جبل ياڭور
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
جبل ياڭور
| ||
 | ||
| لبلدان | لمغريب | |
| لمنطقة | لمغريب | |
| الجبال لأصل | الأطلس الكبير | |
جبل ياڭور ولا هضبة ياڭور هي هضبة مغربية كاينة نواحي مدينة مراكش، لعلو ديالها تايتفاوت بين 2300 و 2700 متر على البحر، و كاتنتامي لسلسلة جبال الأطلس الكبير الوسطاني.[1] هاد لبلاصة هي من أهم المواقع الأثرية فالمغريب، حيت فيها نقوش على لحجر كاترجع لما قبل التاريخ.[2] كاتنتامي الهضبة إداريا لجماعة تغدوين، إقليم الحوز، جهة مراكش أسفي.[3][4]
تايمتد هاد الموقع الأثري على مساحة 4000 هكتار، فإقليم الحوز، و فيه عدد كبيرا من النقوش الأثرية كاتفوت 2000 نقش، أشهر واحد فيها هو النقش المعروف "بلوحة الشمس". الخبراء تايقولو أن هاد النقوش كاترجع ل 1500 قبل الميلاد، و كاتوتق للهجرة ديال القبائل الرعوية لجبال بسبب التبدال ديال المناخ، و حيت هاد المنطقة شبعانة معادن، لي تخدمات فالعصر البروزنزي. من بين الرموز لي توتقات فهاد المنطقة، رسومات لناس تايقنصو الحيوانات، و رسومات لحيوانات متوحشة بحال الفيل و وحيد القرن، و تا رسومات للأدوات بحال الخناجر والسيوف والرماح، كيف ما لقاو بعض النقوش كاتعبر على حروف أمازيغية بالحرف ديال تيفيناغ. الخبراء تايفتارضو أن المنطقة غايكونو فيها قبور من قبل التاريخ. تسجلات هاد المنطقة فالترات الوطني للمغريب باش التم الحماية ديالها من التخريب لي كاتعرض ليه، و باش تتأهل ترجع معلمة سياحية فالمنطقة[3] عام 2012 مجموعة من السلفيين المغاربة خربو نقش من النقوش لي فهاد الموقع الأثري و لي معروف "بلوحة الشمس"، حيت تايظنو أن تجسيد للإله ديال الشمس.[5][6][7]
البنية التحتية ديال جبل ياڭور ضعيفة، فيها مسارات سياحية على الرجل ولا على لبهايم صافي. تايزورو السياح هاد المنطقة باش يشوفو الموقع الأثري، و تا الهواة ديال الرياضات الجبلية والتخيام، خصوصا ففصل الربيع حيث تاتكون المنطقة شبعانة رببيع و عيون دالماء و ضايات، و تايكون فيها الخيل الشبه بري. هضبة ياغور هي طريق ديال الناس لي تايطلعو لقمة جبل ميلتسن لي تايطل عليها والإرتفاع ديالو 3595 متر على البحر.[8][9][10][11]
هاد المنطقة كاتخضع للنظام ديال أڭدال التقليدي دالسرحة، لي تايمنع السراحة يسرحو فهاد المنطقة فالبداية ديال فصل الربيع، تا كاتقرر الجماعة الوقت المناسب و تايطلعو ڭاع لقبايل دالمنطقة يرعاو، و تايخليو لبهايم ديالهم مطلوقين بحرية.[12]
هضبة ياڭور دايرين بيها بزاف ديال الدواور، السكان ديالهم من الأمازيغ. أما اللغة لي تايهضرو بيها الناس فالمنطقة، هي تامازيغت.[12]
- جبل كيسان
- جبل أمشاد
- ↑ "الأطلس الكبير" معلومات لا تعرفها عن القمم". 2021-12-05. Archived from the original on 2023-06-07. Retrieved 2023-06-07.
- ↑ "FlowersWay Voyages - Visite - Le Jebel Yagour". 2017-09-11. Archived from the original on 11 شتنبر 2017. Retrieved 2023-06-07.
- 1 2 "جبل "ياكور" .. نقوش صخرية تعود إلى ما قبل التاريخ بإقليم الحوز". 2019-07-27. Archived from the original on 2023-07-22. Retrieved 2023-06-07.
- ↑ "Le massif du Yagour". Archived from the original on 2023-03-21. Retrieved 2023-06-07.
- ↑ "تدمير نقوش صخرية بالمغرب". Archived from the original on 2023-06-03. Retrieved 2023-06-07.
- ↑ "هسبريس تعتبر نقوش ياكور مجرد صخور لا تستحق الصيانة". Archived from the original on 2013-01-17. Retrieved 2023-06-07.
- ↑ "Yagour - Haut-Atlas - GRAVURES RUPESTRES". Archived from the original on 2023-05-31. Retrieved 2023-06-07.
- ↑ "السياحة في منتجع تغدوين .. الماء والخضرة و"الوجه الشاحب"". Archived from the original on 2023-06-07. Retrieved 2023-06-07.
- ↑ "السياحة الإيكولوجية في تغدوين .. مؤهلات طبيعية فريدة ونقوش تاريخية -". 2022-08-03. Archived from the original on 2022-08-03. Retrieved 2023-06-07.
- ↑ "Jebel Yagour - Marrakesh-Safi: Heures d'ouverture, Activités, Avis des visiteurs, - Safarway 2023". Archived from the original on 2023-06-07. Retrieved 2023-06-07.
- ↑ "Trek plateau du Yagour et gravures rupestres du Haut Atlas". Archived from the original on 2023-06-07. Retrieved 2023-06-07.
- 1 2 "Exposition Paysages Gravés Ar". Archived from the original on 2023-06-07. Retrieved 2023-06-07.
| لأطلس لكبير | |
|---|---|
| لأطلس لمتوسط | |
| لأطلس الصغير |
|
| لأطلس الصحراوي |
|
| جبال الريف | |
| جبال خرين |
|
