دجيمس كوك
دجيمس كوك
| ||
 | ||
| معلومات عامة | ||
| زيادة | 27 أكتوبر 1728 Marton (مملكة بريطانيا العظمى) | |
| لموت | 14 فبراير 1779 (50 عام) Kealakekua Bay (هاواي القديمة) | |
| طريقة دلموت | قتيلة | |
| سباب لموت | جرح طعني | |
| لجنسية | مملكة بريطانيا العظمى | |
| لحرفة | كشايفي، رسّام د لخرائط، ؤفيسير د لبحر، بحري و بوطانيست | |
| لّوغات لي كيعرف | نڭليزية و لفرانساوية | |
| لكاريير ديال الشخص | ||
| شارك ف | ||
| لفاميلة | ||
| لواليد | جيمس كوك | |
| لواليدة | Grace Pace | |
| شريك | إليزابيث باتس كوك (1762–) | |
| لولاد | جيمس كوك جوزيف كوك جورج كوك إيليزابيط كوك نطانيل كوك هيو كوك | |
| لعسكر | ||
| لڭراد | كاپيتان | |
| لجوايز | ||
 | ||
  | ||
لكاپتين دجيمس كوك (بالنݣليزية: James Cook) (27 أكتوبر 1728 - 14 فبراير 1779)[1] كان مستكشيف و بحار و رسّام ديال لخرايط نݣليزي. دار تلاتة ديال الرحلات للمحيط لمهدن و دار لخرايط ل بزاف ديال لبلايص و لݣزاير و لبحور. تعرف عند لبريطانيين باللي هو اللي كتاشف الساحل الشرقي تاع ؤسطراليا، و هو اللي لقا لݣزاير د هاواي ؤ هو اللول اللي دار خريطة ديال نيوزيلاندا.
ف حياتو جاب ضورة على لعالام جوج مرّات. داز من حدا لقطب لجانوبي و لقا ݣزاير و بلايص جداد ف أمريكا الشمالية و لجانوب ديال لمحيط لمهدن. دوز بزاف ديال لوقت ف الرحلات ديالو كايدير التجاريب و كايصاوب لخرايط. كان كايألف كتوبا على لحوايج و لبلايص اللي شاف.
تزاد دجيمس كوك نهار 27 نونبر 1728 ف مدينة مارطون.[1] كان ولد فلّاح سكوطلاندي. قرا ف لمدراسة ديال ݣريت أيطن (بالنݣليزية: Great Ayton) و بدا لخدمة ف واحد لمحال ف مدينة ستايت فاش كانت عندو 17 عام.[1] ف عمر 18 ولّا بحار و متعلم عند لكاپتين جون والكر اللي كان كايصدر لفاخر. تعلم جيمز كوك الرياضيات و لملاحة من عند والكر. تصافط ل تلاتة ديال لبيعتات ديال لباطو Endeavour اللي ضار لعالام كامل.
كان لهدف ديالو ف هاد الرحلات:
- يلقا لقارة لجنوبية لمجهولة (terra australis incognita)
- يدير لحسابات لفلكية تاع ڤينوس
- يصاوب خرايط ل بلايص جداد
- ياخد لأرض للملك لبريطاني جورج التالت
- يقلّب على بلايص جداد للقشلات د لعسكر
- يقلب على طرقان بحرية جداد مابين لمحيط لأطلسي و لمحيط لمهدن
- يصاوب مرصد د لفلك ف تاهيتي
دجيمس كوك تقتل ف هاواي بسباب مدابزة على باطو مسروق.
كان عندو ربعة د لولاد و بنت وحدة: جوزيف كوك، جورج كوك، نطانيل كوك، هيو كوك و إيليزابيط كوك. لواليد ديالو كانت سميتو دجيمس كوك. كانو عندو تلاتو د لخواتات و جوج خوت: ماري كوك اللي ماتت و عمرها 4 سنين، مارݣاريت كوك، جين كوك، ويليام كوك و دجون كوك.[2]
- 1 2 3 "Cook, James (1728-1779) Biographical Entry". Australian Dictionary of Biography On Line Edition (ب English). Australian National University. 1966. مأرشيڤي من لأصل ف 2011-04-08. تطّالع عليه ب تاريخ 2010-05-28.CS1 maint: unrecognized language (link)
- ↑ "james cook family - Google Search". www.google.co.tz.
 |
ويكيميديا كومنز عندا تصاور و معلومات على دجيمس كوك. |