جبل إيڤريسط

من ويكيپيديا
اذهب إلى التنقل اذهب إلى البحث

تصويرة د الراس د الجبل د إيڤريسط من الجبال اللي حداه

لبلاصة د جبل إيڤريسط ف لخريطة

جبل إيڤريسط (بالنيپالية: सगरमाथा (صاݣارماتا) - بالشينوية: 珠穆朗玛 (زومولانݣما) - بالتيبيتية: ཇོ་མོ་གླང་མ (شومولونݣما) ) هو أعلى جبل ف لعالم (لإرتفاع ديالو 8848 ميطرو)، و جا ف لحدود ما بين الشينوا و نيپال.

بزاف د الناس تيبغيو يتعلقو هاد الجبل، و محسوب من لبلايص السياحية لمعروفة ف لعالم. ملّي بدا التعلاق فيه، جربو يطلعو لو 14.000 واحد، منهم كتر من 4000 اللي قدرو، و شويا كتر من 300 اللي ماتو. الطلوع لإيڤريسط ماصعيبش بزاف من الناحية التقنية، و كاين جبال آخرا صعب منّو، ولكن تا هو عندو مشاكل ديالو بحال عند الناس اللي تيجيهم "لمرض ديال لعلو"، ولاّ الريح و لجو لخايب، و التلج اللي تيريب بوحدو شي مرّات.

قبل من 1950، ماكانتش الدولة د نيپال تاتخلّي لبرانيين يدخلوليها، و عليها كانو الناس كيتعلقو الجبل من الجيهة د تيبت.[1] و لكن ماعمر شي واحد طلع إيڤريسط من تما ف هاديك لوقيتة. أول ناس تعرفو رسميا باللي طلعو لإيڤريسط كانو هوما النيو زيلاندي إدموند هيلاري و الشيربا النيپالي تينزينݣ نورݣاي ف 1953. هيلاري و نورݣاي طلعو الجبل من الجيهة ديال نيپال. أول ناس طلعو الجبل من الجيهة ديال الشينوا كانو هوما وانݣ فوزو، ݣونپو، و شو يينهوا ف 1960.

سباب التسمية[بدل | بدل لكود]

تسمّا الجبل بسميت جورج إيڤريسط، اللي كان خدّام مخطّط د بريطانيا ف لهند، و اللي بيّن باللي داك الجبل هو أعلى جبل ف لعالم.

عيون لكلام[بدل | بدل لكود]

Wikimedia Commons تقدر تزيد شوف بزاف د صور و معلومات ديال Mount Everest ف ويكيميديا كومنز.