ثريا شاوي
ثريا شاوي
| ||
| ||
| معلومات عامة | ||
| زيادة | 14 دجنبر 1936 فاس | |
| لموت | 1 مارس 1956 (19 عام) الدار البيضا | |
| طريقة دلموت | قتيلة | |
| لجنسية | لمغريب | |
| لحرفة | پيلوط | |
| لّوغات لي كيعرف | عربية و لوغات أمازيغية | |
 
| ||
ثريا شاوي، تولدات ف 14 دجنبر 1936 ف فاس ؤ ماتت مقتولة ف 1 مارس 1956 ف دارلبيضا، كانت أول پيلوطا مغريبية.
ثريا شاوي تولدات ف 14 دجنبر 1936 ففاس فوسط عائيلة معروفة، بّاها عبدالواحد كان مدير د مسرح ؤصحافي ب لفرونصي ف جورنال لو كوريي دو ماروك، ؤمها سميتها زينة، ؤخوها صغر منها صلاح الدين لي تولد ف 1944 ولا رسام عايش ف ڤيشي ف فرانصا.[1]
ف 1946، متلات ثريا معا باها ف لفيلم لباب سابع ديال لمخرج لفرانصاوي أندري زڤوبادا لي جا لفاس باش يصورو.[2]
ف 1948 لعائيلة رحلات من فاس ل دارلبيضا فين كان خدام بات ثريا.[1]
ف 1950، دخلها باها لمدرسة طيران لي كانت ف تيط مليل، لمدرسة كانت مخصصة غير لفرانصاويين وكان صعيب للمغاربة يدخلو ليها ؤ كفس إلا كانو بنات. لإدارة د لمدرسة ماكانوش باغيينها دخل وحاولو يمنعو، والاكين حيت ماكاين حتا قانون كيمنع هاد القضية ف لخر قبلوها ودارو فبالهم أنها ماغاديش تقدر تكمل.[1]
موراها ب عام ف 17 أكتوبر 1951، دوزات ثريا لمتيحان ديال پيرمي ديال طيران ؤنجحات فيه واخا عمرها ماكاملش 15 لعام، وهاكا ولات أول پيلوطا مغريبية.[1]
نهار1 مارس 1956، نهار قبل مايشد لمغريب ستيقلال ديالو، معا جوايه ستة وتولوت ف دارلبيضا ؤ بضبط ف زنقة بيرجوراك تقتلات ثريا قدام دارهوم ؤهي هابطة من طوموبيل معا خوها من بعد ما تيراو عليها فراس، كان ف عمرها ديك ساعة 19 لعام.[2] تدفنات ثريا شاوي فمقبرة أهل فاس فدارلبيضا.[1]
لي قلتها كان سميتو أحمد طويل، ؤكان مشارك ف لمقاومة ضد فرانصا ؤتعين كوميسير معا لأمن لوطني ؤكان هو رئيس ديال عصابة كاتخطف ؤتقتل ناس معروفين، والاكين ساباب لموت ديال ثريا شاوي مازال مامعروف حتال دابا.[3]
- Régis Delpeuch (2017). Moi, Touria Chaoui: première aviatrice marocaine (ب لفرانساوية). Sedrap/CDPL. ص. 111. ردمك 2758146606.
- Salah Eddine Chaoui (2017). Ma soeur Touria, première aviatrice du monde arabe (ب لفرانساوية). L'Harmattan. ص. 134. ردمك 2140039408.
- ^ a b c d e Josh Shoemake (2015-02-16). "The Amazing Aviatrix of Wartime Casablanca" [لپيلوطا لواعرة فوقيتة لحرب فدارلبيضا] (ب نڭليزية). مأرشيڤي من لأصل ف 2023-03-30. تطّالع عليه ب تاريخ 2020-03-08.
- ^ a b Kenza Homman Loudiyi؛ Abdellah El Ghazouani (2010-08-25). "1956 : Ombres et lumière (8) : La mort de Touria Chaoui" [1956: ضل وضو (8): لموت ديال ثريا شاوي]. Le Soir Echos (ب لفرانساوية). مأرشيڤي من لأصل ف 2023-01-17. تطّالع عليه ب تاريخ 2020-03-08.
- ^ Saïd Aïssaoui (2018-01-15). "Organisations secrètes marocaines #6 : Les «Milices d'Ahmed Touil», de la résistance nationale à la rébellion" [مجموعات سرية مغريبية #6 : "عصابة أحمد طويل"، من لمقاومة لوطنية لتمرد]. Yabiladi (ب لفرانساوية). مأرشيڤي من لأصل ف 2023-01-18. تطّالع عليه ب تاريخ 2020-03-08.