يوهانيس ڤيرمير

من ويكيپيديا
يوهانيس ڤيرمير
يوهانيس ڤيرمير
معلومات عامة
زيادة 31 أكتوبر 1632
ديلفت
لموت 15 دجنبر 1675 (43 عام)
ديلفت
لجنسية لجمهورية د هولاندا
لحرفة رسام و جمّاع د التحف
لفاميلة
شريك Catharina Bolenes
معلومات خرى
دين كالڤينية و كاطوليكية
لأعمال
ستيل رسم نوعي و پورطري
تأتر ب كاريل فابريتيوس، ڭابرييل ميطسو، ديرك ڤان بابورن و ليونارد برامر
Vermeer autograph.svg
Musicbrainz: 3a0fcc05-3037-4d26-8358-69138b8f00de Discogs: 2234860 Find a Grave: 3757 Modifica els identificadors a Wikidata


يوهانيس ڤيرمير، هو واحد الرسام ؤ زوّاق هولاندي تزاد عام 1632 ف مدينة ديلفت ف هولاندا. هاد الرسام مشهور بكنيتو ڤيرمير و كان واحد من أحسن الرسامين فالوقيتة ديالو، القرن سبعطاش واللي كاتسما بالفترة الباروكية [1]، وكان متخصص فالرسيم ديال الديور من لداخل ديال الناس اللي من الطبقة المتوسطة.

ڤيرمير فالوقيتة ديالو كان معروف واحد الشوية فمدينتو ولكن واخا هاكداك مقدرش يجمع اللعاقة و يبيع بزاف ديال طّابلوات ديالو.

ڤيرمير مكانش كايرسم بزربة بحال أغلبية د الرسامين فالوقيتة ديالو، كان كاياخد بزاف ديال الوقت والتركيز فكولا طابلو، وكان كايخدم صبايغ غاليين بزاف، وتشهر حيتاش كايصرع الضو فالطابلويات ديالو.

فاش مات ڤيرمير مابقاتش كاتعاود عليه الهضرة، الناس نساوه وحتى واحد ماهضر عليه من بعد من غير أرنولد هوبراكن لي جبدو فكتاب المصدر الرئيسي، تنسى فبلادو جوج ديال القرون حتى جاو ݣوستاف فريدريك واݣن و ثيوفل ثوري برݣر فاش نشرو عليه واحد المقال ودارو فيه 66 من الطابلويات ديالو، ولكن حاليا غير 34 منهوم وصاف اللي كايتحسبو ديالو ، ومن ديك الوقيتة الرسام ڤيرمير تشهر كتر وكتر، وولا واحد من أعضم الرسامين فلوقيتة الذهبية د هولاندا.

حياتو[بدل | بدل لكود]

ماكاينش بزاف ديال لخبار على كيفاش ڤيرمير عاش حياتو، ولكن لي معروف عليه هو بلي خلا كولشي و معمرو خرج من مدينتو ديلفت باش يبقا ملاهي مع الرسم والفن ديالو، وحتى ل لقرن سبعطاش ماكانت حتى شي خبار عليه من غير داكشي لي كتبو عليه فنانين وحدين خرين.

الطابلوات ديالو[بدل | بدل لكود]

عيون لكلام[بدل | بدل لكود]

  1. ^ Jennifer Courtney; Courtney Sanford (2018). Marvelous to Behold (بنڭليزية). Classical Conversations. ردمك 0999574841.
Wikimedia Commons تقدر تزيد شوف بزاف د صور و معلومات ديال Johannes Vermeer ف ويكيميديا كومنز.