حاييم نحماني

	حاييم نحماني
	معلومات عامة
زيادة	فبراير 1902; سطات
لموت	1984 (81/82 عام); كفار صبا
لجنسية	لمغريب ; إسرائيل
لحرفة	بائع بالجملة و ناشر

حاييم نحماني، تولد ف فبراير 1902 ف سّطات ؤ مات ف 1984 ف كفار سابا، كان تاجر د جّملة ف دارلبيضا. ف لّول د تلاتينات، خدم وكيل تقافي باش يروج ل لقراية د لوغة لعبرية، ؤ كان كيمتل لحراكة لمزراحية ف لمغريب.

كان كينشر جورنال خبارات على خوانينا ف إسرائيل و ف دياسپورا لي كان كيتفرق ف سيناݣوݣات ف لويكاند، ؤ طرجم كتاب "تاريخ يهود د لمغريب" ب دّاريجة ليهودية.

حياتو

تولد نحماني ف فبراير 1902 ف مدينة سّطات ف لمغريب، لي بعيدة ب 80 كيلوميتر تحت دارلبيضا. ملي كان صغير، كان كيقرا ف بلايص د تعليم تّقليدية، ؤ ف ليل كان كيقرا لفرانساوية ؤ لمواد لعامة. هاجر ف شبابو ل دارلبيضا فين خدم تاجر د لݣرو د سلاعي د ديور جايبينها من فرانصا ؤ روسيا.^[1]

ف نص د تلاتينات، ملي كبر نشاط صهيوني ؤ لعيبري ف لمغريب، خدا نحماني دور مركزي فيه. ف لول، شارك ف لجنة تنضمية د لجمعية لمركزية د تفراق لوغة لعيبرية ف دارلبيضا - "نجمة داود".^[2] ف لحرب لعالمية تانية، أسس جمعية أخرا د تفراق لعيبرية سميتها "حباب لوغة".^[3] ف إطار لجمعية، نضم ف دارو ؤ ف سيناݣوݣ لي كيملك، جتماعات ؤنݣ شباط شارك فيهم شاعر لحاخام ديڤيد بوزاݣلو، ؤ أشر حسين، لي ولا عضو د لكنيست من بعد معا حيزب ماپاي. زيادة علا هاد لجمعية، دار مؤسسة ماشي رسمية د دراسات لعيبرية ف دارو. ف هاد لمؤسسة، بانت شخصية د بنت نحماني، دينا، لي خدمات سكرتيرة د بّاها، ؤ لعبات دور نشيط ف لقراية د لأخبار ؤ لخطبات ل لجمهور.

ف 1954، هاجر نحماني معا فاميلتو ؤ عاش ف كفار سابا. خدم ف إسرائيل كا عضو ف حراكة هاپويل هامزراحي، ؤ عاون ف لحريݣ ؤ لمجيب د ليهود لمغاربة، ؤ كبّر نشاط ديالو بين ليهود لمغاربا ف إسرائيل. توفا حاييم نشماني ف 1984.

لأعمال

نحماني دار طرجامة ديال طرف من كتاب على تاريخ لمغاربا ليهود من لفرانساوية ل دّاريجة ليهودية، لي كان أصلاً كاتبو إسحاق داڤيد عبو، لي كان رائيس جّماعة د ليهود ف رّباط، ؤ من بعد ف كازا.^[4]

هيسطوريا د لياهود د لماروك ب لعربية موطرزامة مين لفارانسية [تاريخ د ليهود د لمغريب مطرجم ب لعربية من لفرانساوية] (ب aju). غشت 1953.{{cite book}}: CS1 maint: unrecognized language (link)

مصادر

↑ בני ציפר (21 ماي 2015). "על שולחן האוכל בבית במושב בני דרום גיליתי אוצר". هارتس (ب العبرية). Archived from the original on 26 دجنبر 2021.
↑ דוד גדג' (8 يوليوز 2018). "העיתון שעדכן את יהודי מרוקו ב"חדשות על אחינו בארץ ובגולה"". لمكتابة لوطنية د إسرائيل (ب العبرية). Archived from the original on 1 يونيو 2023.
↑ רפאל בזיז (2017). אלה תולדות קבוצת חובבי השפה: מנערותנו במרוקו לימינו בישראל (2016־1953) (ب العبرية). Ofir Bikurim. p. 204.
↑ "موسوعة ليهود ف لعالم لإسلامي". Archived from the original on 2022-11-28. Retrieved 2021-12-26. {{cite journal}}: Cite journal requires |journal= (معاونة)

لمزاود

هيسطوريا د لياهود (لكتاب كامل) مؤرشف 2022-03-02 فموقع وايباك ماشين

[1] בני ציפר (21 ماي 2015). "על שולחן האוכל בבית במושב בני דרום גיליתי אוצר". هارتس (ب العبرية). Archived from the original on 26 دجنبر 2021.

[2] דוד גדג' (8 يوليوز 2018). "העיתון שעדכן את יהודי מרוקו ב"חדשות על אחינו בארץ ובגולה"". لمكتابة لوطنية د إسرائيل (ب العبرية). Archived from the original on 1 يونيو 2023.

[3] רפאל בזיז (2017). אלה תולדות קבוצת חובבי השפה: מנערותנו במרוקו לימינו בישראל (2016־1953) (ب العبرية). Ofir Bikurim. p. 204.

[brillnahmani-4] "موسوعة ليهود ف لعالم لإسلامي". Archived from the original on 2022-11-28. Retrieved 2021-12-26. {{cite journal}}: Cite journal requires |journal= (معاونة)

[1]

[2]

[3]

[4]