تفرݣيعات د كازا د 2003

من ويكيپيديا
Ambox important.svg مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف دّوزان.
تفرݣيعات د كازا د 2003
تفرݣيعات د كازا د 2003
معلومات عامة
نوع د لهجمة عملية انتحارية
مول لهجمة تنظيم القاعدة و Salafia Jihadia
لبلاد لمغريب
لموضع الدار البيضا
تّاريخ 16 ماي 2003
عاداد ضّحايا 45
عاداد لمجروحين 100
لأهداف الحضارة الغربية و يهود
لخريطة

تفرݣيعات د كازا د 2003 هوما أحدات إرهابية طراو ف كازا، لمغريب، ف 16 ماي 2003، ؤ كيتّعتابرو أميـٰت هجمة إرهابية طرات ف تّاريخ د لمغريب. 45 واحد ماتو ف هاد لأحدات منهوم 33 ضحية ؤ 12 نتيحاريين ؤ كتر من 100 واحد تّجرح.[1] نّتيحاريين أصلهوم من حي سيدي مومن ف كازا.[2]

لهجمة نفّدوها 14 أعضاء من جماعة سّلفية لجهادية، شوية مورا 9 د لّيل، على شكل 5 د لهجمات مفرّقة على بلايص ديال ليهود ؤلا لبلدان لغربية، هوما كاسا دي إسپانيا، ؤطيل فرح، ريسطو طالياني مولاه يهودي، لقنصلية د بلجيكا، مقبارة ؤ مركز جتيماعي. جماعة لقاعدة تبنات لهجمة ف شخص زعيمها أبو مصعب الزرقاوي لي خطّط ليها، ب معاونة ديال كريم مجاطي لي تكلف ب تدريب لإرهابيين لي نفّدو تّفجيرات.[2]

لفيلم يا خيل الله د نبيل عيوش لي خرج ف 2012 تأنسپيرا من هاد تفرڭيعات.

لأهداف[بدل | بدل لكود]

  • كاسا دي إسپانيا: ريسطو سپنيولي كيزوروه سيرتو رجال لأعمال ؤ دّيپلوماسيين. ماتو فيه 20 واحد ف لوقت لي كانو كيتعشّاو ؤ كيلعبو لبينڭو.
  • ؤطيل فرح: تّقتلو فيه لكونسييرج ؤ سّيكيريتي لي كانو مڭارديين لباب د لوطيل. واحد من نّتيحاريين تشد تماك حيت ماقدش يفرڭع لقنابل ديالو.
  • لقنصلية د بلجيكا: لهجمة على لقنصلية كيبان بلي تدارت ب لغالاط، حيت لهدف لحقيقي كان ف لغالب ريسطو طالياني سميتو "پوصيطانو"، مولاه يهودي فرانساوي من أصل مغريبي. ماتو جوج بوليسيين ف هاد لهجمة.
  • لمقبرة ليهودية: نّتيحاري لي كان باغي يهجم على لمقبارة غلط ف لموضع، حيت تخالطات ليه واحد نّافورة معا نّافورة لي كاينة قدّام لمقبارة ليهودية. 3 د لمغاربا مسلمين ماتو ف هاد لهجمة.
  • لمركز جّتيماعي ليهودي: لمركز كان مسدود نهار سّبت داكشي علاش وخا جوج نتيحاريين فرڭعو راسهوم تماك، ما مات تا حد.

نتايج[بدل | بدل لكود]

لوفيات
لبلاد لحساب
الراية ديال لمغريب. 25
الراية ديال الصبليون. 4[3]
الراية ديال فرانسا. 3
الراية ديال الطاليان. 1


عيون لكلام[بدل | بدل لكود]

  1. ^ "Germany arrests Frenchman over 2003 Casablanca attacks" (بنڭليزية). 30 أكتوبر 2012.
  2. ^ a b "Analysis: May 16, 2003 Suicide Bombings in Casablanca, Morocco". مأرشيڤي من لأصل ف 11 أكتوبر 2007.
  3. ^ خوردان, خاڤيير; هورسبورڭ, نيكولا (2006). "Spain and Islamist Terrorism: Analysis of the Threat and Response 1995–2005". Mediterranean Politics. 11 (2): 209–229. doi:10.1080/13629390600682933.
Midori Extension.svg
هادي زريعة ديال مقالة خاصها تّوسع. تقدر تشارك ف لكتبة ديالها.