خالد ݣدار

من ويكيپيديا
خالد ݣدار
معلومات عامة
زيادة 9 مارس 1975 (49 عام)
الرباط
لجنسية لمغريب
لحرفة صحافي، رسام هزلي و مناضل
معلومات خرى
لأعمال
Facebook: khalid.gueddar1 Twitter: gueddar Instagram: khalidgueddar Modifica els identificadors a Wikidata


خالد ݣدار (مزيود ف 9 مارس 1975 ف رّباط) صحافي ؤ رسّام كاريكاتوري مغريبي.

لحياة ؤ لكاريير[بدل | بدل لكود]

خالد ݣدار قرا لقتيصاد ف جامعة محمد لخامس ف رّباط، ؤ موراها تازواقت ف جامعة پاري 8. بدا لكاريير ديالو كا رسّام كاريكاتوري ف 1998 ف دومان ماݣازين لي تسدّات ف 2003 ب سباب كاريكاتورات كان نشرهوم على لماليك محمد سّادس، ؤ ديك سّاعة غادر لمغريب ؤ ستاقر ف فرانسا. تماك شارك ف تأسيس سّيت ديال تّريݣيل بقشيش.كوم. ف 2009 رجع ل لمغريب، ؤ خدم ف المساء ؤ أخبار اليوم.[1]

كان مودير د تّحرير ديال مجلة بابوبي لإليكطرونية لي كانت كاتصدر ب دّاريجة،[2] ؤ لي من بعد ولّات كاتّطبع ف لوراق،[3] ؤ تنشرو لأعمال ديالو ف مجموعة د لمجلات ؤ جّورنالات لمغريبية ؤ لعالمية. من بين دّوريات لي كان خدم معاها كاين أخبار اليوم[4]، هيسپريس، دومان ماݣازين، كوريي أنطيرناسيونال، لوموند ؤ غيرهوم.[5]

لمواجهة معا لقانون[بدل | بدل لكود]

خالد ݣدار عندو توجه حقوقي، ؤ كيحاول يدافع على لحرية د تّعبير ب لكاريكاتور، ؤ ماكيأمنش ب "لخطوط لحمرا" سوا تعلق لأمر ب طّابوّات سّياسية ؤلا دّينية.[3]

من 2000 تال 2016 تعرّض ل 4 د لمتابعات لقضائية ف لمغريب.[6] ف 2009 تّحكم عليه هوّا ؤ توفيق بوعشرين ب 4 سنين د لحبس معا وقف تّنفيد ؤ 50.000 درهم غرامة ل كل واحد فيهوم، ب تهمة ديال لمس ب لعائلة لملكية ؤ إهانة رّاية، ب سباب كاريكاتور صوّر فيه جّواج ديال لأمير مولاي سماعيل بن عبد الله.[7] ف 3 يوليوز 2015، تّحكم عليه ب تلت شهور د لحبس ف قضية د سّكرة ف مكان عام كاترجع ل 2012.[8]

جوايز[بدل | بدل لكود]

ف 2010 خدا لجايزة لعالمية ديال حرية د تّعبير ف سپانيا.[1] ف 8 أكتوبر 2016، حصل ݣدّار على "جايزة ليمور ڤاش" Prix de l'humour vache ف فرانسا.[9]

عيون لكلام[بدل | بدل لكود]

  1. ^ a b "Khalid Gueddar" (ب نڭليزية). مأرشيڤي من لأصل ف 2022-01-20. تطّالع عليه ب تاريخ 2022-01-20.
  2. ^ "بابوبي، مدير النشر: خالد ݣدار". مأرشيڤي من لأصل ف 10 دجنبر 2017.
  3. ^ a b "خالد كدار يطلق مشروعه الإعلامي الساخر " بابوبي"" (ب لعربية). 13 ماي 2016. مأرشيڤي من لأصل ف 2022-06-30. تطّالع عليه ب تاريخ 2022-01-20.
  4. ^ "خالد كدار يكشف لموقع زنقة 20 كيف تخلص منه 'بوعشرين' ورفض الرد على مكالماته وطلب تفسير الإستغناء عنه" (ب لعربية). 16 أبريل 2015. مأرشيڤي من لأصل ف 2023-03-24. تطّالع عليه ب تاريخ 2022-01-20.
  5. ^ "Khalid Gueddar" (ب نڭليزية). مأرشيڤي من لأصل ف 2022-01-20. تطّالع عليه ب تاريخ 2022-01-20.
  6. ^ ""بابوبي"... الجريدة الساخرة الأولى في المغرب" (ب لعربية). 11 ماي 2016. مأرشيڤي من لأصل ف 2022-01-20. تطّالع عليه ب تاريخ 2022-01-20.
  7. ^ "Prison avec sursis pour Khalid Gueddar et Taoufik Bouachrine" (ب لفرانساوية). 1 نونبر 2009. مأرشيڤي من لأصل ف 2022-01-20. تطّالع عليه ب تاريخ 2022-01-20.
  8. ^ "استئنافية القنيطرة تقضي بحبس خالد كدّار". 4 يوليوز 2015. مأرشيڤي من لأصل ف 2022-01-20. تطّالع عليه ب تاريخ 2022-01-20.
  9. ^ "Caricature: "Prix de l'humour vache" à l'Israélien Kichka et au Marocain Gueddar" (ب لفرانساوية). 10 أكتوبر 2016.
هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.