حليمة مبارك ورزازي
حليمة مبارك ورزازي
| ||
| معلومات عامة | ||
| زيادة | 17 أبريل 1933 (92 عام) الدار البيضا | |
| لجنسية | لمغريب | |
| لحرفة | ديپلوماسية و ناشطة حقوقية | |
| لّوغات لي كيعرف | عربية و لوغات أمازيغية | |
| لجوايز |
| |
حليمة مبارك ورزازي، تولدات فـ17 أبريل 1933 ف دارلبيضا، هي ديپلوماسية ؤمناضلة د حقوق لإنسان مغريبية.
ملي كانت عندها 14 لعام، صافطها باها لي كان راجل أعمال لمصر باش تقرا ف واحد لمدراسة فرانصاوية ف لقاهرة. عشر سنين من بعد، فـ1957 تخرجات ب باشلور ف لأداب من جامعة لقاهرة، ؤ سفير لمغريب ف مصر لي كان هو عبدلخالق طوريس دار حفلة باش يحتافلو ب تخرج ديالها.[1]
ملي رجعات ل لمغريب، دفعات بتخبية باش تخدم ف وزارة لخارجية حيت باها كان باغيها تخدم معاه، تقبلات ؤ ولات كاتيبة رابعة ف لقيسم لي خدامة فيه. ديك ساعة يالاه 3 ديال لعيالات لي كانو خدامين ف لوزارة، ؤ كانو كيشوفوهم بحال متطفلات. بهاد لعقلية سماو على حليمة "بنت باها"، حيت جاتهم فشكل شي وحدة من طبقة مرفحة حتا هي تكون كاتخدم.[1]
فـ1959، دارت كسيدة لي مات فيها خطيبها، عبدالرحمان أنݣاي، لي كان مدير ديوان لملكي ؤ كان غادي يتعين باش يولي سفير ف واشنطن. ملي خرجات من سبيطار تلاقات ب لماليك محمد لخاميس ؤ غتانمات لفرصة باش طلب منو باش تعوض خطيبها ف لپوسط ديپلوماسي لي كان غادي ياخد. لماليك قبل ؤ ولات فـ1959 أول مرا مغريبية مسؤولة تقافية ف سفارة لمغريب ف واشنطن حتال 1961.[1]
- Les Nations unies ou La fin d'une belle époque (ب الفرنسية). 2004. p. 233.
- Voyage autour de mes souvenirs (ب الفرنسية). 2011. p. 205. ISBN 9789954301944.
- 1 2 3 Glacier, Osire (2012). "Warzazi, Halima Embarek (1933–)". In Emmanuel Kwaku Akyeampong; Henry Louis Gates, Jr. (eds.). Dictionary of African Biography (ب الإنجليزية). Vol. 5. OUP USA. pp. 155–7. ISBN 978-0-19-538207-5. Archived from the original on 2023-05-18. Retrieved 2020-03-13.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |
