تمارة

تمارة
تمارة (ar) ⵜⵎⴰⵔⴰ (tzm)
تاريخ التأسيس	1983
لبلاصة
لبلاد	لمغريب
لإقليم	عمالة الصخيرات تمارة
لإدارة
لعمدة	موح رجدالي
السكان
شحال دالسكان	297,098 (2024)
شحال دلفاميلات	75,440 (2014)
لجغرافيا
لميساحة	33.56 كم²
معلومات خرين
كود د لبوصطة	12000
السيت الرسمي	temara.ma
الرمز لجغرافي	2529013

تمارة مدينة مغربية جات فالساحل ديال المحيط الأطلسي و هيا تابعة ل عمالة الصخيرات تمارة ف الجهة ديال الرباط سلا قنيطرة ساكنين فيها 312828 واحد، على حسب لإحصاء لعام 2014.

سبب السمية

غالباً ما كانت مدينة تمارة معروفة فالمذكرات التاريخية بسمية "مسّة" . و لمؤرخين اختلفوا على أصل السمية ديال "تمارة"؛ كاين اللي نسبها للمولى المهدي بن تومرت، وكاين اللي ردها للمعاني ديالها فبزاف د اللغات.

هكدا بانوا جوج ديال لفرضيات على أصل سمية لمدينة: لفرضية لأولى كتقول باللي أصل لكلمة هو أمازيغي، حيت الكلمات اللي كيبداو بـ "تا" و"تي" كيتنسبوا لـ لغة لأمازيغية، بحال: تادلا، تاغزوت، تمدروست، تاوريرت، وتزنيت. وعليها كيتفترض باللي هاد السمية حطها مؤسس لمدينة المولى ابن تومرت، الفقيه ولحاكم لأمازيغي ديال قبائل مصمودة فسوس. أما لفرضية الثانية، فكتشوف باللي مصدر السمية هو عربي محرف و كلمة "ثامرة" فلوغة كتعني الأرض اللي كتعطي بزاف، لخصبة ولمثمرة.

وهاد لوصف يمكن كينطبق على مدينة تمارة، حيت معروفة بالطابع لفلاحي ديالها ولمنتوجات ديالها، والطبيعة الخضراء ولمساحات الطبيعية لكبيرة، وا الغابات ولحزام لأخضر اللي داير بيها.

جغرافية

تمارة لمساحة ديالها 33،56 كيلومتر مربع. فالشمال الشرقي ديالها الرباط ، و فالشمال بينها و الرباط واحد الغابة محمية سميتها الحزام الأخضر، و فالجنوب ديالها تامسنا ،و الصخيرات فالجنوب الغربي ، إما الغرب فهي جات على المحيط الاطلسي تقريبا عدد السكان ديال تمارة 313،510 نسمة.

تمارة مدينة دينامكية لي من السبعينات و هي تتطور. كانت فاللول غير عروبية، و الناس لي كانو ساكنين فيها كلهم كانو فلّاحا، و الإقتصاد ديالهم كانو معولين فيه بشكل اساسي على الزراعة. من بعد غادي تزيد توسع المنطقة باش توصل لمدينة الرباط. و فعام 1983 غادي يتدار عمالة الصخيرات تمارة، وهنا غادي تبدى تبان مراكز و معامل صناعية فتمارة. الموقع المزيان ديال المدينة لي جات مابين الرباط و الداربيضا خلاها محور كبير فالصناعة. و غادي يتحلو شركات و مصانع كبيرة فمجال الصناعات التقيلة، فحال إنتاج السيما و الرخام و الفلين و لفاخر و صناعات الطونوبيلات و الطيران و التقنيات العالية. بحال، كان مصنع سيما ف تمارة من اللوالا د المجموعات الصناعية لي تدارت ف المدينة عام 1976 وصلات مبيعات ديالو ل 737 مليون درهم (تقريبان 65 مليون يورو).

