تيبيبط
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
تيبيبط
| ||
| ||
| معلومات عامة | ||
| سمية لعيلمية | Emberiza sahari (فرانسوا_ليفايان، 1850) | |
| لخاصية د ترتاب | نوع | |
| تابع ل | درسة | |
| حالة د لحماية | ||
 | ||
| مامهددش | ||
| UICN | 22734808 | |
|---|---|---|
| لمناسلة | ||
| شحال كايولد ف دقّة | 3 | |
تيبيبط ولا حميريطة ولا درسة الدار (السمية لعيلمية (Emberiza Sahari) هو طير من عصفوريات الشكل ف لفاميلة د الدرسيات. ف لمغريب هاد الطير عندو سمعة زوينة، كايدخل و كاياكل ب حرية ف الديور، لحوانت، و الساحات د الجوامع.[1]
هو ساكن أصلي و كايتجاوج ف لبلايص الصحراوية من شمال غرب إفريقيا ل مالي و التشاد. ف لمغريب، هاد النوع توسع من الستينات من جبال لأطلس ل الشمال حتى وصل ل طنجة و تطوان و السواحل الجنوبية د الصبليون و جبل الطر موؤخرا. تيبيبط كايتجاوج حدا السكنة د بنادم، كايحط من 2 ل 4 د لبيضات ف التقابي د لعيمارات و لبني.
على حساب محمد شفيق و محمد بوسلام، كلمة تيبيبط جات من لأمازيغية ⵉⴱⵉⴱⴹ ئبيبض، و الجمع ديالها ئبيبضن.[2][3]
تيبيبط توصف لأول مرة ف 1850. طولو من 14 ل 16 سونتيميطر، بحالو بحال قريبو الدرسة لمخططة، و صغر من الدرسة د الصخور. الدكر لمجاوج كاتكون كسدتو قهوية-ليمونية مرملة، و راس رمادي شوية غالق بلا لخط لبيض لي فوق لعين (Supercilium) لي عند قريبو الدرسة لمخططة. الراس د النتوة كايكون قهوي غادي ل الرمادي ب غلوقية كتر. لوزان ديالهوم كاتفاوت بين 12 ݣرام ل 18 ݣرام.[4][5]
تيبيبط موؤخرا تفرق على النوع لقريب ليه الدرسة لمخططة و ولا نوع مستاقل، هاد النوع كان كايتعتابر نوع فرعي د التيبيبط Emberiza striolata sahari. الدرسة لمخططة مبدل على التيبيبط ب خطوط كتيرة ف لوجه و كرش فاتحة ف اللون على التيبيبط.
تيبيبط كاياكل الزريعة و لحشرات ب لأساس. عندهوم مناقر مخصصة لي كاتخليهوم يهرسو لبدور و ياخدو التقاوت. هوما عزيز عليهوم ب الضبط بزاف د النواع من الزريعات د لݣازو. زيد على هادشي، يقدرو يكونسوميو اللاسلسوليات الصغار، بحال لخنافس، النمل، و ليرقات، ب لاخص ف جوايه موسم لملاقية فين كايخصهوم يعطيو ريجيم زايد ب لپروتين ل النتوات ديالهوم.
هاد النوع بيّن التأقلوم ديالو ف بلايص جديدة خوصوصا لمدينية.
قبل من 2003، هاد النوع ماكانش كايسكن ف طنجة، ف لوسط د عوام 2000، التيبيبط بدا يعمر ف لمدينة لقديمة د طنجة. ف عام 2011، التيبيبط لي جاي من الجنوب توسع كتر فمدينة طنجة، آپار من لمدينة لقديمة لي سكن فيها من هادي عوام، النوع بدا يتشاف ف بزاف د لحومات و لأحياء لي ضايرين ب طنجة بحال كازاباراطا.[6]
التيبيبط كمل لستيعمار ديالو ل بلايص جديدة، بلستيعمار ديالو ل مدينة تطوان من جوايه 2010 على لاقل، ب عوام قليلة مورا ماتجاوجو ب وتيرة سريعة، هاد النوع بدا يتفرق برا لمدينة. و بدا مستعمارة جديدة ف محمية جبل موسى و مدينة سبتة فين كايتجاوجو ب طاريقة مزوهرة.[7]
ف 2011، غير 2 تسجالات على هاد النوع، و لاكين عتابرو هاد النوع غير هرب من محمية جبل موسى لي كاتفرقها معا طاريفة غير كيلوميطرات قلال.
لحضور د التيبيبط كا طير متشرد ف إبيريا تشجل أول مرة ف 2009. موراها، بزاف د الشهود شافو هاد الطير ف بلديات د لخزيرات و طاريفة ف مقاطعة قاديش، و ف مالاݣا و ف جبل الطر.
ف 22 يونيو 2023، ف السونطر ڤيل د لخزيرات، دكر بالغ من هاد النوع تشاف كايغني و كايعاود و كايبين واحد السلوك طيريطوريال. لحضور و السلوك الطيريطوريال ديالو بدا يتعاود ف نفس لبلاصة ف ليام لي موراها. تقريبا سيمانة موراها، دكر آخر و نتوا تلقاو، هادي هي أول مرة هاد النوع تشجل معا بعضياتو ف السواحل لوروپية و جبل الطر. يام من موراها، النوع كمل لحضور ديالو ف دوك لبلايص، و السلوكات د لمجاوجة بدات تبان. ف 8 شتنبر 2023، عالم د الطيور اللوكال آنطونيو خيسووس سيپوولبيذا شاف شنيبير د هاد النوع و هو كايطلب لماكلة و ف اللخر وكلو واحد التيبيبط بالغ. 3 يام من بعد، تكونفيرما لحضور د شنيبير تاني، هادشي كايبين لمجاوجة الناجحة د هاد النوع ف أقصى جنوب ؤروپا.[8]
- ^ رامل، ڭوردون (2023-07-12). "Earth Life, House Buntings". تطّالع عليه ب تاريخ 2024-07-31.
- ^ Empty citation (معاونة)
- ^ Empty citation (معاونة)
- ^ "House Bunting Emberiza sahari - Bruant du Sahara". تطّالع عليه ب تاريخ 2024-07-31.
- ^ "House Bunting". تطّالع عليه ب تاريخ 2024-07-31.
- ^ "Expansion of House Bunting in Tangier". 2011-10-23. تطّالع عليه ب تاريخ 2024-07-31.
- ^ "House Bunting at Jbel Moussa and Ceuta". 2015-07-03. تطّالع عليه ب تاريخ 2024-07-31.
- ^ "House Bunting breeds in Europe for the first time". 2023-09-12. تطّالع عليه ب تاريخ 2024-07-31.