تيليطوبيز

من ويكيپيديا
اذهب إلى التنقل اذهب إلى البحث
The Teletubbies are still here 2011 (6592747791).jpg

تيليطوبيز (ب نّگليزية: Teletubbies) مسلسل تلفازي بريطاني ديال دّراري صّغار من 365 حلقة (كل حلقة فيها تقريبا 25 دقيقة) داروه آن وود و أندرو دافنپورت و نتجاتو شركة نگليزية سميتها راگدول.

هاد لمسلسل كان داز بين 31 مارس 1997 و 5 يناير 2001 ف لبي بي سي. ف لمغريب كانت دوزاتو دوزيم ف نفس لفترة.[1]

لفيكرة د لمسلسل[بدل | بدل لكود]

هاد لمسلسل موجه ل لوليدات صّغار بزاف (بين عاماين و 6 سنين) كايدور ف واحد لعالم خيالي لّي فيه 4 ديال شّخصيات: تينكي وينكي، ديپسي، لالا و پو. هاد شّخصيات عندهوم شّكل ديال نونوسات ملونين و كايدويو و كايتصرفو بحال وليدات صغار، عندهوم واحد تّلفزة ف لكريشة ديالهوم لّي كايدوزو فيها فيديوهات برامج قصار كايعلمو فيهوم لوليدات شي حوايج من لحياة ليومية بحال لألعاب و رّياضة.

هاد شّخصيات (لّي هوما تّيليطوبيز) عايشين ف واحد لأرض سميتها تيليطوبيلاند Télétubbyland و ساكنين ف واحد دّار شكلها غريب فيها واحد لقبّة كبيرة على شّكل ديال لبني د لخيال لعيلمي. دارهوم دايرين بيها كديات عامرين ب لورد و رّبيع و لخضورة و فيهوم عايشين قنيات و شي شكال ديال نوار كايدويو.[2]

مصادر[بدل | بدل لكود]

  1. صّفحة د تيليطوبيز ف IMDB
  2. سيت ديال لبرنامج
Wikimedia Commons تقدر تزيد شوف بزاف د صور و معلومات ديال Teletubbies ف ويكيميديا كومنز.