تغراف لويب
تغراف لويب (ب نّڭليزية Web scraping) هوّا نوع ديال تغراف دّاطا، ؤ پروصي لي واحد لپروڭرام كيجمع فيه لمعلومات بشكل ؤطوماتيكي من سيتات د لويب. تّغراف د لويب يقدر يتدار تا ب ليد من عند شخص ؤلا مجموعة د لأشخاص، ولاكين قليل فاش كيتّستعمل لمصطلح ف هاد لحالة. لپروڭرام لي كيدير تّغراف د لويب كيتسما عادةً بوت ؤلا رتيلة د لويب.[1]
هاد لپروصي كيكون ف لعادي على جوج مراحل ف كلا صفحة كيدخل ليها لبوت: طّيليشارجاج ديال صّفحة على شكل كوض هاش طي إم إل، ؤ جبيد لمعلومات لمحددة لي بغاها مول لبوت data extraction من وسط لكوض. على حساب لغاراض من تّخدام د رّتيلة د لويب، يقدرو لمعلومات لي تجبدو يتصوڤاو ف بازدوني ؤلا فيشي د إكسيل، باش يتطريطاو من بعد.
على حساب لقوانين د كلا بلاد، تغراف لويب ماكيكونش ديما مسموح بيه قانونياً، ؤلا كيكون ف لمنطقة رّمادية.
- ^ رايان ميتشل (15 يونيو 2015). Web scraping with Python [تغراف لويب ب پايثون]. O'Reilly Media. ردمك 9781491910252.
 هادي زريعة ديال مقالة خاصها تّوسع. تقدر تشارك ف لكتبة ديالها. |