1999). "The Time 100: John Maynard Keynes". Time. Archived from the original on 24 ماي 2021. Retrieved 18 يونيو 2009.
- ↑ "The IMF in Britain: Toothless truth tellers". The Economist. 11 ماي 2013. Archived from the original on 18 أبريل 2021. Retrieved 2 أكتوبر 2013.
- ↑ "Maynard Keynes". The Bloomsbury Group. 22 غشت 2007. Archived from the original on 30 أبريل 2021. Retrieved 26 ماي 2012.
| عالمي | |
|---|---|
| وطني | |
| أكاديميا | |
| ناس | |
| غيرهم | |
