حد سوالم

حد سوالم
‫الـسـوالـم‬ (ar) ⵃⴰⴷ ⵙⵡⴰⵍⵎ (tzm)
حد سوالم
لبلاصة
لبلاد	لمغريب
لإقليم	إقليم برشيد
السكان
شحال دالسكان	74,762 (2024)
شحال دلفاميلات	19,130 (2024)
لجغرافيا
خط الطول بـ °	-7.85046101
خط لعرض بـ °	33.42198571
معلومات خرين
الرمز لجغرافي	6546261
لخريطة

حد سوالم مدينة مغريبية و جماعة ترابية حضرية كاينة ف إقليم برشيد، جهة دّار لبيضا سطات، ساكنين فيها 74,762 واحد، على حسب لإحصاء لعام 2024.

حد سوالم

بلدية حد سوالم

بادية مدينة برشيد قرب حد سوالم.

تعليم

• نسبة لأمية (نّاس لّي ما كايعرفوش يقراو ولا يكتبو) : 26,8%.
• نسبة سّكان لّي قاريين فوق ليسي (ليسي و جامعة): 17,4%.

إقتصاد

• نسبة نّاس نّشيطين (لّي يقدرو يخدمو): 52,6%.
• نسبة لبطالة (نّاس لّي ما خدامينش و تايقلبو على خدمة): 14,8%.
• نسبة نّاس لي خدامين ف دّولة (ولا لبيطاليين اللي سبق ليهوم خدمو): 5,1%.
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):63,9%.

لجغرافيا

حد سوالم كاينة على بُعد 30 كيلومتر جنوب داربيضا، لعاصمة لاقتصادية ديال لبلاد، وعلى بعد 10 كيلومترات من لمحيط لأطلسي. كدوز منها طريق لوطنية رقم 1، وكتوصلها لوتوروت A5 لّي كيربط كازا بـجديدة، وأول مقطع من هاد طريق بين حد سوالم وكازا تسالى ف فبراير 2004.

التاريخ

فـ2008، لجماعة لقروية ديال سوالم، لي كانت تابعة لإقليم سطات داخل جهة شاوية ورديغة، ولات جماعة حضرية باسم حد سوالم.

وفـ2009، ولّى تابع لإقليم برشيد، لّي كان من بين 13 إقليم تخلقو فداك لعام.

وفـ2015، من بعد إعادة تنظيم لجهات لإدارية من 16 لـ12 جهة، ولات حد سوالم تابعة لجهةدار لبيضا.

وفـ26 يناير 2025، سّلطات لمغربية شدّات أربعة ديال لأشخاص فحد سوالم، من بينهم ثلاثة خوت، مرتبطين بتنظيم ما يسمى ب دّولة لإسلامية ف سّاحل، وكانو مشكوك فيهم كيوجدو لاعتداءات على مواقع أمنية وأماكن عمومية.

الديموغرافيا

ف إحصاءات سّكان ديال عام 1994 وعام 2004، تزاد عدد سّكان ف لجماعة لقروية ديال سوالم من 13٬045 حتى لـ19٬209 نسمة، بينما تزاد عدد سكان ف لمركز لحضري ديالها من 1٬849 حتى لـ3٬243 نسمة.

من بعد ما ولّّات هاد لجماعة جماعة حضرية باسم حد سوالم، وصل عدد سّكان حسب إحصاء 2014 لـ36٬765 نسمة.

وفـ2024، وحسب معطيات لمندوبية سّامية لتّخطيط، تزاد عدد سّكان بأكثر من ضّعف ووصل لـ73٬231 نسمة، يعني بزيادة كتقارب 103% مقارنة مع 2014.

ومن لمتوقع يبقى عدد سّكان كيزيد حتى يوصل لـ145٬866 نسمة فـ2034، بنسبة ارتفاع تقدر بـ99%.

هاد نمو ديموغرافي كيرجع ب لأساس لتوسع لمنطقة صّناعية ديال حد سوالم، وزيادة على هاد شي دّارت لمنطقة صناعية جديدة ديال لخيايطة، لّي كانت ف إطار برنامج مؤسسة تحدي لألفية.

وعاد كاين نقل أسواق لجملة من دّار لبيضا لحد سوالم، وهاد لعامل غادي يزيد يقوي لجاذبية لاقتصادية وسكنية ديال لمدينة.

تقافة

لحومات وشوا

كتميز مدينة حد سوالم بلجودة لعالية ديال لحومات ديالها. معروفة بزاف بـ"شوا" تقليدي، لي كيجلب ناس من لمدون لقريبة باش يذوقو لحم طري ولبنين. ف لمطاعم ولمحلات وحتى لجزارة ف لمدينة كيتفاخرو بتقديم واحد من أحسن أنواع لحوم ف لمنطقة.

سوق لحد

كل نهار حد، كتعيش مدينة حد سوالم واحد لحركة كبيرة مع سوق لحد. هاد سوق لأسبوعي مهم بزاف فحياة لمدينة، حيث كيتباع فيه كلشي: خضرة، لحم بجودة عالية، أدوات منزلية ومنتوجات تقليدية. وماشي غير بلاصة لتسوق، ولكن حتى فضاء كيلتقاو فيه ناس وكيعيشو أجواء اجتماعية وثقافية.

تحديات صحية

بسبب زيادة لكبيرة فعدد سكان، لقطاع صحي ولّى كيعاني باش يساير هاد نمو لكبير ديال سكّان. كاين نقص ف لمستشفيات، لمصحات ولخدمات طبية لمتخصصة، وهاد شي كيصعب على سكان ياخدو لعلاج ف لوقت لمناسب.

لمخاوف لأمنية

بحال بزاف ديال لمدن لّي كتكبر بسرعة، حد سوالم كتواجه بعض لمشاكل لأمنية، بحال لجرائم صغيرة وتخريب. واخا لمجهودات لّي كتديرها سّلطات، مازال خاص تعزيز لحضور لأمني ومبادرات لمجتمع باش يتحسن لإحساس ب لأمان.

لفضاءات لخضرا

رغم توسّع ديال لمدينة، كاين نقص ف لمساحات لعامة بحال لحدائق ولمنتزهات وجرادي لّي يقدرو فيها سكان يرتاحو ويتلاقاو ويستمتعو ب طبيعة. هاد لموضوع ولىّ مصدر قلاق عند بزاف ديال سكان؛ لي كيشوفو أن لمدينة محتاجة فضاءات خضرا باش تحسن جودة لعيش.

مصادر

1. «  », L’Économiste, Casablanca, no 1708,‎ 19 février 2004 (lire en ligne [archive], consulté le 8 novembre 2016)

ويكيميديا كومنز عندا تصاور و معلومات على حد سوالم.

هادي زريعة ديال مقالة خاصها تّوسع. تقدر تشارك ف لكتبة ديالها.