دبان إليكطروني
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
الدبان الإليكطروني ؤلا البوتات الجتيماعية (النݣليزية: Social Bot؛ لعربية: ذباب إلكتروني) هي بوتات لي كاتتفاعل بطريقة ؤطوماتيكية ف السيتات د ليعلام الجتيماعي. الميسّاجات (مثلا، التويتات) للي كاتوزعهم كايكونو ف الغالب ما معقداش ؤ كايتصرفو غالبا كا قطيع جماعي و ف بعض التحقيقات (Configs) ديالهم كايكونو مسيّرين جزئيا من طرف بنادم (هيبريد). الدبان الإليكطروني يقد يستعمل خواريزميات د الداكا الصطيناعي باش يعبّر ب طرقية قريبة بزاف للكلام الطبيعي د لباشار.
أصل د السمية[بدل | بدل لكود]
عبارة دبّان إليكطروني هي تدريج ل لعبارة (لعربية: ذباب إلكتروني) للي منتاشرة ف الإعلام العربي ب معنى البوتات الجتيماعية للي كاتخدّمهم الأنظمة العربية باش تدير لحرب السيبيرانية على بعضياتها.
التاريخ[بدل | بدل لكود]
الدبان ليليكتروني، من غير أن عندو القدرة باش يعاود يخدّم الميساجات ب طريقة ؤطوماتيكية، كايتشارك عاوتاني مع البوتات د السپام ف بزاف د لمعالم متعلقة بالقدرة ديالهم باش يأنفيلطريو جماعات كبار د الخدايميا (users).
البوتات د تويتر هو أبرز مثال، ولكن المقابلات ديالهم ف فايسبوك تلاحضو حتى هوما. حاليا، البوتات عندها مقدرة تجينيري ؤلا تئيكيپي راسها ب شخصيات د لانطيرنيط لي مقنعة ؤ تقد تأثر على الراي د الناس لحقيقيين.
تخدام[بدل | بدل لكود]
الدبان ليليكتروني كايتخدم ل بزّاف د لغراض، من بينها:
- باش تأنفليونصي القرارات د الناس، بحال: ليشهار ل شي منتوج، تدعم شي حملة سياسية، تنفخ السطاطيستيك د التفاعل ل الصفحات د ليعلام جّتيماعي، ؤ زيد ؤ زيد.
- توفر عومالا د السربيس د لكليان لي يكون رخيص ب غاراض يجاوب على الاسئلة د الخدايمية.
- تجاوب على لأسئلة لي كاتعاود بزاف ب طاريقة طوماتيك.
لوتز فينݣر كايئيدونتيفي مجموعة د لإستيعمالات ل الدبان ليليكتروني:[1]
- تعزز الشهرة: فاش كايكون عندك واحد لعاداد د الدبان ليليكتروني مخشي (مخبي) بين المتابعين ممكن يعاونو باش يستيميليو النجاح الرقمي.
- التعطاش-د-لانفلييونص: (النݣليزية: influence-for-hire) هو واحد لقتيصاد عاد بان ديال البيع ؤ الشرا د لانفلييونص ف ليعلام جّتيماعي.
- السپّام: البوتات للي كاتدير ليشهار ف الشاط كاتشبه ل السپّام ب ليميل غير هي مباشرة كثر.
- التحيز د القطيع: (النݣليزية: Social Influence Bias) للي كايخلي الخدايمية يؤمپليفيو التقييم ليجابي ؤ يكومپونصيو كثر من لقياس على التقييم السلبي.
- الصابوطاج: تدير أفعال للي تتعمد بيهم تأدي الخصم بحال تنتاحل الصيفة ديالو باش تشوه السمعة ديالو.
- التحيز د الراي لعام: تأنفليونصي التراندات ب عرّام د الميسّاجات للي لكونطوني ديالها متشابه ولكن لوسلوب د الكتابة ديالها مختالف
- التشويش: تغمق على حرية التعبير على طريق أنك تغرقها ف عرام د السپام للي مؤطوماتيزي.
- الفيشين: تسكامي الناس ب لهنداسة جّتيماعية باش تطير ليهوم المودپاسات ديالهم.
عيون لكلام[بدل | بدل لكود]
- ^ Lutz Finger (Feb 17, 2015). "Do Evil - The Business Of Social Media Bots". forbes.com. مأرشيڤي من لأصل ف August 28, 2023. تطّالع عليه ب تاريخ November 4, 2022.