تسونامي
التسونامي (من جاپونية: 津波، معنى "مواج د لمرصى"[1]) هو وحد مجمع د أمواج بسبب حركة كبيرة د ڤوليوم د ماء – عادة ف محيط ؤلا ضاية كبيرة – إما من زلزال، إنهيار أرضي ؤلا إنفجار بركاني.
ف ماء عميق، لأمواج د تسونامي عندو وحد پيريود (لوقت اللي كيفرّق بين كل قمة) د عشرات دقايق، وهوما كيمشيو بكتر من 800 كم/ساعة مع علو د غير شي ديسيميترات. ولكن مللي هوما كيوصلو لسّاحل، لپيريود و لسرعة ديالهم كينقص، بحق لعلو دالهم كيقدر يوصل لكتر من 30 م.[2] ب هدي، لأمواج قدرو يكون مدمرا بزاف، متلاً التسونامي د 2004 ف لمحيط لهندي اللي قتل كتر من 230,000 د الناس ف 14 بلدان.
ثيوسيديدز، وحد توارخي يوناني قديم، كتب بللي كان قدر يكون علاقة بين أمواج التسونامي ؤ زلازل لي كيوقعو تحت الماء،[3][4] ولكن ما كانتشي كتر من لفهم ديال التسونامي حتّا لقرن 20، و مازال كاين بزاف اللي مشي معروف.
قبل وحد تسونامي، الماء قدر يرجع بعيد من لشطاي. الناس اللي كيشوفو هدا قدرو ينجى غير إلا كيمشيو لأرض عالي ؤلا طبقة عالية. ملي وقع التسونامي ف عام 2004، وحد تلميدة نݣليزية، تيلي سميث، كان ف بحر د مايخاو ف طايلاند مع لوالدين ديالها، و ضنّات أن قدر يجي تسونامي حيتش تعلّمات عليهم ف درسها د جغرافيا من قبل، و بعد لوالدين ديالها حذروا لخرين قبل وصل لمواج، و بزاف د الناس تعتقو بسبابهم.
لبلاصات بخطر كبير ديال تسونامي كيكون عندو سيستيمات د تحذير من التسونامي باش يحذر الناس قبل كيوصل لمواج. لبلدان متلا كَسيتعملو الصفارات، ؤلا البلاكات اللي كيوريو الطريق د إخلاء.[5]
- ^ "Tsunami Terminology" (ب نڭليزية). NOAA. مأرشيڤي من لأصل ف 2011-02-25. تطّالع عليه ب تاريخ 2010-07-15.
- ^ ""Brochure en français de l'UNESCO/NOAAA"" (PDF). مأرشيڤي (PDF) من لأصل ف 2023-05-06. تطّالع عليه ب تاريخ 2022-05-16.
- ^ Thucydides: “A History of the Peloponnesian War”, 3.89.1–4
- ^ Smid، T. C. (April 1970). 'Tsunamis' in Greek Literature. Greece & Rome. 17 (طبعة 2nd). pp. 100–104.
- ^ Chanson, H. (2010). "Tsunami Warning Signs on the Enshu Coast of Japan". Shore & Beach (ب نڭليزية). 78 (1): 52–54. ISSN 0037-4237. مأرشيڤي من لأصل ف 2023-06-03. تطّالع عليه ب تاريخ 2022-05-16.
|
ويكيميديا كومنز عندا تصاور و معلومات على تسونامي. |
 هادي زريعة ديال مقالة خاصها تّوسع. تقدر تشارك ف لكتبة ديالها. |