يوهانيس ڤيرمير

	يوهانيس ڤيرمير
	معلومات عامة
زيادة	أكتوبر 1632; ديلفت (لجمهورية د هولاندا)
لموت	15 دجنبر 1675 (43 عام); ديلفت (لجمهورية د هولاندا)
لجنسية	لجمهورية د هولاندا
لحرفة	زوّاق و جمّاع د التحف
لّوغات لي كيعرف	لهولاندية
	لفاميلة
لواليد	Reijnier Janszoon Vermeer
لواليدة	Digna Baltus
شريك	Catharina Bolenes
	معلومات خرى
دين	كالڤينية و كاطوليكية
لأعمال	(عقد 1650) ديانا و عشرانها; (عقد 1650) لمسيح ف دار مارطا و مريم; (1656) لخطّابة; (1657) بنت ناعسة; (1660) مولات لحليب; (عقد 1660) منظر ديلفت; (1664) لعالم د لفلك; (1665) بنت لابسة زواڭة د اللويز; (1668) لجغرافي;
ستيل	رسم نوعي و پورطري
تأتر ب	كاريل فابريتيوس، ڭابرييل ميطسو، ديرك ڤان بابورن و ليونارد برامر

يوهانيس ڤيرمير، هو واحد الرسام ؤ زوّاق هولاندي تزاد عام 1632 ف مدينة ديلفت ف هولاندا. هاد الرسام مشهور بكنيتو ڤيرمير و كان واحد من أحسن الرسامين فالوقيتة ديالو، القرن سبعطاش واللي كاتسما بالفترة الباروكية ^[1]، وكان متخصص فالرسيم ديال الديور من لداخل ديال الناس اللي من الطبقة المتوسطة.

ڤيرمير فالوقيتة ديالو كان معروف واحد الشوية فمدينتو ولكن واخا هاكداك مقدرش يجمع اللعاقة و يبيع بزاف ديال طّابلوات ديالو.

ڤيرمير مكانش كايرسم بزربة بحال أغلبية د الرسامين فالوقيتة ديالو، كان كاياخد بزاف ديال الوقت والتركيز فكولا طابلو، وكان كايخدم صبايغ غاليين بزاف، وتشهر حيتاش كايصرع الضو فالطابلويات ديالو.

فاش مات ڤيرمير مابقاتش كاتعاود عليه الهضرة، الناس نساوه وحتى واحد ماهضر عليه من بعد من غير أرنولد هوبراكن لي جبدو ف كتاب "المصدر الرئيسي"، تنسى فبلادو جوج ديال القرون حتى جاو ݣوستاف فريدريك واݣن و ثيوفل ثوري برݣر فاش نشرو عليه واحد المقال ودارو فيه 66 من الطابلويات ديالو، ولكن حاليا غير 34 منهوم وصاف اللي كايتحسبو ديالو ، ومن ديك الوقيتة الرسام ڤيرمير تشهر كتر وكتر، وولا واحد من أعضم الرسامين فلوقيتة الذهبية د هولاندا.

حياتو[بدل | بدل لكود]

ماكاينش بزاف ديال لخبار على كيفاش ڤيرمير عاش حياتو، ولكن لي معروف عليه هو بلي خلا كولشي و معمرو خرج من مدينتو ديلفت باش يبقا ملاهي مع الرسم والفن ديالو، وحتى ل لقرن سبعطاش ماكانت حتى شي خبار عليه من غير داكشي لي كتبو عليه فنانين وحدين خرين.