تمارة فيها بزاف ديال الحومات منها الحومات القديمة و الجديدة و الحومات العصرية:

الحومات القديمة :

• دوار صحراوة
• دوار بن رحمون
• دوار مرس الخير
• دوار مطاع
• دوار القصبة
• كيش الوداية

الحومات الجداد :

• النهضة 1
• النهضة 2
• الفردوس
• الوفاق
• الإزدهار
• العلاويين
• العبادي
• الإنبعات
• السكيكينة
• المسيرة 1
• المسيرة 2
• المنار
• المنصور الدهبي

الحومات العصريين :

• الأندلس
• الهرهورة
• بيتهوڤن
• الصابل دور
• كونتر بوندي
• ݣيڤيل
• الوفاق
• ماشاء الله
• سيد العابد
• ڤال دور
• واد إكم

السكان

فالأصل، السكان ديال تمارة كانوا كيتكونوا من قبائل زعير ومجموعات مختلفة من لوداية (وهما مجموعات عسكرية من مناطق متنوعة فالمغرب، اللي كان السلطان كيسكنهم فهاد الأراضي وكيعطيهم لحق يفلحوها مقابل لخدمة فالعسكر ديالهم). أما دابا، السكان تخلطوا بزاف وكاع الأصول اللي فالمغرب ولات كاينة تما: العرب ومختلف المجموعات لأمازيغية، بحال الشلوح والحسانيين.

لمناخ

تمارة عندها لمناخ متوسط بصيف سخون على حساب تصنيف كوبن للمناخ . فالشتا كيكون كتير ديال الشتا مقارنة بالصيف. لمعدل السنوي ديال الحرارة فتمارة هو 17.8 °م (64.0 °ف). وكتطيح فيها حوالي 505 مـم (19.88 بوصة) ديال الشتا فالعام.

​

بيانات د الطقس ديال تمارة (Temara)
شهر	يناير	فبراير	مارس	أبريل	ماي	يونيو	يوليوز	غشت	شتنبر	أكتوبر	نونبر	دجنبر	عام
أعلى موعدال °س (°ف)	17.2 (63.0)	18.4 (65.1)	20.3 (68.5)	21.8 (71.2)	23.6 (74.5)	26.0 (78.8)	28.1 (82.6)	28.8 (83.8)	27.6 (81.7)	25.4 (77.7)	21.2 (70.2)	—	—
أهبط موعدال °س (°ف)	7.3 (45.1)	7.7 (45.9)	9.3 (48.7)	10.8 (51.4)	13.1 (55.6)	15.9 (60.6)	17.6 (63.7)	18.2 (64.8)	16.9 (62.4)	14.3 (57.7)	10.9 (51.6)	—	—
موعدال التساقطات مم (إنتشات)	75 (3.0)	66 (2.6)	61 (2.4)	53 (2.1)	21 (0.8)	5 (0.2)	0 (0)	1 (0.0)	7 (0.3)	41 (1.6)	74 (2.9)	101 (4.0)	505 (19.9)
مصدر: Climate-Data.org، بيانات المناخ

تعليم

• نسبة لأمية (نّاس لّي ما كايعرفوش يقراو ولا يكتبو) : 17,8%
• نسبة سّكان لّي قاريين فوق الليسي (ليسي و جامعة): 30,7%

قتيصاد

• نسبة نّاس نّشيطين (لّي يقدرو يخدمو): 53,5%
• نسبة لبطالة (نّاس لّي ما خدامينش و تايقلبو على خدمة): 16%
• نسبة نّاس اللي خدامين ف دّولة : 24,6%
• نسبة نّاس اللي خدامين ف لپريڤي :46,4%
• تمارة جات قريبة من جوج مدن كبار فالمغرب، اللي هما الرباط العاصمة، والمركز الاقتصادي الدار البيضاء. كاينين جوج ديال لمناطق أساسية اللي فيها أغلب لوحدات ديال الصناعة فمدينة تمارة.
• لمنطقة لأولى جات فالاتجاه ديال الدار البيضاء، والمساحة ديالها 120 هكتار (وقابلة للتوسع حتى لـ 300 هكتار)، وكاينين فيها 55 وحدة صناعية خدامة فهاد الزون، وكتجمع الصناعات اللي "نقية" (بحال النسيج، التعليب، الطباعة، والصناعات الغذائية). أما المنطقة الصناعية الثانية، فجات فالجهة الأخرى ديال لمدينة، فالاتجاه ديال الرباط؛ وهي لمنطقة الصناعية ديال التصنيع، اللي المساحة ديالها 20 هكتار وفيها 23 وحدة صناعية (بحال النسيج، لإلكترونيك، والصناعات لكيماوية).

مصادر

ويكيميديا كومنز عندا تصاور و معلومات على تمارة.

هادي زريعة ديال مقالة خاصها تّوسع. تقدر تشارك ف لكتبة ديالها.